tradukoj: be cs de en es fr hu nl pt ru sk

*friz/i FK

*frizi  

(tr)
1.
Arte aranĝi harojn per kombado, tondado kaj similaj: la sinjorinoj estis interrompitaj de frizita kelnero, kiu eniris dancante sur la pintoj de la piedoj [1]; malnova portreto […] prezentis […] sinjorinon kun pudritaj alte frizitaj haroj Fab3 ; virino de meza aĝo, kun haroj […] glate frizitaj sub eleganta blanka kufo Marta ; delikata, preskaŭ diafana mano tuŝetis la frizitan kapon de la brava knabo [2]; ili prezentis majstraĵon de la friza arto Marta ; junulo kun ne grandaj lipharoj kaj glate frizitaj haroj [3].
2.
Krispe, bukle kombi harojn: frizi harojn, barbon, plumojn; tiel ili paroladus, frizante la lipharojn VivZam .

frizaĵo  

Arta hararanĝo: bruna frunto kun densa, nigra, malalte tondita frizaĵo Marta ; sur ŝia pala buŝo aperadis de tempo al tempo rideto […] kiam la eksaltoj de la magazenaj sinjoroj fariĝadis plej risortosimilaj, la frizaĵoj plej moviĝemaj Marta ; ŝiaj haroj estis ruĝaj kiel fajro kaj turigitaj je plej mirinda frizaĵo el plektaĵoj kaj faskoj [4].

frizejo

Loko, kie oni frizas, tondas, kombas, aranĝas la hararojn de klientoj: mastrino de frizejo […] tondis harojn de klientoj kaj eminentuloj [5].

frizilo

Ilo por frizi, precipe por bukligi harojn: neniu bonorda kavaliro povas nun dece aperi en societo, se mi lin ne havis sub mia tondilo aŭ mia varma frizilo [6].

frizisto  

Barbiro: kiam la frizisto demandis lin plej humile, ĉu li ordonas razi la kapon kaj barbon, la estro respondis: – „superflue“ [7]; kio ĉagrenas vin, maljuna barbofrizisto [8]? li mem lavas sin, mem sin vestas, kaj lia frizisto tutajn tagojn kaptas per laĉoj birdojn kaj ne aplikas sian talenton [9]; ĉiu volas posedi kiel eble plej multe da ĉambristinoj, modistinoj, frizistoj [10]; frizistoj estas fifamaj pro sia babilemo [11].

tradukoj

anglaj

~i: curl, friz, frizz, dress (hair); ~aĵo: friz, frizz, hairdo; ~ejo: hairdressing salon; ~ilo: curler (hair); ~isto: hairdresser, hair stylist.

belorusaj

~i: завіваць (валасы); ~aĵo: завіўка; ~ilo: шчыпцы для завіўкі; ~isto: цырульнік.

ĉeĥaj

~i: frizírovat, kadeřit, nakadeřit, ondulovat, učesat, česat; ~ejo: kadeřnictví; ~ilo: kulma; ~isto: frizér, kadeřník.

francaj

~i: coiffer, friser; ~aĵo: coiffure (de cheveux); ~ejo: salon de coiffure; ~ilo: fer à friser; ~isto: coiffeur.

germanaj

~i 2.: zwirnen (Bart), locken; ~i: frisieren; ~aĵo: Frisur; ~ejo: Friseursalon; ~ilo: Frisierstab; ~isto: Frisör.

hispanaj

~i: frisar (cabello), rizar (cabello), encrespar (cabello); ~aĵo: rizo, crespo; ~ejo: salón de peluquería; ~ilo: rizador de pelo; ~isto: peluquero de mujeres.

hungaraj

~i: göndörít, bodorít, frizurát készít; ~aĵo: frizura; ~ilo: sütővas; ~isto: fodrász.

nederlandaj

~i: kappen; ~aĵo: kapsel; ~ilo: krulijzer, krultang; ~isto: kapper.

portugalaj

~i: frisar (cabelo), encrespar (cabelo), anelar (cabelo).

rusaj

~i: завивать (волосы); ~aĵo: завивка; ~ilo: щипцы для завивки; ~isto: парикмахер.

slovakaj

~i: nakaderiť, ondulovať, česať; ~ejo: kaderníctvo; ~ilo: kulma; ~isto: kaderník.

fontoj

1. Ludoviko Lazaro Zamenhof: Fundamenta Krestomatio de la lingvo Esperanto, 4, la porcio da glaciaĵo
2. B. Prus, trad. Kazimierz Bein: La Faraono, vol. 2, Ĉapitro XXIII
3. Ivan G. Ŝirjaev: Sen titolo, ĉapitro 37a
4. Michael Ende, trad. Wolfram Diestel: La Senĉesa Rakonto, La Vidanta Mano
5. Monato, , Jomo Ipfelkofer: La blua miraklo, 2009
6. Zdeněk Hršel: Vivo antaŭ 150 jaroj: Inter sinjoro kaj frizisto
7. B. Prus, trad. Kazimierz Bein: La Faraono, vol. 3, ĉapitro 1a
8. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, La bremenaj muzikistoj
9. B. Prus, trad. Kazimierz Bein: La Faraono, vol. 1, Ĉapitro XIV
10. B. Prus, trad. Kazimierz Bein: La Faraono, vol. 1, Ĉapitro XVIII
11. A. Tsirimokos: Re: matematikaj enigmetoj, soc.culture.esperanto, 2003-11-19


ℛevo | datumprotekto | friz.xml | redakti... | traduki... | artikolversio: 1.23 2019/11/08 23:10:32