tradukoj: be bg cs de en es fr nl pl pt ru sk

1koloni/o PV

kolonio

1.  
Teritorio, loĝata kaj administrata de elmigrintoj en fremda lando aŭ neokupita regiono; pli vaste: tereno, sur kiun oni instalis specifan loĝantaron: Marsejlo estis greka kolonio; kolonio komunista de Aŭstraliaj elmigrantoj estas nun fondata en Paragvajo [1]; venis ordono forkonduki ŝin en la orientan dezerton, kie apartigita de homoj, ekzistis kolonio de lepruloj [2]; ĉiuj [dometoj] identas, dronante en verdaĵo de legomĝardenoj, ĝardenetoj kaj florejoj: tio estas la laboristaj kolonioj [3].
2.  
POL Lando, administrata kaj ekspluatata de ŝtato ekster siaj landlimoj: la transmaraj kolonioj de Germanujo akiris sendependecon; la ĉefa vidindaĵo de la Kolonia Ekspozicio en Parizo estis la fama Templo de Angkor [4]; ĝenerale la koloniaj laboristoj estas ja pli ekspluatataj ol la laboristoj el la metropolo [5]. VD:dominio
3.
Aro da samnacianoj loĝantaj eksterlande en sama urbo aŭ regiono: la germana kolonio en Parizo; la pola kolonio en Usono.
4.  
EKOL Grupo de vivaĵoj, plejofte samspeciaj, dense kunvivantaj en unu loko: kolonio de formikoj; la apartaj kolonioj de monedoj estas komunumoj de fermita tipo, kies membroj konas unu la alian [6]. VD:grego, populacio, roto3

koloniiZ  

(tr)
Igi kolonion1,2: Rusoj koloniis Siberion; koloniadon de la Norda Ameriko komencis britoj [7]; Angilon malkovris Kristoforo Kolumbo en 1493, britoj koloniis ĝin en 1650 [8].

koloniano

Ano de kolonio: ankoraŭ Las Casas predikis kontraŭ la moro de fumado, kiun oni heredis de la kolonianoj [9].

koloniigi  

PV
Kolonii: por koloniigi la Lunon per poloj oni bezonas multegajn kosmoraketojn [10]; Gerando estis koloniigita de bretonoj en la dua duono de la 6a jarcento [11].

koloniismo

EKONPOL Ekonomia sistemo, en kiu la regna prospero baziĝas sur ekspluatado de ĝiaj kolonioj 2: la konferenco celis liberigi aziajn kaj afrikajn naciojn de imperialismo kaj koloniismo, kaj krei ekonomian kaj kulturan kunlaboron inter la koncernaj landoj [12]; por tiuj, kiuj preferas fermi la okulojn antaŭ la krimoj de koloniismo, ĉi tiu verko ne estas rekomendinda [13].

ekskolonio

POL Loko, kiu iam estis kolonio de fremda regno: plej multaj ŝtatoj, aparte en ekskolonioj kaj la orienta Eŭropo, estas plurlingvaj [14].

kontraŭkoloniismo  

POL Politika movado, kontraŭa al koloniado kaj ekspluatado de kolonioj 2.

novkoloniismo

POL Politika, ekonomia aŭ militforta influado flanke de pli riĉa regno, kiu ofte estis kolonianto: ili nun disvolvas novkoloniismon en Afriko dividante esperantistojn afrikajn por regi [15].

tradukoj

anglaj

~o: colony; ~i: colonize; ~ano: colonist; ~igi: colonize; ~ismo: colonialism; eks~o: former colony; kontraŭ~ismo: anticolonialism.

belorusaj

~o: калёнія; ~i: калянізаваць.

bulgaraj

~o: колония; ~i: колонизирам.

ĉeĥaj

~o: država, kolonie, osada; ~i: kolonizovat; ~ano: kolonizátor; ~igi: kolonizovat; ~ismo: kolonialismus.

francaj

~o 1.: colonie; ~o 2.: colonie; ~o 3.: communauté, colonie; ~i: coloniser; ~ano: colon, membre de la communauté; ~ismo: colonialisme; eks~o: ancienne colonie; kontraŭ~ismo: anticolonialisme; nov~ismo: néocolonialisme. ~a: de colonie, colonial; ~ado: colonisation.

germanaj

~o 1.: Siedlung; ~o: Kolonie; ~i: kolonisieren, besiedeln.

hispanaj

~o: colonia; ~i: colonizar; ~ano: colono.

nederlandaj

~o: kolonie; ~i: koloniseren, kolonialiseren; ~ano: kolonist; ~igi: koloniseren, kolonialiseren; ~ismo: kolonialisme; kontraŭ~ismo: antikolonialisme.

polaj

~o: kolonia; ~i: kolonizować; ~ano: kolonista; ~igi: kolonizować; ~ismo: kolonializm; eks~o: ekskolonia; kontraŭ~ismo: antykolonializm. pola ~o: polonia; ~ado: kolonizacja.

portugalaj

~o 1.: colônia; ~o 2.: colônia, domínio, possessão; ~o 3.: colônia, comunidade.

rusaj

~o: колония; ~i: колонизировать; ~ano: колонист, поселенец; ~ismo: колониализм; kontraŭ~ismo: антиколониализм.

slovakaj

~o: kolónia, osada; ~i: kolonizovať, osídliť; ~ano: kolonizátor; ~igi: kolonizovať, osídliť; ~ismo: kolonializmus.

fontoj

1. Ludoviko Lazaro Zamenhof: Fundamenta Krestomatio de la lingvo Esperanto, Bagateloj
2. B. Prus, trad. Kazimierz Bein: La Faraono, vol. 2, ĉap. 16a
3. V. Varankin: Metropoliteno, ĉap. 1a
4. R. Schwartz: La Stranga Butiko, Angkor' aŭ!
5. E. Lanti: Vortoj de k-do Lanti, Denove pri la morto de araba SAT-ano
6. J. Ŝuvajev: Pri la konduto de bestoj, Fokuso, 1987:1, p. 2a
7. Boris Kolker: Vojaĝo en Esperanto-lando, , B. Kolker: Galope tra la historio de Usono, leciono 2a
8. Monato, , Renée Triolle: Observanto observata, 2014
9. Ludoviko Lazaro Zamenhof: Fundamenta Krestomatio de la lingvo Esperanto, Bagateloj
10. Sándor Szathmári: Satiraj rakontoj, Enciclopeditis
11. Monato, , Jean-Yves Santerre: Fortikaĵurbo Gerando, 2009
12. Monato, , Syauqi Ahmad Zulfauzi Stya Lacksana: Aktivas la bonaj amikoj, 2015
13. Monato, , Carlo Minnaja: Perfidita popolo, 2014
14. UNDP, trad. R. McCoy: Raporto pri Homa Evoluo 2004, 2005
15. G. Koffi: en: TEJO ekamikas kun la Civito, libera folio, 2016-12-26

~i: Mankas verkindiko en fonto.
kontraŭ~ismo: Mankas dua fontindiko.
kontraŭ~ismo: Mankas fonto, kiu estas nek vortaro nek terminaro.


ℛevo | datumprotekto | koloni.xml | redakti... | traduki... | artikolversio: 1.27 2018/06/17 17:10:27