^*perd/i ^UV

(tr)
Nevole seniĝi je posedaĵo:

1.

Ĉesi posedi, ne plu havi: mi volis ŝlosi la pordon, sed mi perdis la ŝlosilon [1]; mi sopiras je mia perdita feliĉo [2]; [ili] perdis la kuraĝon [3]; [la] popolo […] perdis la prudenton [4]; [ili] perdis sian vivon [5]; ni povus ankoraŭ longe resti kune, sed nun mi devas jam perdi vin (ne povas kunresti) [6]! ili perdis sian bonan humoron [7]; ŝi perdis la spiron kaj komencis plori [8]; ŝi perdis la konscion kaj falis [9]; vi povas perdi la kapon (la prudenton aŭ eĉ la vivon) [10]! tio estas opinio, kiu jam perdis sian sencon [11]; ŝi perdis sian fidon je Dio [12]; Kala malsaniĝis kaj ĉiam pli perdis la sanon [13]; la nigraj okuloj perdis sian brilon [14]; mi perdis mian klaran voĉon [15]; por ke ili perdu sian trankvilecon kaj sian pacon, ŝi brodis mensogojn [16]; ĉu vi perdis la apetiton [17]? li preferis perdi la postenon ol lasi aliajn trudi al li ion kritikeblan [18]; [li] eĉ en tiaj cirkonstancoj ne perdis sian kutimon ion fuŝi per mallerto [19]; li riskas perdi sian ŝancon [20]; kiu perdis la kapon, ne bezonas jam ĉapon (kun prudento oni perdas ankaŭ honoron) ^PrV .

2.

Ne gajni ion, kion oni povus ekposedi: vi ne multon perdos per via foresto; Napoleono perdis la batalon (la venkon, t.e. malvenkis) de Waterloo [21]; — Sed vi ne volus iom manĝi, Stella? — Ne, mi dankas, mi ne estas malsata — Jes, malkaŝe dirate, vi ne multon perdas per tio ĉi, ĉar tie estas nek birdo, nek fiŝo [22]; perdi la ludon.

3.

Vane uzi: sed mi fidas, […] kial ni nun perdu vortojn pri tio [23]! paroli per rapida voĉo, kiel homo, kiu ne havas tempon por perdi [24]; mi adiaŭas tuj, ĉar mi ne volas perdi minuton [25]; vidu, vi ne perdis la tempon, tiuj indikoj estas tre valoraj por mi [26]. malŝpari

4.

Ne plu vidi ion aŭ iun malaperantan; ne povi plu retrovi: ili perdis la vojon […], la dezerto ilin ŝlosis [27]; ŝia gracia figureto […] perdiĝis en la amaso da rapidantaj homoj ^Metrop ; [ŝi] perdis la orientiĝon [28]; ĉiam antaŭen, kvazaŭ nur rekte antaŭ ŝi estus la celo, kiun ŝi neniam devas perdi el la okuloj [29]; Vinicius, en la ĝenerala konfuzo […] perdis la apostolon de la vido [30]; en tiu parto lumigita troviĝis la piedo de la ŝtupetaro, […] la restaĵo perdiĝis en ombron [31]; la publiko sentas sin iel perdita en tro malplena salono [32]; pli bone estas reiri, ol perdi la vojon ^PrV .

5.

(uzata nur en pasivo) Ruinigi, malsukcesigi, neniigi: ni estas perditaj, aŭ ni devas batali kiel pafvunditaj aproj [33]; ĉio estas perdita, rompita, neniigita, polvigita estas la granda celo de lia vaga vivo [34]; bono farita ne estas perdita ^PrV . konsumiĝi, malaperi, perei²

Igi iun perdi: tion vi faris, por perdigi de mi mian tempon [35]; ia maldiskretaĵo al li perdigos lian oficon [36]; tiu ĉi interrilato iom perdigis al li la feliĉan, senduban [kredon je] Dio [37]; la movo perdigis al li la glitigan starejon, kaj, momenton poste, li ree malaperis en la akvo [38];

(ntr)

Malaperi, tiel ke oni ne retrovas ĝin: foje la kontakto fluis malrapide, [foje] leteroj perdiĝis [39]; [ili] unuope aŭ duope forlasas la universitatan korton kaj perdiĝas en la popolaj amasoj ^Marta ; lia voĉo perdiĝis en la blekado […] de la batalantaj [40]; la ŝafon perdiĝintan Mi elserĉos [41]; cent semoj perdiĝas, mil semoj perdiĝas, – ni semas kaj semas konstante [42]; la cetero de lia frazo perdiĝis post la pordo, kiun li tirfermis post si [43]; ĉiu espero perdiĝis [44]! perdiĝas per pruntedono amiko kaj mono ^PrV .

(tr)

Poiome perdi aĵojn: tie li disperdis sian havon per diboĉa vivado [45]; ne havas sufiĉan monon por disperdi per reklamoj [46]; la valonaj politikistoj misregis, ili disperdis la riĉaĵojn de ĉiuj [47].

(ntr)

Malproksimiĝi, elgliti kaj malaperi: diru, pro Dio, kien vi forperdiĝis [48]! la cetero de lia generacia tabelo forperdiĝis [49]; li forlasis Esperanton en 1908, kaj liaj nepridubeblaj talentoj tiel forperdiĝis [50].

Tia, ke nenio perdiĝas: senperde konservi energion [51]; senperda formato FLAC [52].