pont/o

^*ponto

Konstruaĵo ebliganta trairon de rivero, fosaĵo, kavo ks: ŝtona, fera, ligna ponto; la arkaĵoj de ponto; (frazaĵo) bruligi post si la pontojn^Z (malebligi al si ĉiun ŝanĝon de decido ; (frazaĵo) la afero ne staras sur pinto de ponto (ne urĝas) [2]. VD:

karto, kubo, transpasi

Parto de kordinstrumento, subtenilo, sur kiu estas streĉitaj la kordoj: la instrumento havas 4 aŭ 5 pontojn [3].

(figure) Interkomunikilo: ni deziras krei ligantan ponton inter la gentoj^Z; Esperanto estas ponto trans ĉiuj lingvaj limoj; Hungarlando estas ponto inter oriento kaj okcidento; tiu procedo prezentos ponton de transiro^Z; ŝi serĉis ponton (transiron, pretekston) al pli intima konversacio.

baskulponto

Ponto, kies planko havas plurajn partojn, unu aŭ kelkaj el kiuj povas leviĝi kaj malleviĝi ĉirkaŭ horizontala akso, orta al tiu de la ŝoseo: la Londona baskulponto [Tower Bridge] [4].
Rim.: La rilato kun baskulo estas nur proksimuma.

levponto

Ponto, kies planko povas leviĝi kaj malleviĝi: ĉe la granda lago, staris malnova kastelo, ĉirkaŭita de profunda foso [kaj] tute apude de la levponto staris maljuna saliko [5]; mi hastis antaŭen por vidi ĝin plaŭdi en la ĉirkaŭfosaĵon tuj antaŭ la fermita levponto [6].
Rim.: La donitaj ekzemploj ŝajnas montri al kastelaj levpontoj, kiuj fakte estas baskulpontoj . Sed ekzistas alia speco de levponto, ĉe kiu la planko leviĝas per vertikala translacia movo. Ne estas klare, kiel tiaj ĉi pontoj nomiĝas en Esperanto.

superponti, transponti