tradukoj: be de el en es fr hu it la nl pl pt ru

^*vezik/o [1]

^*veziko

1.

Organika membrana sako: urinveziko.

2.

Globeto, konsistanta el tre maldika flueca haŭteto, kaj entenanta aeron aŭ gason: vaporveziko; sapveziko (formiĝanta en sapa akvo kaj povanta ŝvebi kelktempe en aero); tiu sapa veziko, la amo^Z; feliĉo vezike sin levas sed baldaŭ falas kaj krevas^Z. ŝaŭmo

naĝoveziko, naĝveziko

Aerplena organo en la ventro de fiŝo, dank' al kiu ĝi en akvo ŝvebas, leviĝas, malleviĝas: ekzistas fiŝoj kun brankoj kiuj spiras aeron solvitan en akvo, kaj ankaŭ spiras gasan aeron en siaj naĝvezikoj [2].

spekula veziko, spekulacia veziko, financa veziko

Prezaltiĝo trans la efikoj de mendo kaj oferto, kiun kaŭzas spekulado en la koncerna merkato, kun risko de subita kolapso: ĉiam post kelkaj jaroj krakas nova spekula veziko [3]; la direktoro de la semajngazeto L’Express maltrankviliĝas : "la kapitalismo ... produktas spekulaciajn vezikojn" [4]; financaj vezikoj ... kreas fiktivan riĉecon kaj ebligas konsumkreskon sen salajroj [5].