*font/o PV

*fonto

1.
Loko, kie akvo aŭ alia fluaĵo eliras el la tero: fontoj, ŝprucigantaj akvon [1]; ŝi malsupreniris al la fonto kaj ĉerpis [2]; jen mi staras apud la fonto da akvo [3]; [li] staras ĉe la kameloj apud la fonto [4]; venos tamen vento orienta […] kaj tiam elsekiĝos lia fonto [5]; la komenciĝa fonto de la rivero [6]; el la subteraj fontoj fluas varma akvo, iafoje malbonodora kaj abomene sala [7]; fonto de natura gaso PIV1 ; (figure) miaj okuloj estus fonto da larmoj [8]. SUB:gejseroVD:fontano1, puto
2.
La elfluaĵo mem: pura fonto QuV ; malklara fonto [9].
3.
Origino de materia forto: la unua radio de la suno trarompis la nubon, kaj la klara lumfonto kaŭzis la aliformiĝon [10]; trifosfata adenozino estas la precipa fonto de energio en la korpo [11]; renovigeblaj energifontoj (suno, vento, biologia brulaĵo) [12].
4.
(figure) Origino, deveno, kaŭzo: [pro] elsekiĝo de la materialaj fontoj (rimedoj) FK ; instruo de saĝulo estas fonto de vivo [13]; ŝi estis denove forta kaj milda, […] kaj de ŝi venadis nun riĉa fonto de konsolo [14]; eksonis en ŝia rememoro, vortoj […] pri la ĉefa fonto de la amo [15]; la patrino estis senhalta fonto de demandoj [16]; jen kie estas la fonto de la malfeliĉoj [17]; la vitrofarejo estis grava fonto de enspezoj [18]; ĉerpi el komuna fonto de eŭropaj lingvoj VivZam ; la fonto de niaj informoj Lanti ; bovina lakto estas la plej bona fonto por kalcio [19]; homo malsaniĝinta pro variolacio samtempe fariĝis fonto de infekto al aliaj [20] (kp kovejo3).
angle:
spring
beloruse:
крыніца
ĉeĥe:
generátor, pramen, studánka, zdroj
france:
source, puits (de pétrole), cause (origine), origine (source)
germane:
Quelle
hispane:
fuente 1. manantial
hungare:
forrás
nederlande:
bron
pole:
źródło
portugale:
1. fonte, nascente, olho-d'água, manancial
ruse:
источник 1. родник, ключ, скважина (нефтяная) ~o de infekto: источник заражения
slovake:
prameň, zdroj, žriedlo
svede:
källa

fonti

(ntr)
1.
Eliĝi el fonto, ŝpruci: neniam elfontos lakto el mia mamo SkandalJozef ; oni vidas altan akvofalon, kiu fontas el glaĉero [21].
2.
(figure) Deveni de: ĉu ŝia afablo fontas el ĝentilo, aŭ ĉu ŝi favoras min pro korinklino KrM ; la hebrea estas la pralingvo, el kiu fontis ĉiuj postaj lingvoj Ret ; rimarkindaj estas la lingvaj eseoj kaj studoj, kiuj fontas de la Budapeŝta Skolo EeP ; agresemo, kiu fontis el malkontento pro la ĝenerala stato EeP ; el tiu banala gesto fontis gravaj konsekvencoj ChV .
beloruse:
1. выцякаць, біць (пра ваду з крыніцы) 2. паходзіць
ĉeĥe:
pramenit, prýštit
france:
sourdre, surgir (sourdre), jaillir (sourdre), découler, prendre sa source, provenir
germane:
entspringen 1. quellen 2. hervorgehen
hungare:
ered
nederlande:
1. ontspringen 2. ontspruiten
ruse:
проистекать
slovake:
prameniť

varmfonto, varmofonto

GEOL Fonto kiu nature provizas varman akvon: tie, en rojo, ŝprucas varmfontoj, kie nun kamparanoj kaj maloftaj piedirantaj turistoj ĝuante banas sin [22]; la vivaĵoj en japanaj varmfontoj estas jam pli-malpli detale esploritaj de multaj biologoj [23].
france:
source thermale
germane:
Thermalquelle

administraj notoj

pri ~o 3.:
      Trovi pli klarajn ekz-ojn por kontrastigi "~o de lumo"
      kaj "lum~o". [MB]