1impon/i PV

imponi

(x)
Trudi al iu cedeman respekton, obeeman admiron pro sia supereco: tiuj densaj haroj havis imponantan aspekton [1]; al la amaso tiaj instruitaj paroloj tre imponas EE ; nenio povas tiel bone imponi al la amaso, kiel faktoj kaj konstantaj signoj de vivo DL ; luksaj vestoj kaj multego da imponantaj ordenoj [2]; kia imponanta staturo! vi certe estas je duono da kapo pli alta ol mi Marta ! VD:impresi
Rim.: En unu frua verko troviĝas diversloke „impoz/“: enŝlosita preskaŭ ĉieflanke de aliaj konstruaĵoj […] ĝi ne impozas la rigardanton [3].
HOM:impozi (aranĝi)
1. B. Prus, trad. Kazimierz Bein: La Faraono, vol. 1, Ĉapitro VIII
2. L. L. Zamenhof: Paroloj, Parolado antaŭ la Unua Kongreso Esperantista en Boulogne sur Mer en la 5a de aŭgusto 1905
3. Valdemar Langlet: Vojaĝimpresoj, En Peterburgo
angle:
 impress
ĉeĥe:
 imponovat
france:
 impressionner (susciter l'admiration), en imposer
germane:
 imponieren, beeindrucken
hispane:
 impresionar (suscitar admiración)
hungare:
 imponál
nederlande:
 imponeren, indruk maken
portugale:
 impor-se
ruse:
 внушать уважение, импонировать
slovake:
 imponovať
svede:
 imponera
ukraine:
 імпонувати, викликати повагу, справляти гарне враження

impona

Kaŭzanta admiron, surprize granda, brila: impona renkontiĝo de la tutmonda ortodoksa eklezio [4]; la plej impona vidindaĵo de la urbo estas ties gotika katedralo [5]; la impona montarĉeno de Andoj [6]; bestoj kun longeco de 2 ĝis 3 metroj certe estas imponaj, […] ekzistas aliaj specioj de varanoj kun longeco de pli ol unu metro [sed] la komoda specio […] estas la plej granda [7]; (figure) Nun fanfarone li levis la nazon, / Nazon imponan en form' de kukurb' [8]. VD:grandioza, majesta, okulfrapa, solena
4. Monato, Evgeni Georgiev: Grekio: Jarmila festego ortodoksa
5. Monato, Josette Ducloyer: Francio: Quimper
6. Monato, Hose Marques: Argentino: Vojaĝo al la provinco Tukumano
7. Monato, Izabel C. O. Santiago: Faŭno: La „drakoj“ de Komodo: Gigantaj bestoj sur izola insulo
8. Raymond Schwartz: La Stranga Butiko, Tro Homa Sorto de iu Neĝhomo
angle:
 impressive
ĉeĥe:
 honosný, nádherný, okázalý
france:
 imposant, impressionnant
germane:
 imposant, beeindruckend
hispane:
 imponente, impresionante, majestuoso
hungare:
 imponzáns
nederlande:
 indrukwekkend
portugale:
 imponente
ruse:
 внушающий уважение, впечатляющий, импозантный
slovake:
 impozantný, nádherný, okázalý
svede:
 imponerande
ukraine:
 імпозантний, показний, презентабельний, величний

imponeco

Eco de iu aŭ io, kion oni admiras, preskaŭ time respektas: la glaciejoj, kiuj blankigas la pintojn de la azia montaro, tiom konata pro sia imponeco [9]. VD:aŭtoritato, prestiĝo
9. Monato, Roberto Pigro: Everesto mem blovospiras, 2013
angle:
 impressiveness
france:
 éclat (caractère imposant)
germane:
 Großartigkeit, Imposanz
hispane:
 grandiosidad, majestuosidad
nederlande:
 indruk
portugale:
 imponência
ruse:
 импозантность, величественность, престиж, авторитет
ukraine:
 імпозантність, велич, престиж, авторитет, слава, популярність

imponemo

Sinteno de tiu, kiu volas imponi; memkontenta elmontremo: tie rolas ankoraŭ unu faktoro: la imponemo: la „inteligenta poŝtelefono“ […] estas multekosta kaj efekta [10]. VD:aroganta, fanfaroni, fiero2, orgojlo
10. S. Pokrovskij: Poŝkomputilo, La Ondo de Esperanto, 2002:10
france:
 ostentation, prétention
germane:
 Imponiergehabe, Angeberei, Wichtigtuerei
hispane:
 ostentación, presunción

imponiĝi

(ntr)
Admire, respekte ekvidi la neatenditan grandecon, la superecon de io: Mik ne nur devenis de la angla ĉefurbo, sed estis tre fiera pri tio, kaj estis konvinkita ke ĉiuj aliaj same imponiĝas antaŭ ĝi [11].
11. J. Francis: La Granda Kaldrono, 1978
france:
 être impressionné (par)
hispane:
 ser impresioado (por)

administraj notoj