^*majest/a ^UV

Inspiranta admiran respekton per sia impona aspekto kaj dignoplenaj manieroj: ho nia Dio, ni dankas Vin, kaj ni gloras Vian majestan nomon [1]; multaj homoj […] avide kaptis la okazon rigardi de proksime […] la majestan reĝinon [2]; freŝigaj ventetoj ekludis en la suproj de majestaj terebintarboj [3]; [en] tiu mankhava vortaro […] troviĝas nur tiaj neperfektaj vortoj por la majestaj kaj ravaj aferoj [4]; tiu militistklaso min rajtigas eble eĉ por eniri la internan kortegon de Lia Majesta Moŝto [5]; Mateo Iljiĉ proksimiĝis al ŝi kun majesta mieno, kaj humilaj komplimentoj [6]; li eĉ observis la evoluon de la moderna literaturo kun majesta indiferenteco [7]; la aglo […] ekvidis majestan karavanon de riĉe ŝarĝitaj kameloj kaj multekoste vestitaj armitaj homoj [8]; kapo majesta, sed cerbo modesta ^PrV ; de majesta ĝis ridinda estas nur unu paŝo ^PrV . digna, grandioza, moŝta, pompa, sublima¹

1.

Eco de iu, io majesta: per Via granda majesto Vi frakasas Viajn kontraŭulojn [9]; kvazaŭ forpuŝita de la majesto de la reĝa infano, li preterpasis [10]; en la okuloj, vizaĝo kaj tuta aspekto ŝi havis tian majeston, ke […] ĉiuj klinis antaŭ ŝi la kapon [11].

2.

Reĝa aŭ imperiestra moŝto: ambasadoro, kiun ŝirmas la majesto de Asirio [12]; iu tria servisto, proksimiĝante […] diris al li: Reĝa Moŝto, kredu min, Via Majesto ne devas resti ĉi tie pli longe: mi ekpreparos ĉion [13]; pro la ordono de Lia Sankta Majesto kaj Ŝia Sankta Majestino mi priesploris la rezultojn de la arabaj alĥemiistoj [14].

Majesto¹: pro via majesteco vi perdis vian saĝon [15]; antaŭ la komisiuloj nun aperas ne petanto, sed batalanto por la majesteco de sia ideo [16]; tiu luksa abatejo [impresas] per la gota majesteco de siaj longaj pintarkaj fenestroj, per la fiere leviĝantaj kolonoj [17]; el liaj okuloj fulmis brilo ĉiam pli granda, radiis de li potenco, radiis majesteco, radiis sankteco [18].