^*impres/o

1.

Influo, efiko, farita sur la sentumoj, la koro aŭ la spirito: senti impreson de malvarmo; oni havis la impreson kvazaŭ ĉio dormas [1]; li havis impreson, kvazaŭ li troviĝas en sia propra preĝejo, en kiu li estis baptita [2]; oni havis impreson, kvazaŭ la maro volas diri: mi ankaŭ povas aspekti malserene! [3]; mi scios ja, ke tio estas la diablo, kaj tial ĝi ne faros sur mi tian impreson [4]; mi havis la impreson, ke tiuj vortoj enhavas en si profundan doloron [5]; ŝi havis la impreson, ke la cignoj pli forte frapas per la flugiloj [6]; aperis lumoj malsupre, tio faris tian impreson, kvazaŭ oni ekbruligis pecon da papero [7]; li lasis en mia memoro la plej bonan impreson [8]; ŝi sentis, ke ŝin kaptis impreso kaj rememoroj ^Marta ; ŝi sentis, kian por ŝi nefavoran impreson ŝia ludado faris ^Marta . efekto, imponeco, ŝajno, sperto²

2.

Fizika efiko de lumradioj sur fotografa plato: tempo de impreso; la lumo falas sur la malantaŭan parton, kie estas kreita bildo sur imprespapero [9].

(tr)

Estigi, fari impreson al: la pastro agrable impresis lin [10]; oni povis vidi, ke la vortoj de la filo forte ŝin impresas [11]; la kisoj malagrable impresis Klaron, ĉar ŝi sciis, ke ili estas falsaj [12]; Klotildo estis provizita je tiu ensorĉanta ĉarmo, kiu tiel forte impresis [13]; kio impresas vin kiel plej stranga en ĉi tiu afero [14]? gravuri, influi, sentigi

Faranta fortan impreson: impresa rakonto, propagandilo; impresa kaj efika stilo [15]; ŝi prenis el ŝranketo botelon kaj provizis glason per impresa dozo da viskio [16]; post momenta, impresa paŭzo li diris grave: – [li] ne mortigis sin mem [17]; [ili] ellaboris detalajn genealogiajn tabelojn – cetere tre impresajn unuavide [18]! iom post iom plenigis lin kvieta trankvilo, ankoraŭ pli impresa kaj viva ol tiu de la dormanta tero [19]; la portantoj de tiu kulturo […] estas famaj ankaŭ pro siaj impresaj pentraĵoj en kavernoj [20].

1.

Povanta esti facile impresata: kiel impresebla vi estas [21]! la belforma kaj delikata linio de tiu buŝo, kiel […] okazas ordinare ĉe homoj kun impresebla naturo ^Marta ; viro psike nestabila, kun impresiĝema karakter’ [22]; lia animo estis tro impresebla de ĉio bela [23]; mi estas sensiva, impresiĝema homo, kaj sekve mi forte sentas kritikojn [24]. sentema

2.

Preparita por ricevi la efikon de la lumradioj: impresiĝema fotografa plato.

Arta, precipe pentrarta skolo, aperinta fine de la 19a jarcento, en kiu la artisto kaptas kaj redonas ĝeneralan impreson de objektoj en ia difinita momento, vidataj sub ia difinita lumo; la nomon al la skolo donis la pentraĵo de franca pentristo C. Monet „Impreso, leviĝanta suno“, 1872; impresionismo: preskaŭ impresisma efiko [25]; impresismaj pentristoj volas redoni naturajn, lokatmosferajn, socirilatajn kaj similajn impresojn kvazaŭ nur per lumo kaj koloro [26].

Kiu kaŭzas malbonan impreson, ŝajnas malbona, ŝoka, neakceptebla: en la profundo staras malserenaj, malbonimpresaj domoj kun lignaj palisaroj [27]; pasintece misimpresaj ilustraĵoj [28]. abomena, malbela, kaduka