1kapital/o

kapitalo  

1.  
EKON Parto de la riĉaĵoj uzata por produktado; profiton donanta proprumaĵo; tuto de la provizaĵoj kaj iloj, t. e. laborrimedoj: tiuj ĉi provoj […] englutis ankaŭ tre grandajn kapitalojn EE ; mi mem povas eldoni nur tre malgrandan parton, ĉar mi havas […] tro malgrandajn kapitalojn DL ; la pastroj ne elspezas ĉion, sed amasigas kaj pligrandigas sian kapitalon [1]; (figure) [li] en siajn verkojn, proponatajn al la socio, enmetas la plej grandan kapitalon da tempo, laboro, povosciado kaj ekzerciteco Marta ; oni povas uzi la pli altajn tonojn, se […] el la morto de iu persono oni deziras tiri politikan kapitalon (avantaĝon) [2].
2.  
EKON Sumo de posedata mono, konsiderata kiel ĉefaĵo, kontraste kun la rento, konsiderata kiel akcesoraĵo: ŝi posedas kapitalon da dek kvin mil rubloj IK ; al ni en ĉia okazo restas ankoraŭ 200 dolaroj jare, por kiuj ni nin aranĝis […] kaj rezervis kapitaleton en la ŝpara banko FK .
1. B. Prus, trad. Kazimierz Bein: La Faraono, vol. 3, Ĉapitro II
2. Ivo Lapenna: Retoriko, 2. Voĉo
angle:
capital
beloruse:
капітал
ĉeĥe:
jistina, kapitál
france:
capital (nom, econ.)
germane:
Kapital
hispane:
capital
hungare:
tőke
nederlande:
kapitaal
pole:
kapitał
rumane:
capital
ruse:
капитал
slovake:
istina, kapitál
tokipone:
mani

kapitala

1.
Rilata al kapitalo: kovri la deficitojn el la kapitala konto [3]; elspezoj […] pagataj de la kapitala rento [4]; 2 milionoj da kapitala mono [5]; kapitala alfluo [6]; en evoluintaj landoj la kapitala rendimento ĝenerale povas esti de 9 % ĝis 11 % [7].
2.  
(arkaismo) Eksterordinare granda, profitiga: li mortigis tian kapitalan bovidon Hamlet . VD:majuskla, krimego
3. Ivo Lapenna, Tazio Carlevaro kaj Ulrich Lins: Esperanto en Perspektivo, 18.6 Financa Fortikiĝo
4. Ĉu solvoj?, La Ondo de Esperanto 2001 – 2004
5. La komitato en Gotenburgo: ĉu jam konstrue al stabila tutmonda asocio?, La Ondo de Esperanto 2001 – 2004
6. Monato, Evgeni Georgiev: Bonaj perspektivoj por 2014, 2014
7. Monato, Mu Binghua: Monopolo super la elektropova provizado, 2006

kapitalismo  

EKON Ekonomia funkciado, en kiu grandajn firmaojn posedas pliparte privataj kapitalhavantoj: necesas ĝuste taksi la nuntempan situacion, kaj ne kredi, ke nia deziro pri baldaŭa forfalo de l’ kapitalismo sufiĉas, por ke ĝi efektiviĝu [8]; transiro de socialismo al kapitalismo [9]; sociala kapitalismo [10]; kapitalisma liberalismo [11]; la azia kapitalismo ne estas moderna, ĝi estas paria kapitalismo [12]; VD:feŭdismo, komunismo, liberalismo2
angle:
capitalism
beloruse:
капіталізм
ĉeĥe:
kapitalizmus
france:
capitalisme
germane:
Kapitalismus
hispane:
capitalismo
nederlande:
kapitalisme
pole:
kapitalizm
rumane:
capitalism
slovake:
kapitalizmus

kapitalisto  

EKON Homo posedanta kapitalon, de ĝi ricevanta renton: [la] plej influaj membroj estas la novkapitalistoj, kiuj posedas fabrikojn kaj entreprenojn [13]; dum la industria epoko, kapitalistoj ĝenerale regis la produktadon kaj la socion [14]; kapitalisto karesanta sian monsakon [15]; mi estas nek kapitalisto nek borsoĵonglisto [16].
angle:
capitalist
beloruse:
капіталіст
ĉeĥe:
kapitalista
france:
capitaliste
germane:
Kapitalist
hispane:
capitalista
hungare:
tőkés, kapitalista
nederlande:
kapitalist
pole:
kapitalista
rumane:
capitalist
ruse:
капиталист
slovake:
kapitalista

administraj notoj