¹katastrof/o ^JED

Subita malfeliĉega okazaĵo: Li […] cindriginte la urbojn Sodom kaj Gomora, kondamnis ilin per katastrofo [1]; la maro okupis parton de teroj norde, kaj la dezerto oriente, estis kelke da senfruktaj jaroj, unuvorte katastrofo post katastrofo [2]; senbaza estas la optimismo [konfrontite de] de kruelaj kaj stultaj militoj, de tertremoj, de epidemioj kaj plej diversspecaj katastrofoj ^Kandid ; pro la ekonomia katastrofo en Germanio Paul Hübner devis ĉesigi ĉiun agadon por Esperanto kaj por KELI en 1924 ^EeP ; interhelpo en okazoj de naturaj katastrofoj ^FSp ; la tertremo mem kaj ĝia sekvanta cunamo estis la granda katastrofo, kiu mortigis 14 mil homojn ^Kon11 . kolapso², krizo¹, perei²

Havanta la ecojn de katastrofo: la katastrofa teruro donis al ŝi pli ol homan forton ^LGA ; malplekti la misteron, kiu ĉirkaŭas la katastrofan malfeliĉon de Ijob ^Iŝtar ; la fama katastrofa erupcio de Vezuvio komenciĝis la 24-an de aŭgusto de la jaro 79 ^Kon11 ; por eviti negativajn, aŭ kelkfoje eĉ katastrofajn sekvojn, la organizantoj de diversaj aranĝoj, kiuj postulas interpretadon, nepre devus transdoni tiun delikatan taskon al efektive kompetentaj personoj [3].

Doktrino laŭ kiu naturaĵoj evoluas precipe pro katastrofoj, subitaĵoj, renversoj, kontrasta al evoluismo: plej fama subtenanto de katastrofisma teorio estis Georges Cuvier (1769–1832) [4]; multaj el ili estas subtenantoj de lamarkismo, nomogenezo, katastrofismo kaj aliaj, kvankam la plejparto estas partianoj de la darvina teorio de evolucio [5].

Antaŭmalhelpa aŭ helpoproviza por okazoj de katastrofo: unu el miaj laboroj estis deĵorado en kontraŭkatastrofa hospitalo [6]. homsava, humanitara

Subita okazaĵo en la naturo kaŭzanta tre gravajn difektojn kaj ŝanĝojn: superakvo, tertremo...; kataklismo: en la plej[ ]granda naturkatastrofo ekde la hommemoro, saviĝas naturpopolo de iu malgranda insulo en la oceano, sed cent miloj da homoj mortis [7]; la belga leĝo devigas asekurojn de loĝejoj repagi la kostojn de naturkatastrofoj, do ankaŭ de inundoj [8]; (figure) ŝi kun la forto de nekontraŭstarebla naturkatastrofo ŝovis rapide Gabrielon en la alian ĉambron ^KKr .