^*kvant/o

1.

Eco de io korpa, kiu (kvankam eble ne plu nombrebla) estas mezurebla (maso, pezo, volumeno, valoro); la mezurita nombro de tiu eco: laŭ la kvanto de manĝado de ĉiu ili kalkulu [1]; la tuta oro […] prezentis la kvanton de dudek naŭ kikaroj [2]; la kvanto de la kupro en ĉiuj tiuj iloj estis nemezurebla [3]; el vidpunkto de la parolarto, ne gravas nur la kvanto da vortoj, sed ankaŭ, kaj precipe, ilia taŭga uzado [4]; la mastrino, siaflanke, plendis pri la malgranda kvanto de la gastoj, pri la malfacilaj tempoj [5]; produktokvanto [6]; vendokvanto [7]; la totala grena importokvanto [8]; la eldonkvanto devos esti almenaŭ duoble pli granda ol la supozata vendokvanto en la proksimaj jaroj [9]; ne kvanto, sed kvalito decidas pri merito ^PrV . mezuro²grando², kvalito

Rim.: Kiam io estas nombrebla, oni kutime preferas la vorton „nombro“: Nombro da personoj, libroj, jaroj ktp.

2.

Iom granda aŭ tre granda nombro³ da objektoj aŭ personoj, ofte rilate al pli vasta tuto; kiomo: ŝi posedis en si sufiĉan kvanton da fortoj de spirito kaj volo ^Marta ; granda kvanto da laboro ^Marta ; super la altaj muroj troviĝis granda kvanto da kamentuboj, el kiuj eliradis fumo ^Marta ; [li] englutis grandegajn kvantojn de la sengusta, fadena kaj pastema turka konfitaĵo [10]; pago de ŝuldanto estas bona en ĉiu kvanto ^PrV . amaso, iomete, porcio

Rilata al kvanto: la traduka aktivado el la kvanta vidpunkto estas impresa [11]; en tiu ĉi kazo kvantaj kreskoj en difinita momento transformiĝas en novajn, pli altgradajn kvalitojn [12]; scienco okupiĝas pri kvanta priskribo de la mondo [13]; ĉu tiun kvantan magrecon tamen kompensas elstara kvalito literatura [14]? kvanteca diferenco (kontraste al kvalita).

Meznombro: generacio estas la tuto de la proksimume samaĝaj homoj, vivantaj dum la sama tempospaco, kalkulata laŭ la tempo pasanta mezkvante inter la naskiĝoj de la gepatroj kaj de ties idoj [15].

Nombro de la ekzempleroj produktitaj por certa elkvanto: la broŝuro aperis en tre malgranda eldonkvanto [16]; eldonkvanto: 500 ekzempleroj [17]; multaj mendoj ne povis esti plenumitaj, ĉar la eldonkvanto estis tro malgranda [18].

Nombro de mortoj en difinita grupo, demografie kalkulata laŭ jaro kiel elmilo de la samjara mezuma nombro de individuoj: iama absoluta misproporcio, rilate al la infana mortokvanto inter progresintaj kaj malprogresintaj landoj, estis malpliigita […] al 107 mortoj je 1000 novnaskitoj [19]; oni priesploris la mortokvanton de biciklistoj, kiuj partoprenis la t.n. Tour de France [20]; Tu eltrovis artemizion, drogon, kiu multe reduktis la mortokvanton de pacientoj suferantaj malarion [21].

^PIV2

Fizika grando, egala al produto de maso per rapido (vektoro): ĉar movokvanto ĉiam konserviĝas, la sumo da movokvantoj antaŭ la kolizio devas egali la sumon da movokvantoj post la kolizio [22].

Nombro de naskoj en difinita grupo, demografie kalkulata laŭ jaro kiel elmilo de la samjara mezuma nombro de individuoj: la naskokvanto estas ege malalta – multaj paroj ne volas naski bebon [23]; inter 1992 kaj 2003 la loĝantaro de Rusio sume malkreskis je 3,5 milionoj pro la ŝrumpinta naskokvanto [24].

^Viki

Fizika grando, egala al vektora produto de levilbrako per movokvanto: la dua leĝo de Kepler […] respondas al la konserva leĝo de angula movokvanto [25]; bazita sur la malcerteca principo de Werner Heisenberg, la ekzakta movokvanto kaj pozicio de la efektiva elektrono ne samtempe povas determiniĝi [26].