*nombr/o PV

*nombro

1.
MATVdE Matematika objekto esprimanta grandon aŭ mezuron: la nombro de ĉiuj […] liaj filoj kaj filinoj estis tridek tri [1]; ĉiuj militkapablaj prezentis en la tribo de Gad la nombron de kvardek kvin mil sescent kvindek [2]; oni instruis […] skribi la nombrojn [3]; la nombro 10 000 000, pri kiu estas parolita en mia unua verko, ŝajnas al multaj absolute ne ricevebla DL . SUB:natura entjero, entjero, kardinalo, racionalo, neracionalo, reelo, komplekso. VD:numeralo, numero.

Bedaŭrinde la vektorgrafiko ne povas montriĝi!


plej kutimaj nombro-aroj
2.
(pp homoj) grupo kun certa kvanto da membroj: Satano eniris en Judason, nomatan Iskariota, kiu estis el la nombro de la dek du (disĉiploj) [4]; granda nombro kredis kaj turniĝis al la Sinjoro [5]; kiam ili estis kune en granda nombro, al kelkaj el ili la veturo tedis [6]; mi apartenas al la nombro de tiuj, kiuj kolektas la vortojn de l' vero [7]; kiam kolektiĝis sufiĉa nombro da aŭskultantoj, ili anoncis […] [8]; oni iel alkalkulos lin mem al la nombro de tiuj malsaĝuloj EE ; sur ilian lokon vi elektu por mi komizinojn el la nombro de viaj protektatinoj Marta .
3.
Nedifinita kvanto: granda nombro da homoj, demandoj; granda nombro de la popolo el la tuta Judujo kaj Jerusalem[…] alvenis, por aŭskulti lin kaj saniĝi je siaj malsanoj [9]; ilia nombro estas kiel la sablo de la maro [10]; antaŭ kelka nombro da jaroj [11]; el la senlima nombro da sonoj ĉiu ekzistanta lingvo elektis por si nur certan difinitan kolekton [12].
4.
GRA Deklinacia aŭ konjugacia formo de vorto, montranta, ke ĝi rilatas al unu aŭ pluraj personoj aŭ aferoj: la pronomo, kiu staras antaŭ la verbo, jam tute sufiĉe montras ĝian personon kaj nombron [13]; ni bezonas apartan serion da finiĝoj por ĉiu persono kaj nombro, kaj al tio ĉi en ĉiu tempo kaj en ĉiu modo apartan novan serion da tiuj ĉi finiĝoj EE .
Rim.: Kompare kun la disaj naturismaj terminoj singularo, dualo, pluralo la sistema serio ununombro, dunombro, multenombro, estas ne nur pli radikŝpara, sed ankaŭ pli riĉa: ekzistas lingvoj kiuj gramatike markas „trinombron“ kaj „kvarnombron“, por kiuj en la naturisma serio mankas terminoj. Cetere, ununombro kaj multenombro estas zamenhofaj.
1. trad. L. L. Zamenhof: La Malnova Testamento, Genezo 46:15
2. trad. L. L. Zamenhof: La Malnova Testamento, Nombroj 1:24
3. B. Prus, trad. Kazimierz Bein: La Faraono, vol. 2, Ĉapitro I
4. La Nova Testamento, Luko 22:3
5. La Nova Testamento, La agoj 11:21
6. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
7. B. Prus, trad. Kazimierz Bein: La Faraono, vol. 2, Ĉapitro IX
8. B. Prus, trad. Kazimierz Bein: La Faraono, vol. 2, Ĉapitro XV
9. La Nova Testamento, Luko 6:17
10. La Nova Testamento, Apokalipso 20:8
11. H. C. Andersen, trad. L. L. Zamenhof: Fabeloj, vol. 4, Filino de la marĉa reĝo
12. L. L. Zamenhof: Lingvaj Respondoj, 2. Transskribo
13. L. L. Zamenhof: Esenco kaj Estonteco, ĉap. 1a
afrikanse:
aantal
albane:
numri
amhare:
ቁጥር
angle:
number
arabe:
عدد
armene:
թիվը
azerbajĝane:
sayı
beloruse:
1. лік 3. лік, колькасьць 4. лік
bengale:
সংখ্যা
birme:
ဂဏန်း
bretone:
niver
bulgare:
число
ĉeĥe:
množství, počet
dane:
nummer
estone:
number
filipine:
numero
france:
nombre
germane:
1. Zahl 2. Anzahl (Gruppe) 3. Anzahl 4. Numerus, Zahlform
guĝarate:
નંબર
hinde:
संख्या
hispane:
número, cantidad
hungare:
szám (nyelvtani) 1. szám 3. szám (mennyiség)
japane:
番号
jide:
נומער
kartvele:
ნომერი
kmere:
ចំនួន
koree:
수
korsike:
nùmeru
kroate:
broj
laŭe:
ຈໍານວນ
malajalame:
അക്കം
marate:
संख्या
nederlande:
1. getal 3. aantal 4. getal
nepale:
नम्बर
njanĝe:
chiwerengero
panĝabe:
ਦਾ ਨੰਬਰ
paŝtue:
شمیر
pole:
1. liczba
portugale:
número, quantidade
ruse:
число
sinde:
تعداد
sinhale:
සංඛ්යාව
slovake:
množstvo, počet
taje:
จำนวน
tamile:
பல
telugue:
సంఖ్య
tibete:
མང་ཉུང་
urdue:
تعداد
vjetname:
số
zulue:
inombolo

nombra

1.
Koncernanta la nombrojn: signoj hieroglifaj aŭ nombraj [14]; li uzas la nombrajn signojn de 1 ĝis 999 por ĉiuj gramatikaj fleksioj FK ; kelkaj konsideras tiun principon nur kiel nombran aferon.
2.
(evitinde) Enhavanta iun nombron da unuoj: dekmilione nombra popolo; al la plinombra [familio] donu pli grandan posedaĵon [15]; kiom nombraj ili estas?
Rim.: Tiu senco estas neklara, evitinda kaj malofta (krom eble en kunmetaĵoj). PIV ĝin ne transprenis.
3.
(evitinde) Multnombra: nombraj konkurantoj partoprenis la konkurson; nombraj makuloj montriĝis sur la suno.
Rim.: Tiu senco estas neklara, nelogika, evitinda kaj neuzata. PIV ĝin ne konas.
14. Ludoviko Lazaro Zamenhof: Fundamenta Krestomatio de la lingvo Esperanto, parolado de L. Einstein, 1884
15. trad. L. L. Zamenhof: La Malnova Testamento, Nombroj 33:54
beloruse:
лікавы, колькасны 3. шматлікі
bretone:
1. niverel
ĉeĥe:
numerický, početný, číselný
france:
1. de nombre, numérique
germane:
1. Zahl(en)- 2. zählend 3. zahlreich
hungare:
1. szám-, numerikus 2. számos, -t számláló 3. számos
portugale:
1. numérico
ruse:
1. числовой, численный, количественный
slovake:
početný

nombri

(tr)
1.
Difini, fiksi per kalkulo la suman nombron de iuj personoj aŭ aferoj: nombri la loĝantaron de urbo, la stelojn en la ĉielo; oni nombras en la lando cent mil senlaborulojn; vendisto de briketoj scipovas malbone nombri, sed bone kalkuli; oferbuĉante ŝafojn kaj bovojn, kiujn oni ne povis nombri nek kalkuli pro ilia granda multeco [16]; la programo nombras, kiom ofte la vorto aperis en la rubaj mesaĝoj, kaj kiom ofte en la nerubaj [17]; oni nombras, ke 300 000 infanoj estis viktimoj de tiu fraŭdo [18].
2.
Enhavi, atingi iun nombron da unuoj: la societo nombras preskaŭ 300 membrojn; libro nombranta 600 paĝojn; tiu tradicio nombras pli ol 300 jarojn; ĉirkaŭ 20 procentojn (1,2 miliardoj) nombras la islamanoj laŭ la menciita statistikaĵo [19]; laŭ statistikoj, en la nuna Ĉinio kamparanoj sen tero nombras ĉirkaŭ 40 milionojn [20]. VD:ampleksi, atingi
16. trad. L. L. Zamenhof: La Malnova Testamento, I. Reĝoj 8:5
17. Monato, Franck Arnaud: Kia solvo por rubpoŝto?
18. Monato, D. E. Rogers: Kiam nutraĵo kaŝas putraĵon
19. Monato, Evgeni Georgiev: Statistiko: Du miliardoj da kristanoj tutmonde
20. Monato, Xu Jinming: Senkampaj kamparanoj
afrikanse:
tel
albane:
të llogarisë
amhare:
ቆጠራ
arabe:
عد
armene:
հաշվել
azerbajĝane:
saymaq
beloruse:
1. лічыць, зьлічыць, палічыць, зрахаваць 2. налічваць
bengale:
গণনা
birme:
ရေတွက်
bretone:
1. kontañ (niveriñ), niveriñ
bulgare:
броя
ĉeĥe:
odpočítávat, počítat, čítat (obsahovat počet)
dane:
tælle
estone:
loe
filipine:
bilangin
france:
compter, dénombrer
germane:
zählen
guĝarate:
ગણતરી
hinde:
गिनती
hungare:
1. számol, megszámol 2. számlál
japane:
カウント
jide:
ציילן
kartvele:
იმედი
kmere:
រាប់
koree:
계산
korsike:
contani
kroate:
računati
laŭe:
ນັບ
malajalame:
എണ്ണം
marate:
मोजणे
nederlande:
tellen
nepale:
गणना
njanĝe:
kulengeseka
panĝabe:
ਗਿਣੋ
paŝtue:
حساب
portugale:
1. , dum 54 000 enhospitaliĝis kaj 6 mortis pro damaĝo en la renoj kaŭzita de melaminocontar
ruse:
1. считать, сосчитать, счесть 2. насчитывать
sinde:
شمار
sinhale:
ගණන්
slovake:
narátať, vymenovať, vypočítať, vyčísliť
taje:
นับ
tamile:
எண்ண
telugue:
కౌంట్
tibete:
གྲངས་ཀ་གྱག་
urdue:
شمار
vjetname:
tính
zulue:
ukubala

nombrebla

1.
Tia, ke eblas ĝin nombri: la ripoj sub ĝia taŭzita felo estis nombreblaj, la vertebroj ĉe la spino elstaris kiel la dentoj de segilo [21]; ĉio ne nombreblas, kaj estas bone, ke ne [22].
2.
MATMatVort SIN:numerebla.
21. Michael Ende, trad. Wolfram Diestel: La Senĉesa Rakonto, Fantomurbo
22. Monato, Grigorij Arosev: Grigorij Arosev
angle:
2. denumerable, countable, discrete
bretone:
2. niveradus
bulgare:
изброим
ĉeĥe:
počitatelný, spočetný
france:
1. dénombrable 2. dénombrable, discret (math.)
germane:
1. zählbar 2. abzählbar, diskret
hungare:
1. megszámlálható 2. megszámlálható, diszkrét
nederlande:
telbaar
pole:
2. przeliczalny
portugale:
enumerável
ruse:
1. исчислимый 2. счётный, перечислимый, дискретный
slovake:
počítateľný, spočítateľný

nombrilo

1.
KOMP Variablo, memorĉelo aŭ aparato ebliganta ajnmomente ekscii la nombron de okazoj aŭ aperoj de evento, signalo, simbolo ktp. Ĉe ĉiu apero de la fenomeno la valoro de la nombrilo kreskas: ne ĉiu gejgera nombrilo kapablas detekti alfa- aŭ beta-radiadon [23].
2.
TEK Aparato mezuranta kaj esprimanta per nombro la suman kvanton de kontinua trafluo (de akvo, elektro ktp).
Rim.: Ĉar la nocio "nombro" kovras kaj entjerojn, kaj reelojn, estas racie unuecigi la terminojn por la nombriloj entjeraj kaj reelaj.
23. Monato, Pejno Simono: Moderna minaco: radioaktiveco
angle:
1. counter 2. meter
beloruse:
лічыльнік
bretone:
konter (muzulier)
bulgare:
брояч
ĉeĥe:
počítadlo (např. otáček), střadač, čítač
france:
compteur
germane:
Zähler
hungare:
1. számláló 2. számláló, mérőóra
nederlande:
1. teller 2. teller, meter (instrument)
portugale:
contador
ruse:
счётчик
slovake:
počítadlo, čítač

nombristo

1.
Ĝenerale, persono kies okupo estas nombri: la cirklonombristoj nombras la plenumitajn cirklojn de maksimume 4 konkursantoj, ĉe kur- aŭ marŝdistancoj pli longaj ol 1500 m [24]
2.
Speciale, persono registranta datumojn pri individuaj enloĝantoj dum popolnombrado: en la anonima enketilo (popolnombrada), kun kiu la ŝtataj nombristoj vizitos ĉiujn hejmojn en la lando, povos foresti la tradicia demando pri la gepatra lingvo [25].
24. T. Ujlaky-Nagy: La sporta lingvo en Esperanto, 1972
25. V. Seguru: Kiu etno? Esperantista, La Ondo de Esperanto, 2002:8–9 (94)
angle:
2. census-taker, enumerator
france:
2. recenseur
germane:
1. Zähler 2. Volkszähler, Statistiker
ruse:
счётчик

nombrono

Ono 1: li povoscias kalkuli en la kapo, eĉ kun nombronoj [26].
26. H. C. Andersen, trad. L. L. Zamenhof: Fabeloj, vol. 2, Neĝa Reĝino
ĉeĥe:
díl z množství, zlomek
germane:
Bruch, gebrochene Zahl
slovake:
zlomok, časť z množstva

dunombro

GRA Gramatika nombro4 kiu en kelkaj lingvoj (i.a. greka, hebrea, Slavono, slovena) estas uzata, kiam oni parolas pri du personoj aŭ du aferoj; dualo1: la motlava havas plurajn ecojn tipajn de oceaniaj lingvoj: ĝia pronoma sistemo distingas kvar nombrojn (ununombro, dunombro, trinombro kaj multenombro) [27].
27. Vikipedio, Motlava lingvo
bretone:
niver-daou (yezhadur)
bulgare:
дуал (двойствено число)
france:
duel (nombre)
germane:
Dual (Grammatik), Zweizahl (Grammatik)
hispane:
dual
hungare:
kettős szám, duális
ruse:
двойственное число

grandnombra

Estanta en granda nombro, tre multa: mi scias, ke vi havas grandnombrajn brutarojn [28]; grandnombra homamaso, aŭdinte ĉion, kion li faris, venis al li [29]; Dio longigu vian vivon kaj […] Li donu al vi idaron grandnombran, nepojn kaj pranepojn [30].
28. trad. L. L. Zamenhof: La Malnova Testamento, Readmono 3:19
29. La Nova Testamento, S. Marko 3:8
30. N. V. Gogol, trad. L. L. Zamenhof: La Revizoro, Akto kvina
beloruse:
шматлікі
bretone:
niverus
ĉeĥe:
početný
france:
nombreux
germane:
zahlreich
hispane:
numeroso
hungare:
nagyszámú, számos
nederlande:
talrijk
portugale:
numeroso
ruse:
многочисленный
slovake:
početný

meznombro, *mezonombro [31]

MAT[32]
En aro el `n` nombroj, nombro situanta inter la plej granda kaj la plej malgranda, kaj iasence tipa de la koncerna aro: ni povas mezonombre perlabori ok dolarojn FK ; aritmetika meznombro (ilia sumo dividita per `n`); geometria meznombro (la `n`-a radiko de ilia produto); harmona meznombro (inverso de la aritmetika meznombro de la inversoj); pesita meznombro MatVort (de `n` nombroj `(x_i)` provizitaj per respektivaj koeficientoj `(alpha_i)`: la kvociento de la sumo de la produtoj de ĉiu nombro per la responda koeficiento, per la sumo de la koeficientoj; simb. `sum alpha_i c_i // sum alpha_i`); la geometria meznombro de du nombroj estas tiu nombro, al kiu la unua rilatas kiel ĝi mem rilatas al la dua. SUB:averaĝo
Rim.: Bricard [33] ĉi-sence uzis nur „mezo“, kio en difinita kunteksto estas sufiĉe klara, sed ial ne enradikiĝis en la uzon.
31. L. L. Zamenhof: Fundamento de Esperanto, Universala Vortaro, mez'o'nombr'
32. Kazimierz Bein: Vortaro de Esperanto, mezo
33. Raoul Bricard: Matematika Terminaro kaj Krestomatio, p. 8
angle:
average, mean aritmetika mez~o: arithmetic average, arithmetic mean geometria mez~o: geometric average, geometric mean harmona mez~o: harmonic average, harmonic mean pesita mez~o: weighted average, weighted mean
bretone:
keidenn aritmetika mez~o: keidenn aritmetikel geometria mez~o: keidenn c'heometrek harmona mez~o: keidenn harmonikel pesita mez~o: keidenn liveet
bulgare:
средна стайност
ĉeĥe:
průměr, střední hodnota pesita mez~o: vážený průměr
france:
moyenne aritmetika mez~o: moyenne arithmétique geometria mez~o: moyenne géométrique harmona mez~o: moyenne harmonique pesita mez~o: moyenne pondérée
germane:
Mittel aritmetika mez~o: arithmetisches Mittel geometria mez~o: geometrisches Mittel harmona mez~o: harmonisches Mittel pesita mez~o: gewogenes Mittel, gewichtetes Mittel
hispane:
aritmetika mez~o: promedio, media (aritmética, geométrica, ponderada, armónica)
hungare:
átlag, középérték aritmetika mez~o: számtani közép geometria mez~o: mértani közép harmona mez~o: harmonikus közép pesita mez~o: súlyozott átlag
pole:
średnia aritmetika mez~o: średnia arytmetyczna geometria mez~o: średnia geometryczna harmona mez~o: średnia harmoniczna pesita mez~o: średnia ważona
portugale:
média
ruse:
среднее aritmetika mez~o: среднее арифметическое geometria mez~o: среднее геометрическое harmona mez~o: среднее гармоническое pesita mez~o: взвешенное среднее
slovake:
priemer, priemerný počet

multnombra, multenombra

Grandnombra: ili estas pli multenombraj, ol la haroj sur mia kapo [34]; Josuo diris al ili: Se vi estas multnombra, iru supren en la arbaron, kaj elhaku al vi tie lokon [35]; kursoj kun multenombra lernantaro [36].
34. trad. L. L. Zamenhof: La Malnova Testamento, Psalmaro 40:12
35. trad. L. L. Zamenhof: La Malnova Testamento, Josuo 17:15
36. E. Lanti: Vortoj de k-do Lanti, Je la lumo de la sperto
beloruse:
шматлікі
bretone:
niverus
ĉeĥe:
mnohočetný, početný, četný
france:
nombreux
germane:
zahlreich
hispane:
numeroso
hungare:
nagyszámú, számos
nederlande:
talrijk
portugale:
numeroso
ruse:
многочисленный
slovake:
mnohopočetný, početný

multenombro, plurnombro

GRA
Formo montranta, ke oni parolas pri pluraj personoj aŭ aferoj; pluralo: tre simile sonantaj vortoj ... fariĝas ankoraŭ pli similaj inter si, se oni prenas ilin en la multenombro, t.e. kun s en la fino EE ; teorie la ĵus diritaj formoj tute bone povas havi multenombron tiel same, kiel ili havas akuzativon [37].
37. L. L. Zamenhof: Lingvaj Respondoj, Respondo 18a
beloruse:
множны лік
bretone:
liester
ĉeĥe:
číslo množné, množné číslo
france:
pluriel
germane:
Mehrzahl, Plural
hispane:
plural
hungare:
többes szám, plurális
nederlande:
meervoud
pole:
liczba mnoga
ruse:
множественное число
slovake:
množné číslo
turke:
cem, çoğul

natura nombro

MAT[38]
Natura entjero: ĉiu primo pli granda ol 3 estas de formo `6n-1` aŭ `6n+1` por iu natura nombro n [39].
38. R. Hilgers: Yashovardhan: k.a.: EK-Vortaro de matematikaj terminoj, Ekzercaro, §290
39. Vikipedio, Primo
angle:
natural number
beloruse:
натуральны лік
bretone:
niver anterin naturel
bulgare:
естествено число
france:
entier naturel
germane:
natürliche Zahl
hungare:
természetes szám
pole:
liczba naturalna
ruse:
натуральное число

sennombra, nenombrebla

(figure) Tiel multa, ke oni ne povas kalkuli la kvanton: simile al akridoj […] ili kaj iliaj kameloj estis sennombraj, kaj ili venadis en la landon, por dezertigi ĝin [40]; ĉirkaŭis min suferoj sennombraj [41]; la dikaj trunkoj kaj la sennombraj folioriĉaj branĉoj formis kvazaŭ du murojn IK ; grandega arbo kovrita per nenombreblaj floroj [42]; uzante la vastan nombron da radikoj, afiksoj kaj partikuloj, oni facile povas formi nenombreblan kvanton da vortoj [43].
40. trad. L. L. Zamenhof: La Malnova Testamento, Juĝistoj 6:5
41. trad. L. L. Zamenhof: La Malnova Testamento, Psalmaro 40:12
42. Ĉarlz Darvin, trad. Klivo Lendon: La Origino de Specioj, ĉapitro 4a
43. Monato, Garvan Makaj: Antikva lingvo por moderna lando
beloruse:
незьлічоны
bretone:
diniver
bulgare:
неизброим
france:
innombrable
germane:
unzählig
hungare:
számtalan
nederlande:
talloos
portugale:
inúmeros
ruse:
бесчисленный, несчётный, несметный, неисчислимый

trinombro

GRA Gramatika nombro4 kiu en kelkaj lingvoj (i.a. en la pronomoj de la aŭstroneziaj lingvoj) estas uzata, kiam oni parolas pri tri personoj aŭ tri aferoj; trialo1: pliaj nekutimaj gramatikaj nombroj estas la trinombro kaj malmultenombro [44].
44. Vikipedio, Dunombro
angle:
trial
france:
triel (nombre)
germane:
Trial, Dreizahl
hispane:
trial
nederlande:
trialis, drievoud
ruse:
тройственное число

*ununombro

GRA Gramatika nombro4 indikanta, ke temas pri unu persono aŭ afero; singularo: ĉe O-vortoj kaj A-vortoj oni devas distingi inter unu-nombro kaj multe-nombro [45]; la adjektivo devas kaze (nominativo kaj akuzativo) kaj nombre (ununombro kaj multnombro) akordi kun sia substantivo [46].
45. Bertilo Wennergren: Plena Manlibro de Esperanta Gramatiko, Bazaj reguloj por nombro
46. H. Seppik: La tuta Esperanto, Tria leciono, Ekzercaro, §18
beloruse:
адзіночны лік
bretone:
unander
bulgare:
единствено число
ĉeĥe:
číslo jednotné, jednotné číslo
france:
singulier
germane:
Einzahl, Singular
hispane:
singular
hungare:
egyes szám
nederlande:
enkelvoud
pole:
liczba pojedyncza
ruse:
единственное число
slovake:
jednotné číslo
turke:
tek

ununombra

GRA Kiu estas en ununombro: la adjektivo estas ununombra, kiam ĝi rilatas nur al unu el la objektoj, kiujn la multnombra substantivo indikas: granda kaj malgranda domoj [47].
47. H. Seppik: La tuta Esperanto, Oka leciono, Ekzercaro, §56
ruse:
в единственном числе

popolnombrado

POL Periode okazanta ŝtata aranĝo, kiu konsistas en kolektado, analizo kaj publikigo de demografiaj informoj pri la loĝantaro de la tuta ŝtato aŭ ĝia administra unuo laŭ la stato je difinita dato: laŭ la popolnombrado de 1991 (en Sudafriko), 21,9% parolas denaske la zuluan, 17% la ksosan, 15% la afrikansan, 9,6% la nord-sotan, kaj 9% la anglan [48]; se analizi la nombron de lingvokapablaj infanoj laŭ la popolnombradoj, konstateblas ekstrema malplimultiĝo de la kataluna en la sudaj valenciaj urboj [49].
48. H. Tonkin: Lingva egaleco en internaciaj rilatoj, 89-a Universala Kongreso de Esperanto kaj la 3-a Nitobe-Simpozio, 2004
49. H. Alos i Font: La katalunaMonato
angle:
census
bulgare:
преброяване на населението
ĉeĥe:
sčítání lidu, sčítání lidu
france:
recensement (de la population)
germane:
Volkszählung
pole:
spis statystyczny
ruse:
перепись населения
slovake:
sčítanie ľudu

nombronomo

GRA
Numeralo: la nombronomoj fundamentaj per supre metitaj, la nombronomoj ordaj per malsupre metitaj punktoj FK ; nombro en ciferoj: 10 374 ‐ nombronomo en vortoj: dekmil tricent sepdek kvar [50].
50. Vikipedio, Nombronomo
beloruse:
лічэбнік
bretone:
ger niveriñ
ĉeĥe:
číslovka
germane:
Zahlwort
hispane:
numeral
hungare:
számnév
ruse:
числительное
slovake:
číslovka

nombrosistemo

MATKOMPMatVort
Sistema maniero por prezenti nombrojn per ciferoj: la romia nombrosistemo; pozicia nombrosistemo (en kiu oni prezentas nombrojn per n-umaj prezentoj); la homoj preferas uzi la dekuman nombrosistemon, la komputiloj pli facile operacias en la duuma nombrosistemo; la maniero nombri po 60 sekundojn en minuto kaj po 60 minutojn en horo aŭ grado estas heredaĵo de la sesdekuma nombrosistemo ĥaldea; vi skribas pri miliardoj kaj bilionoj (da dolaroj) laŭ du malsamaj nombrosistemoj [51]; „Unu, du, tri ... multo!” ‐ preter tiu modesta nombra sistemo ili ne kapablas progresi [52]. VD:bazo 4.a, -um 2.a
Rim.: Bricard [53] konas la terminon sub formo „nombradsistemo“.
51. Monato, Douglas Draper: Miliardo da pardonpetoj
52. Monato, Garbhan MacAoidh: Dana abako dolorigas la kapon
53. Raoul Bricard: Matematika Terminaro kaj Krestomatio, p. 8
angle:
pozicia ~osistemo: place value system number system
beloruse:
сыстэма зьлічэньня
bretone:
niveradur
bulgare:
бройна система
ĉeĥe:
číselná soustava, číselný systém
france:
pozicia ~osistemo: numération de position numération
germane:
Zahlensystem pozicia ~osistemo: Stellenwertsystem Zahlensystem
hispane:
sistema numérica
hungare:
pozicia ~osistemo: helyiértékes számrendszer számrendszer
nederlande:
getallenstelsel
pole:
pozicia ~osistemo: system pozycyjny system liczbowy
ruse:
pozicia ~osistemo: позиционная система счисления система счисления
slovake:
číselná sústava

administraj notoj

pri ~a 2.: 
      Ŝajnas al mi, ke tiu uzo ne estas tiom evitinda. Certe la
      difino estas neklara kaj eble mi skribus ilin alimaniere:
      "kiom~a", "dekmilion~a",... ĉar temas pri adjektivaj
      kunmetaĵoj, ne pri uzo de "~a". [MB]
pri ~a 2.: 
      En kunmetaĵoj la radiko funkcias alie ol en aparta
      adjektivo, kaj se oni volas prezenti la rolon de la radiko en
      kunmetaĵoj oni ne faru tion per adjektivo.  Simile, "pli~a"
      estas mislokita ĉi tie, ĉar ĝi estas alia vorto
      ol "~a".
      [Sergio]