^*spit/e

(tr)

Malkaŝe, obstine kaj sentime kontraŭagi al iu aŭ io: spiti la danĝerojn de sovaĝa lando [1]; mi kuraĝis spiti la ridindiĝon kaj senĝene demandis [2]; por kiu celo ĉi tiu mondo estas kreita? […] – por spiti nin, respondis Marten [3]; ĉiujn siajn malamikojn li forspitas [4]; se vi malgraŭ tio spitos Min kaj ne volos obei Min, tiam Mi aldonos sepoble da frapoj [5]; (figure) laĉo da koraletoj ĉirkaŭis la kolon, kvazaŭ spitante la truojn kaj la flikojn de la talivesto ^Marta ; spitante ĉiujn „kvankamojn” kaj „ne-ĉiamojn” [6]; abelujon ne incitu, amason ne spitu ^PrV ; pli facile estas eviti ol spiti ^PrV . alfronti, defii, maleviti, malobei, obstini, provoki

Rim.: Laŭ la origina difino en ^PV , „spiti“ okazas plezure (ĉu eĉ malbonvole, malice?) sed tiu subkompreno apenaŭ troviĝas en la supre cititaj ekzemploj. [Wolfram Diestel]

(prepoziciaĵo)

Intence kontraŭstarante la volon de iu alia, montrante, ke oni ne timas batalon: spite miajn insidantojn [7]; spite miajn malamikojn liberigu min [8]; spite ĉiujn argumentojn li rifuzis; tie grandajn ŝancojn havas precipe naciismaj partioj, spite al ankoraŭ funkciantaj aparatoj de eksaj komunistoj [9]; ĉu efektive vi ordonis, sankta viro, mortigi la kaptitojn, spite (malgraŭ) mia promeso, ke ili ricevos la pardonon [10]; se ili kontraŭ ĉiu atendo kaj spite ĉiuj argumentoj de la sana prudento tamen elektus ian alian lingvon, tiam kontraŭ tio ĉi protestus la vivo mem ^EE ; la florkoloran! ... estas certe, ke vi diras nur por fari spite, […] ĉar mi volas surmeti la pajlokoloran [11]; (evitinde) ni havos venkon spit' al pesto kaj putro [12]. danke al

Rim. 1: Malgraŭ montras simplan kontraŭecon; spite montras ĉiam intencon kaj obstinan kontraŭstaron.

Rim. 2: La esprimo „spit' al“ estas tre maloftege uzata kaj kontraŭas la deksesan fundamentan regulon de gramatiko (pri la elizio): ĝi formsimilas al „dank' al“, sed ne estas pravigebla per la sama kialo.

(malofte)

Spite al: spite de diversaj danĝeroj kaj malfavoroj, junuloj elektadis pastran vojon kaj fidele servis al Dio [13]; estas mirinde, ke eĉ en Irako, spite de tiea ĥaoso, interna milito kaj altaj kostoj […] la prezoj estas nur dekono de la albanaj [14].

Volonte spitanta: — ĉiu milito estas frenezaĵo — respondis spiteme la dua junulo [16]; la spitema belulino, kiu unue malestimis la junulon kiel elĵetiton, povus poste inviti lin al kelkaj „aventuroj” [17]. aroganta, maltima, obstina, tenaca

Kontraŭante tion ke, malgraŭ ke: spite ke mi rapide eliris el la vendejo mi ne povis vidi kiuj estis la viroj kiuj interparolis malantaŭ la stokbretaro [18]; spite al tio, ke Jozefo nur spertis tri jarojn de formala eduko, li farigis kompetenta lingvisto [19]; religio estos en la 21a jarcento anakronismo, spite ke la plimulto de la homoj estas religiaj [20].

Kontraŭstaro; la ago spiti: Talpe venas kreditor' / Kaj frakase ekprotestas, / Ĉar pro spito aŭ malord' / Kvitancigi vi forgesas [21]; agante kun spito, la kokinoj detruis siajn ovojn [22]; spito-mokaj [23].