⁶streb/i ^PV

strebi

(ntr)

1.: Energie streĉi la fortojn de la korpo aŭ de la spirito por atingi iun celon: li sciis, al kiu celo la flamo strebis [1]; mi luktis kaj strebis por la infano [2]; nur al la bono kaj vero mi strebas [3]; [al] malpieco strebas ilia animo [4]; kvankam mi estas nur malriĉa ŝuista submajstro, mi povas ja fariĝi majstro, mi laboros kaj mi strebos antaŭen [5]! li devas konsideri la aferojn ne nur laŭ ties rigida realeco, sed li devas strebi pli alten [6]. aspiri, celi, deziri¹, klopodi, peni, sopiri, voli²
2.: (fakula ĵargono) Senlime proksimiĝi: la funkcio logaritmo strebas al malfinio, kiam ĝia argumento strebas al nulo. konverĝi, limeso

1. H. C. Andersen, trad. L. L. Zamenhof: Fabeloj, vol. 2, Dano Holger
2. H. C. Andersen, trad. L. L. Zamenhof: Fabeloj, vol. 3, Ŝi estis tute sentaŭga
3. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
4. trad. L. L. Zamenhof: La Malnova Testamento, Hoŝea 4:8
5. H. C. Andersen, trad. L. L. Zamenhof: Fabeloj, vol. 3, Sub la saliko
6. Sándor Szathmári: Vojaĝo al Kazohinio, Deka Ĉapitro

angle:: 1. seek 2. tend (to a limit)
beloruse:: імкнуцца
ĉeĥe:: snažit se, usilovat
france:: 1. tendre (à), viser (à), avoir pour but (de), aspirer (à) 2. tendre (vers une limite)
germane:: streben 1. trachten
hispane:: 1. tener afán, afanarse, sentir inclinación 2. tender (hacia un límite)
hungare:: tart (határ felé) 1. törekszik
nederlande:: streven 1. inspannen, streven
pole:: 2. dążyć
portugale:: 1. esforçar-se, empenhar-se
ruse:: стремиться
slovake:: bažiť, pren.: driapať sa, snažiť sa, usilovať(sa)
ukraine:: прагнути, тягнутися, рватися, пориватися

: Kuniĝo de volo kaj forto por atingi celon: en sia strebado [li] estas pli feliĉa ol liaj du pli aĝaj fratoj [7]; kulturaj aŭ politikaj strebadoj [8]; oratoro komprenigas siajn pensojn, sentojn kaj strebadojn per la lingvo ^Ret. celado, fortostreĉo

7. H. C. Andersen, trad. L. L. Zamenhof: Fabeloj, vol. 3, Ŝtono de la saĝuloj
8. Ivo Lapenna: Retoriko, Dua Parto