tradukoj: be cs de es fa fr hu pl pt ru sv

^*diligent/a [1]

^*diligenta

Konstante kaj zorge laborema, efika kaj rapida en sia laboro: diligenta lernanto; nia diligenta kolegaro ne laciĝos en laboro paca^Z; diligente atenti la aŭditaĵojn [2]; la disdonanto agu malavare, la administranto kun diligenteco, la kompatanto kun ĝojo [3]; la entreprenoj de diligentulo donas nur profiton [4]. abelo, agema, atenta, fervora, formiko, laborema, zorgema

diligenti

Esti diligenta, agi diligente: oni tiaokaze ne tre diligentas por kaŝi la faktan mensogon, kiu estas nur la vesto de la vero [5]; maldiligenti en la ondanta, bonodora erikaro, jen la vera vivoĝua ĝojo! [6].

maldiligenta

Mallaborema, malpenema, malvigla: pri laboroj maldiligenta, pri festoj plej kompetenta [7]; Mi pasis tra kampo de homo maldiligenta Kaj tra vinberĝardeno de sensaĝulo; Kaj jen ĉie elkreskis urtiko, Ĉio estas kovrita de dornoj, Kaj la ŝtona muro estas detruita [8]; ne, ili ne estis perfiduloj, sed maldiligentaj altranguloj [9] maldiligenta mano malriĉigas [10]; (figure) la ondoj malfortiĝis kaj fariĝis kvazaŭ maldiligentaj^B; (figure) la horoj treniĝas maldiligente.

maldiligento, maldiligenteco

La eco esti maldiligenta: mi ne scias, kial oni ne varbis aliajn ― ĉu temas pri maldiligento flanke de UEA, ĉu simple pri la fakto, ke UEA nuntempe sentas sin sufiĉe forta por stari sen apogo de gravaj nomoj [11]; la geinstruistoj kiuj jam delonge plendas pri stulteco kaj maldiligento de la juna generacio [12]; maldiligenteco ne pretigos al si manĝon [13]; maldiligenteco estas la radiko de ĉia malbono [14].

maldiligentulo

Ulo maldiligenta: iru al la formiko, vi maldiligentulo, rigardu ĝian agadon, kaj saĝiĝu [15]; Wicek, kiu hodiaŭ, maldiligentulo, ne iris en la lernejon [16].

          Mi enkondukis en la difinon la nocion de "rapideco" kaj
          "efiko", ĉar ŝajnas al mi, ke temas pri grava ebla nuanco
          inter "laborema" kaj "diligenta".
          [MB]