tradukoj: cs de en es fa fr hu it la nl pl pt ru sv tr

^*fingr/o

^*fingro

1.

Ĉiu el la moveblaj ekstremaĵoj de la manoj (manfingroj) kaj piedoj (piedfingroj) ĉe la homo kaj besto: li faris ĉion per la dek fingroj de siaj manoj [1]; la kvin fingroj de la mano: dika fingro, montra fingro, longa fingro, ringa fingro, malgranda fingro; marŝi sur la fingroj de la piedoj; (figure) meti la fingron sur ion^Z (serĉante trafi ion); (figure) tuŝi kvazaŭ per fingro (vidi pruvojn de) la ekonomian faktoron; (figure) bruligi siajn fingrojn (kompromiti sin, sperti malagrablaĵojn; lipharo) en ia afero.

2.

Larĝo de fingro, rigardata kiel proksimuma mezurunuo: ĝia diko estis kvar fingroj [2]; (figure) ne estas eĉ duonfingro da simileco^Z.

fingringo

Ĉapeto, en kiun kudrante oni enmetas la ekstremaĵon de fingro por ĝin ŝirmi: „ĉu vi ne volas esti tiel afabla kaj sidiĝi en la fingringo de sinjorino via patrino?“ diris la malgranda muso [3].

manfingro

Fingro mana: sur la pied- kaj manfingroj mi havis dudek fingringojn kaj mia tibikarno estis alkudrita al la tapiŝo [4].

piedfingro

Fingro pieda: ŝi leviĝis sur la piedfingroj kaj ĵetis rigardon tra la fenestron [5]; zorio (estas) sandalo kun nur plandumo kaj du rimenoj, kiuj kuniĝas inter la unuaj du piedfingroj [6].

dikfingro

La pli dika el la ekstremaj fingroj de homo aŭ besto: ili postkuris lin kaj kaptis lin kaj dehakis la dikfingrojn de liaj manoj kaj piedoj [7].

a)

Speciale, tia manfingro de la homo: kelnero alportas teleron da supo kun dikfingro profunde trempita en la buljono [8].

b)

Speciale, tia piedfingro de la homo: loku la piedajn dikfingrojn laŭ linio kun la brustpintoj [9].

Rim.: La subsencoj estas apartigitaj por pli oportuna tradukado en la lingvojn, kiuj bezonas apartajn vortojn por la dikfingroj mana kaj pieda; imitante tiun fremdan tradicion, la PIV-oj distingas inter polekso kaj halukso (sed por etfingro kaj aliaj fingroj piedaj tian distingon ili ne faras).

dika fingro

etfingro

mezfingro [11]

longa fingro

Plej longa fingro, tria nombrante de la dikfingro.

malgranda fingro

Plej eta fingro, kvina nombrante de la dikfingro: tiele diru al ili: Mia malgranda fingro estas pli dika, ol la lumboj de mia patro [12].

montra fingro

montrofingro

Dua fingro, nombrante de la dikfingro: atenteme li tiras la arĉon, la montrofingro alterne premas la kordon [14].

ringa fingro

ringofingro

Kvara fingro, nombrante de la dikfingro: ŝi atingis la ringofingron, kiu ... ornamis sin per ora ringo [15].

interfingrigi la manojn

Intermeti la fingrojn de unu mano alterne inter la fingrojn de la alia: la juna homo faris sopiran ĝemon, interfingrigis la manojn kaj klinis la kapon sur la bruston [16].

      "Meti la ~on sur ion". Estas bezonataj pliaj klarigoj
      por bone kompreni la frazeologiajxon. En la franca
      tiu esprimo signifas "malkovri ion", kio diferencigxas
      de „meti la manon sur ion“ (fine trafi post
      sercxado).
      [MB]