tradukoj: be de en es fr hu nl pt ru tr

^*galeri/o

^*galerio

1.

Longa tegmentohava ejo de domo, kies unu longa flanko estas nefermita:

a)

Tia ekstera verando (je la nivelo de la teretaĝo) aŭ longa balkono, funkcianta kiel trairejo (kp koridoro¹): kaj li (Salomono) konstruis la galeriojn ĉirkaŭ la tuta domo (la Templo), havantajn la alton de kvin ulnoj [1]; galerio de monaĥejo; portiko estas galerio kiu malfermiĝas, almenaŭ unuflanke, per kolonaro [2]; korto kun graciaj arkadaj galerioj. arkado, klostro, peristilo

b)

Altigita ĉemura aŭ enmura platformo aŭ balkono ene de halo, salonego, preĝejo ktp, por spektantoj aŭ muzikistoj aŭ por alia speciala funkcio: fine ili sin trovis en alta galerio, donanta vidon sur ĉambregon, en kiu unu parto de la solena ceremonio jam komenciĝis [3]; teatra galerio^1.c.

c)

En teatra spektejo, la plej alta balkono kun la plej malmultekostaj sidlokoj.
Rim.: Fakte ĉi tiun sencon plene kovras galerio^1.b; la teatra senco estas apartigita nur por oportunigi tradukojn.

2.

Koridoro komunikiganta domojn, pavilonojn ktp: la duaj etaĝoj de tiuj domoj komunikiĝas per vitra galerio.

3.

Alta, longa, bone prilumita salono en palaco aŭ luksa domo, uzata kiel promenejo kaj (aŭ) por elmontri artaĵojn: la galerioj de la Vatikana palaco [4].

4.

Salonego aŭ domo destinta por elmontri artaĵojn aŭ kuriozaĵojn; ĉefelemento en la nomo de pluraj grandaj muzeoj belartaj. kabineto², muzeo¹
Rim.: Ĉi tiu senco estas evoluinta el galerio³.

5.

Kolekto da artaĵoj aŭ kuriozaĵoj: galerio de pentraĵoj [5]; galerio pri naturscienco; (figure) la rakontoj prezentataj en Dekamerono parte estas galerio el malnovaj fabeloj, legendoj kaj anekdotoj, rakontitaj en diversaj landoj kaj epokoj preskaŭ ekde Adamo [6]. kabineto, muzeo

6.

Subtera koridoro^2.d: galerio de minejo^B, galerio de subtera fervojo. tunelo

galerieto

Balustradeto ornamanta la supron de meblo: mahagona liteto, ĉirkaŭita de galerieto^Z.

    Supozeble temas pri plia senco de ~o kaj la sufikso -et
    konservas sian normalan sencon. [MB]