tradukoj: be bg ca cs de en es fr hu nl pt ru sk tr

*galeri/o PV

*galerio  

1.  
ARKI Longa tegmentohava ejo de domo, kies unu longa flanko estas nefermita:
a)  
Tia ekstera verando (je la nivelo de la teretaĝo) aŭ longa balkono, funkcianta kiel trairejo (kp koridoro1): kaj li (Salomono) konstruis la galeriojn ĉirkaŭ la tuta domo (la Templo), havantajn la alton de kvin ulnoj [1]; galerio de monaĥejo; portiko estas galerio kiu malfermiĝas, almenaŭ unuflanke, per kolonaro PIV1; korto kun graciaj arkadaj galerioj. VD:arkado, klostro, peristilo
b)  
Altigita ĉemura aŭ enmura platformo aŭ balkono ene de halo, salonego, preĝejo ktp, por spektantoj aŭ muzikistoj aŭ por alia speciala funkcio: fine ili sin trovis en alta galerio, donanta vidon sur ĉambregon, en kiu unu parto de la solena ceremonio jam komenciĝis [2]; teatra galerio1.c.
c)  
TEA En teatra spektejo, la plej alta balkono kun la plej malmultekostaj sidlokoj.
Rim.: Fakte ĉi tiun sencon plene kovras galerio1.b; la teatra senco estas apartigita nur por oportunigi tradukojn.
2.
Koridoro komunikiganta domojn, pavilonojn ktp: la duaj etaĝoj de tiuj domoj komunikiĝas per vitra galerio.
3.  
ARKI Alta, longa, bone prilumita salono en palaco aŭ luksa domo, uzata kiel promenejo kaj (aŭ) por elmontri artaĵojn: la galerioj de la Vatikana palaco PIV2.
4.  
BELA Salonego aŭ domo destinita por elmontro de artaĵoj aŭ kuriozaĵoj; ĉefelemento en la nomo de pluraj grandaj muzeoj belartaj. VD:kabineto1.b, muzeo1
Rim.: Ĉi tiu senco estas evoluinta el galerio3.
5.  
BELA Kolekto da artaĵoj aŭ kuriozaĵoj: galerio de pentraĵoj [3]; galerio pri naturscienco; (figure) la rakontoj prezentataj en Dekamerono parte estas galerio el malnovaj fabeloj, legendoj kaj anekdotoj, rakontitaj en diversaj landoj kaj epokoj preskaŭ ekde Adamo [4]. VD:kabineto, muzeo
6.  
Subtera koridoro2.d: galerio de minejoB, galerio de subtera fervojo. VD:tunelo

galerieto  

BELA Balustradeto ornamanta la supron de meblo: mahagona liteto, ĉirkaŭita de galerietoZ. VD:lambrekino

tradukoj

anglaj

~o: gallery.

belorusaj

~o c: галёрка; ~o 6.: лёх, падземны ход, штольня, штрэк; ~o: галерэя.

bulgaraj

~o: галерия.

ĉeĥaj

~o: důlní chodba, štola; ~eto: ozdobná polička.

francaj

~o: galerie; ~eto: galerie.

germanaj

~o: Galerie.

hispanaj

~o: galería.

hungaraj

~o c: karzat, erkély; ~o 1.: tornác, kerengő, árkád; ~o 5.: műcsarnok, galéria, műgyűjtemény; ~o 6.: vágat, tárna, járat.

katalunaj

~o: galeria.

nederlandaj

~o c: balkon, galerij; ~o 1.: galerij; ~o 4.: galerij; ~o 5.: galerij; ~o 6.: tunnel.

portugalaj

~o: galeria.

rusaj

~o c: галёрка; ~o 6.: подземный ход, штрек, штольня; ~o: галерея.

slovakaj

~o: štôlňa; ~eto: galérka, mriežkovanie, ozdobné zábradlie na nábytku.

turkaj

~o: galeri, siçanyolu.

fontoj

1. trad. L. L. Zamenhof: La Malnova Testamento, I. Reĝoj 6:10
2. H. A. Luyken: Pro Iŝtar, ĉap. 11a
3. H. C. Andersen, trad. L. L. Zamenhof: Fabeloj, vol. 1, Kupra porko
4. S. Johansson: Recenzo pri Dekamerono: Tri tagoj da ĝuoMonato

~o: Mankas verkindiko en fonto.
~eto: Mankas verkindiko en fonto.


administraj notoj

pri ~eto:
    Supozeble temas pri plia senco de ~o kaj la sufikso -et
    konservas sian normalan sencon. [MB]
  

ℛevo | datumprotekto | galeri.xml | redakti... | traduki... | artikolversio: 1.27 2017/02/17 10:10:15