tradukoj: be br cs de en es fr hu it nl pl ro ru sk sv

*kapitan/o

*kapitano

1.  
MIL En terarmeo kaj aerarmeo, oficiro, kiu rangas inter leŭtenanto kaj majoro: Jesuo diris al la ĉefpastroj kaj kapitanoj de la templo kaj pliaĝuloj, kiuj venis kontraŭ lin: ĉu vi elvenis kun glavoj kaj bastonoj, kvazaŭ kontraŭ rabiston? [1]; dum ili penis lin mortigi, famo venis al la ĉefkapitano de la kohorto, ke la tuta Jerusalem tumultas [2]; la deĵoranta kapitano [3]; la ŝtelisto forkuris per grandaj paŝoj al sia kapitano kaj diris: en la domo sidas abomena sorĉistino, ŝi spiris sur min kaj gratis mian vizaĝon per siaj longaj fingroj […] [4]; la kronprinco akompanata de la ministro kaj de la kapitanoj forrajdis al la armeo [5]; la infanteria kapitano forte min forkis: mirinde lerte li, kanajlo, manovras la kartojn [6].
2.  
MAR Ŝipestro: laŭ la kapitanoj, la plej danĝera etapo estos la rondnavigado de la Horna Kabo en Suda Ameriko, kiu dividas Atlantikon kaj Pacifikon [7]; la piloto, kapitano Robinson, persvadis la kapitanon de „Pfalz”, ke la ŝipo revenu en la havenon [8]; la brita kapitano James Cook nomis ĝin Nov-Kaledonio pro ĝia simileco al lia patrolando Skotlando [9].
3.  
SPO Teamestro: kapitano de la bazopilka klubo de Universitato Harvard [10]; la kapitano de la serba teamo, traboris nun multe pli bone la italan blokadon [11].

korvetkapitano PIV1  

MIL
En mararmeo, oficiro kun rango ekvivalenta al tiu de majoro: laŭ ordono de regna defendoministro Gustav Noske de la 3-a de februaro 1919 korvetkapitano Wilfried von Loewenfeld formis en Kiel el soldatoj de la mararmeo la 3-an mararmean brigadon [12]. VD:korveto

fregatkapitano PIV1  

MIL
En mararmeo, oficiro kun rango ekvivalenta al tiu de subkolonelo: en 1844, Charlotte French naskiĝis en Ripple, en Kent, Britio, filino de irlanda mararmea fregatkapitano William French [13]. VD:fregato

veselkapitano PIV1  

MIL
En mararmeo, oficiro kun rango ekvivalenta al tiu de kolonelo: Léonard Victor Charner […] veselkapitano en 1841, kaj baldaŭ oficiro de la Honora Legio, li estis komisiita, en la lastaj jaroj de la regno de Ludoviko-Filipo la 1-a pri diversaj maraj komandadoj [14]. VD:veselo

tradukoj

anglaj

~o 1.: captain; ~o 2.: captain; korvet~o : lieutenant commander; fregat~o : commander; vesel~o : captain.

belorusaj

~o: капітан.

bretonaj

~o: kabiten.

ĉeĥaj

~o: kapitán, setník; korvet~o : korvetní kapitán; fregat~o : fregatní kapitán; vesel~o : korábní kapitán.

francaj

~o 1.: capitaine; ~o 2.: capitaine; korvet~o : capitaine de corvette; fregat~o : capitaine de frégate; vesel~o : capitaine de vaisseau.

germanaj

~o 1.: Hauptmann; ~o 2.: Kapitän; ~o 3.: Mannschaftskapitän; korvet~o : Korvettenkapitän; fregat~o : Fregattenkapitän; vesel~o : Kapitän zur See, Marineoberst.

hispanaj

~o: capitán.

hungaraj

~o 1.: százados, kapitány; ~o 2.: hajóskapitány.

italaj

~o 1.: capitano; ~o 2.: comandante (di nave); korvet~o : capitano di corvetta; fregat~o : capitano di fregata; vesel~o : capitano di vascello.

nederlandaj

~o: kapitein; korvet~o : luitenant-ter-zee eerste klas, korvetkapitein; fregat~o : kapitein-luitenant-ter-zee, fregatkapitein; vesel~o : kapitein-ter-zee.

polaj

~o 1.: kapitan; ~o 2.: kapitan; ~o: kapitan; korvet~o : kapitan korwety; fregat~o : kapitan fregaty; vesel~o : komandor.

rumanaj

~o: căpitan; korvet~o : căpitan corvetă; fregat~o : căpitan de fregata; vesel~o : comandor.

rusaj

~o 1.: капитан-лейтенант (во флоте); ~o: капитан; korvet~o : капитан третьего ранга; fregat~o : капитан второго ранга; vesel~o : капитан первого ранга.

slovakaj

~o: kapitán, stotník; korvet~o : korvetný kapitán; fregat~o : fregatný kapitán; vesel~o : kapitán korábu.

svedaj

~o: kapten.

fontoj

1. La Nova Testamento, Luko 22:52
2. La Nova Testamento, La agoj 21:31
3. H. C. Andersen, trad. L. L. Zamenhof: Fabeloj, vol. 4, Dekdu per la poŝto
4. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, La bremenaj muzikistoj
5. B. Prus, trad. Kazimierz Bein: La Faraono, vol. 1, Ĉapitro IV
6. N. V. Gogol, trad. L. L. Zamenhof: La Revizoro, Akto dua
7. Monato, last: Jarmila odiseado
8. Monato, Henry Broadbent: La unua pafo okazis en Aŭstralio
9. Monato, Gérard Mansel: Ĉarma insulo en Pacifiko
10. Monato, Vus-Tit Zik: Iom da historio kaj iom da fiziko
11. Monato, Evgeni Georgiev: Alloga finalo
12. Vikipedio, Mararmea brigado von Loewenfeld
13. Vikipedio, Charlotte Despard
14. Vikipedio, Léonard Victor Charner


administraj notoj

pri vesel~o :
      Tiu nocio estas iom neklara: laŭ iuj fontoj „veselo“ estas simple
      malnova nomo por 
      (milita vel)ŝipo...
      La veslkapitano en la supra ekzemplo laŭ aliaj fontoj estis 
      admiralo.
    

ℛevo | datumprotekto | kapita1.xml | redakti... | traduki... | artikolversio: 1.26 2019/03/08 23:10:16