tradukoj: be de en es fr he hu nl pt ru tp

^*mult/a [1]

^*multa

1.

(ununombre) Grandan nedifinitan kvanton el tuto, kies partojn oni ne povas aŭ ne bezonas esprimi per precizaj nombroj: la tro multa parolado lacigas lin [2]; multa laboro, pacienco, pluvo.
Rim.: Multa estas ofte anstataŭata per multe da aŭ multo da.

2.

(plurnombre) Grandan nedifinitan kvanton da nombreblaj aferoj kontraste kun pli malgranda kvanto: multaj infanoj [3]; multaj birdoj [4]; multaj vazoj; multaj estas la intencoj en la koro de homo [5]. abunda, maro, monto, pluvo, svarmi, verŝi
Rim.: Multaj estas kelkfoje uzata kun subkompreno de „homoj“: multaj diras, ke... Mario ekrigardis kun tia gaja, ĉarma rideto, ke la opinio de multaj ŝajnis al mi tute prava [6]; multajn ŝi vundis kaj faligis^Z.

^*multe

1.

Grandkvante, grandnombre: multe kuri^Z, vojaĝi; ne multe dormi^Z; kiu multe parolas, ne multe faras [7]; homon fidelan oni multe benas^Z; du homoj povas pli multe fari ol unu[8]; multe pli da bovaĵo ol da ŝafviando.
Rim.: Kelkfoje la senco de multe tre alproksimiĝas al tiu de tre, forte, altgrade: multe labori, suferi; multe superi iun; akiro de saĝeco estas multe pli bona ol oro [9].

2.

(uzata kvazaŭ substantivo: multo da)

a)

(kun ununombro) Grandkvanto da: riĉulo havas multe da mono [10]; ne bone estas manĝi multe da mielo^Z; multe da manĝaĵo^Z; multe da vino; multe da profito^Z; multe da saĝo^Z; venko venas per multe da konsiliĝo^Z; tio alportos al nia afero plej multe da utilo^Z.

b)

(kun plurnombro) Granda nombro da: riĉulo havas multe da amikoj^Z; multe da konsilantoj^Z; multe ... da birdoj [11]; multe da perloj^Z, maljustaĵoj^Z; multe da vinoj^Z (multspecaj vinoj).
Rim.: Ĉe tiu ĉi uzado kun plurnombro estas konsilinde anstataŭigi multe da per multaj.

3.

Uzata prefikse, multe estas ofte tute samsenca kiel tre.

multo

Granda kvanto, granda nombro: multo da homoj; sur la arbo estis multo da birdoj; riĉeco donas multon da amikoj^Z; mi neniam prenas kun mi multon da pakaĵo^Z; ĉe multo da sortoj neevitebla estas peko^Z; la multo de lia senprudenteco lin devojigos^Z; multo mankas por ke ...u; ni devas kontentiĝi per nemulto^Z; la homomulto^Z; la pasioj de la multularo.

^*multego

Tre granda nekonata nombro aŭ kvanto: multego da diamantoj [12]; nur tre malgranda parto da kunvenintoj ... havis la eblon dediĉi multegon da tempo kaj multegon da mono, por lerni fremdajn lingvojn [13].

multigi

Igi pli grandkvanta aŭ pli grandnombra nedifinitan kvanton aŭ nombron.

multiĝi

Iĝi pli kaj pli abunda, pli grandnombraj: Dio diris al ili: Fruktu kaj multiĝu, kaj plenigu la teron [14]. prosperi

multobligi

Plimultigi precize difinitan nombron aŭ kvanton.

^*malmulta

Malgrandakvanta, malgrandanombra: la (tre malmultajn) vortojn kun „um“ oni devas lerni, kiel simplajn vortojn [15].

malmulte

En malgranda kvanto aŭ nombro: ŝajnas al vi, ke ni pagas tro malmulte [16]; kiam en la urbo ĉio estas en ordo, ... da ebriuloj estas malmulte [17]. iom

malmultiĝi

Iĝi malpli abunda, pli etnombraj. la akvo komencis malmultiĝi post la paso de cent kvindek tagoj [18].

malplimulto

Parto, partio kun malpli multaj eroj, anoj: farata de grandega plimulto kontraŭ malgrandega malplimulto [19]; cedo de la malplimulto al la plimulto [20].

nemalmulta

Iom granda kvanto aŭ nombro da: lin nemalmultaj konas [21].

plejmulte

En plej alta grado, plej forte: li plejmulte laboras dum vintro; ni plejmulte deziras sukcesi.

plimulto

Pli granda kvanto, parto aŭ partio: eĉ se ili prezentas en la lando grandegan plimulton ne havas moralan rajton altrudi sian lingvon aŭ religion al la aliaj regnanoj [22]; la grandegan plimulton de la personoj kiuj batalas por Esperanto ligas unu komuna ideo [23]; la faraono havis ĉe sia flanko [...] la plimulton de la civilaj altranguloj [24]; li rigardis la domojn pli atente, la plimulto el ili [...] havis nur pajlan tegmenton [25].

multangula

Prezentanta grandan nombron da anguloj.

multefrukta

Produktanta multajn fruktojn.

multepeza

Tro peza.

multespeca

Prezentanta multajn specojn.

    Tiu termino jam aperas sub "obl" kun pli precizaj
    difinoj. Mi proponas forigi ĝin de ĉi tie kaj
    transporti la jamajn tradukojn al la ĝustaj sencoj.
    PS: Povas esti, ke "multobligi" kaj "multobla" pli
    bone sidas sub "mult" (kiel faras VdE kaj PIV) ol sub
    "obl" (kiel faras PV), sed tio estas alia demando.
    [MB]