tradukoj: be ca cs de en es fr hu nl pt ru sk

*influ/i PV

*influi  

(x)
Morale aŭ materie efiki al iu aŭ io, iagrade modifi ĝian funkciadon: la varioj de vetero influas al la nervoj; la malsano influis lian humoron; mi volas neniel influi vin; bonaj ekzemploj pli forte influas ol admonojB; tiu argumento tre forte influos sur mia(n) decido(n); influi la sorton de la landoB; li estas ĉiam influata de sia pliaĝa frato; tiuj gramatikaj formoj influas unu la alian; la homa volo senĉese influas sur la lingvaj(n) aferoj(n); oni kredis iam, ke la astroj influas super la sorto.

influa, influhava

Havanta influon: influa oratoro.

influo  

Efiko al iu aŭ io: la influo de la majstro super liaj disĉiploj; havi influon sur iunZ; sub la influo de agitantojnZ. influo de la puno al la kulpinto; posedi grandan politikan influon; ĝui grandan influon ĉe la ministro; la influo de la luno al la tajdoj; influo de varmo kaj pluvo sur la rikoltoj; influo de tro brila lumo sur la okulo.

influebla

Kiu iel povas suferi influon: facile influebla homo; la elektron-metalo tute ne estas influebla de alkaloj kaj lesivoj [1].

influiĝi

(ntr)
Ricevi influon de...: li influiĝas sole de kalkulo pri eventualaj perdoj aŭ gajnoj financaj [2].

kontraŭinfluo

Influo kun mala efiko kompare kun alia influo: ĉar mankis ŝia kontraŭinfluo, lia frenezo ... grade forpelis la klientojn [3].

seninflua

Kiu ne influas, ne pezas, ne efikas: seninflueco de la gramatiko sur la vortaron [4]; eĉ se seninfluaj, ni estas almenaŭ propagandemaj [5].

tradukoj

anglaj

~i: affect, influence; ~a, ~hava: influential; ~o: influence.

belorusaj

~i: уплываць; ~a, ~hava: уплывовы; ~o: уплыў.

ĉeĥaj

~i: mít vliv, ovlivnit, ovlivňovat, působit na něco, účinkovat na něco; ~a, ~hava: vlivný; ~o: influence, působení, vliv.

francaj

~i: influencer; ~a, ~hava: influent; ~o: influence; ~ebla: influençable; ~iĝi: être influencé par; kontraŭ~o: contre-influence; sen~a: neutre (sans influence), sans influence.

germanaj

~i: beeinflussen; ~a, ~hava: einflussreich; ~o: Einfluss.

hispanaj

~i: influir; ~a, ~hava: influyente; ~o: influencia.

hungaraj

~i: befolyásol, hat rá; ~a, ~hava: befolyásos, hatásos; ~o: befolyás, ráhatás.

katalunaj

~i: influir, influenciar; ~a, ~hava: influent; ~o: influència.

nederlandaj

~i: beïnvloeden; ~a, ~hava: invloedrijk; ~o: invloed.

portugalaj

~i: influir; ~a, ~hava: influente; ~o: influência.

rusaj

~i: влиять; ~a, ~hava: влиятельный; ~o: влияние.

slovakaj

~i: mať vplyv, účinkovať na niečo; ~a, ~hava: vplyvný; ~o: vplyv.

fontoj

1. tr: Elektron-metalo, Esperanto Triumfonta, 1920:1, p. 7a
2. J. Francis: La Granda Kaldrono, 1978
3. J. Francis: La Granda Kaldrono, 1978
4. L. L. Zamenhof: Esenco kaj Estonteco, ĉap. 6
5. R. F. Vaughan: La Malaja Lingvo, The British Esperantist, 1914-10 (118), p. 200a

~i: Mankas verkindiko en fonto.
~a, ~hava: Mankas dua fontindiko.
~a, ~hava: Mankas fonto, kiu estas nek vortaro nek terminaro.
~o: Mankas verkindiko en fonto.


ℛevo | datumprotekto | influ.xml | redakti... | traduki... | artikolversio: 1.19 2017/10/25 13:10:13