tradukoj: be ca cs de en fr hu id nl no pl pt ru sk

2meteor/o

meteoro  

1.
PIV2AST Luma fenomeno, okazanta, kiam ĉiela korpo veninta el la kosma spaco renkontas la teran atmosferon: la pensoj de la knabo leviĝis de la vaporoj de la tero alte supren al la brilanta meteoro [1].
2.
PIV1AST Ĉiela korpo, moviĝanta (falanta) tra la tera atmosfero: aliaj objektoj en la ĉielo estas planedoj, steloj, lunoj, kometoj, meteoroj [2].
3.  
VdEPV Ĉia atmosfera fenomeno, precipe la nekutimaj: mi ĉiufoje rimarkis, kiam mi supreniris la pinton, ke la ŝanĝiĝo de meteoro estas vere abrupta [3]. VD:meteorologio
Rim.: Oni kutimis distingi inter meteoroj akvaj: pluvo, roso, neĝo, hajlo..., aeraj: vento, uragano..., fajraj: fulmo, falstelo, meteoro 1, bolido..., kaj lumaj: ĉielarko, nordlumo...

Rim.: En la Dua Oficiala Aldono la vorto aperis sen difino, ĉar ĝi estis internacia vorto. En multaj naciaj lingvoj la senco 3 estis la kutima en la unua duono de la 20a jarcento, sed poste la sencoj 1 kaj 2 iĝis pli kutimaj. Kiel montras la fontindikoj de la tri koncernaj sencoj, la ĉefaj vortaroj ne interkonsentas pri tio, kio estu la „ĉefa“ signifo de „meteoro“ en Esperanto. Bedaŭrinde malmultas la aŭtoritataj ekzemploj.

meteorŝtono  

AST=aerolito

tradukoj

anglaj

~o 1.: shooting star; ~o 2.: meteor; ~ŝtono: meteorite, aerolite.

belorusaj

~o 1.: мэтэор; ~o 2.: мэтэарыт, балід; ~o 3.: атмасфэрная зьява; ~ŝtono: мэтэарыт.

ĉeĥaj

~o: meteor, vzdušný jev.

francaj

~o: météore; ~ŝtono: météorite.

germanaj

~o: Meteor; ~ŝtono: Aerolith, Meteorstein, Meteorit.

hungaraj

~o 3.: légköri jelenség; ~ŝtono: meteor, meteorkő, hullócsillag.

indoneziaj

~o: meteor.

katalunaj

~o 1.: estel fugaç; ~o 2.: bòlid, meteorit; ~o 3.: meteor, fenomen atmosfèric; ~ŝtono: meteorit.

nederlandaj

~o 3.: luchtverschijnsel, lichtverschijnsel; ~ŝtono: meteoorsteen, meteoriet, meteoroïde, meteoroliet.

norvegaj

~o: meteor; ~ŝtono: meteoritt, meteorstein.

polaj

~o 1.: meteor, spadająca gwiazda; ~o 2.: meteor, spadająca gwiazda; ~ŝtono: meteoryt.

portugalaj

~o: meteoro.

rusaj

~o 3.: атмосферное явление; ~ŝtono: метеорит.

slovakaj

~o: meteor.

fontoj

1. H. C. Andersen, trad. L. L. Zamenhof: Fabeloj, vol. 4, du fratoj
2. R. Walter: Re: Ĉu Esperanto nur eŭropa lingvo?, soc.culture.esperanto, 1998-12-22
3. Ŝ. Hori: La Volvotigo de Amikeco, 1965

~ŝtono: Mankas fontindiko.
~ŝtono: Mankas fonto, kiu estas nek vortaro nek terminaro.


ℛevo | datumprotekto | meteor.xml | redakti... | traduki... | artikolversio: 1.25 2018/02/19 16:10:15