tradukoj: af be cs de en es fr fy hu id io it la lt nl pl pt ru sk tp uk vo

*7pol/o

*polo  

1.  
POL Ŝtatano de Pollando: Zamenhof ne estis ppololo tial, ke la moderna Pollando estis parto de Rusio, do oficiale li estis ruso [1]; do mi konkludas, ke Koperniko estis polo [2]; dum elektoj en oktobro la pola popolo voĉdonis plimulte por aliaj, tiel ke Kaĉinski kun sia partio PiS forpisis sin el la registaro [3]. SIN:pollandano, polujano
2.
POL Homo kun pola nacieco: la personoj, kiuj ne komprenas la uzadon de la artikolo (ekzemple rusoj aŭ poloj, kiuj ne scias alian lingvon krom sia propra), povas en la unua tempo tute ne uzi la artikolon [4]; pola patrioto diras, ke en „Polujo“ ĉiuj devas esti poloj, sed tiuj samaj poloj indignas, kiam en alia lando oni postulas, ke ili estu ne-poloj [5].

Rim.: En Fundamenta Krestomatio aperas la vorto „polo“ ankaŭ kun la signifo „poluso“: la triangulo formita, sur la sfero ĉiela, per la polo, la zenito kaj la suno FK .

polino

1.
POL Virina polo1: polinoj el la orienta parto de sia lando vizitas ne nur Lviv, sed ankaŭ aliajn ukrainajn urbojn [6].
2.
POL Virina polo2: super ĉiuj virinoj, plej amindaj Polinoj, gajaj, kiel la junaj katetoj, blanka roza la vango, kvazaŭ lakto kaj sango, la okuloj — brilantaj steletoj FK ; la nuna filmo temas pri la devigaj divorcoj dramaj de familioj kun fremdaj edzinoj, precipe rusinoj, bulgarinoj, polinoj kaj aliaj el la iama socialisma tendaro [7].

*pola

1.  
POL Rilatanta al poloj, ilia nacieco aŭ ŝtato: pola lingvo, aŭtoro, konstitucio; litva pola poeto Mickieviĉ, el Vilno forpelita de la rusa registaro, sonigis tra Eŭropo genian alvokon al sanktiĝo de sia popolo por savi ĉiujn gentojn de l' mondo VivZam ; li esprimis la deziron, ke lia verko, krom la partoj rusa, pola, franca kaj germana, enhavu ankaŭ parton Esperantan PrV ; suferas la pola popolo [8].
2.
(la pola) la nacia lingvo de Pollando: gramatiko pola [9]; la tradukoj germana, rusa kaj pola [10]; li tradukas abunde el la pola [11].

Polujo  

POLGEOG Pollando: la lando de la poloj estas Polujo [12]; en Portugalujo kontraŭ 1000 viroj estas 1091 virinoj, en Norvegujo 1090, en Polujo 1076 FK ; la morto rabis al ni Jozefon Wasniewski, la simpatian kaj de ĉiuj amatan apostolon de nia afero en Polujo [13]; HIS Reĝolando Ruslanda Polujo FdO ; ĉu vi deziras per milito preni Polujon tutan aŭ nur liman pecon Hamlet ; la Polujo ne pereis [14]. SIN:Pollando, Polio

Pollando  

POLGEOG Ŝtato situanta en centra Eŭropo kaj limanta norde al Balta Maro, Rusujo kaj Litovio, oriente al Belorusio kaj Ukrainujo, okcidente al Germanujo kaj sude al Slovakujo kaj Ĉeĥujo: la ĉefurbo de Pollando estas Varsovio ĉe la proksimuma mezo de la fluo de rivero Vistulo [15]; Kaliningrad (rusa enklavo inter Litovio kaj Pollando) [16]; Pollando estas 97%-e romkatolika ŝtato sed ironie ― en lia propra lando ― la plimulto defias papajn ediktojn pri ekzemple abortigo kaj seksrilatoj antaŭ-geedzaj [17]; dum la lasta jardeko EU-landoj translokis parton de sia produktado al Pollando kaj tio plibonigis la pagbilancon [18]; la oficiala nomo de Pollando estas Pola Respubliko [19]. SIN:Polio, Polujo
Rim.: La nomo estas gentobaza (AdE), sed uzas la finvorton -land anstataŭ -uj/-i pro internacieco aŭ Esperanta tradicio.

pollandano  

POLGEOG Loĝanto de Pollando: li estu simple honesta Pollandano VivZam ; same: polo – pollandano aŭ polujano (= loĝanto de Polujo; li povas esti polo, judo, germano, ruso k.t.p.) [20]; la verko entenis aron da anekdotoj pri tipa pollandano, lia karaktero, kaj cetere bildigis la vivkondiĉojn de tiu periodo [21]. SIN:polo

polujano  

POLGEOG=pollandanoSIN:polo1

Grandpolujo

POLGEOG Regiono en okcidenta Pollando kun ĉefurbo Poznano: de la pramalnova tempo Łagów havis strategian rolon, troviĝante ĉe la limkruciĝo de la t.n. Grandpolujo, Pomerio, Brandenburgio kaj Silezio [22]; pagana princlando troviĝanta sur la terenoj de la nuntempa Grandpolujo [23].

Malgrandpolujo

POLGEOG Regiono en sudorienta Pollando kun ĉefurbo Krakovo: Mjeŝko la 1-a […] dum siaj lastaj vivojaroj ekmilitis kun Ĉeĥio konkerante Silezion kaj verŝajne Malgrandpolujon [24];
Rim.:Troveblas foje ankaŭ la nomo Etpolujo [Sebastian Cyprych]

tradukoj

afrikansaj

P~ujo : Pole; P~lando : Pole.

anglaj

P~ujo : Poland; P~lando : Poland; Grand~ujo : Greater Poland, Great Poland; Malgrand~ujo : Lesser Poland, Little Poland.

belorusaj

P~ujo : Польшча; P~lando : Польшча.

ĉeĥaj

~o: Polák; ~ino: Polka; ~a: polský, týkající se Polska; P~ujo : Polsko; P~lando : Polsko.

francaj

~o 1.: Polonais; ~o 2.: Polonais; ~ino 1.: Polonaise; ~ino 2.: Polonaise; ~a 1.: polonais (adj.); P~ujo : Pologne, République de Pologne; P~lando : Pologne, République de Pologne; ~landano : Polonais; ~ujano : Polonais (citoyen).

frisaj

P~ujo : Poalen; P~lando : Poalen.

germanaj

~o: Pole; ~ino: Polin; ~a: polnisch; P~ujo : Polen; P~ujo: Polen; P~lando : Polen; P~lando: Polen; ~landano: polnischer Staatsbürger; ~ujano: polnischer Staatsbürger; Grand~ujo: Großpolen; Malgrand~ujo: Kleinpolen.

hispanaj

P~ujo : Polonia; P~lando : Polonia.

hungaraj

P~ujo : Lengyelország; P~lando : Lengyelország.

idaj

~o: Poloniano, Polono; ~ino: Polonianino, Polonino; ~a: Poloniana, Polona; P~ujo : Polonia; P~lando : Polonia.

indoneziaj

P~ujo : Polandia; P~lando : Polandia.

italaj

P~ujo : Polonia; P~lando : Polonia.

latina/sciencaj

P~ujo : Polonia; P~lando : Polonia; Malgrand~ujo : Polonia Minor.

litovaj

P~ujo : Lenkija; P~lando : Lenkija.

nederlandaj

~o 1.: Pools staatsburger; ~o 2.: Pool; ~ino 1.: Pools staatsburger; ~ino 2.: Poolse; ~a 1.: Pools; P~ujo : Polen; P~lando : Polen; ~landano : Pools staatsburger; ~ujano : Pools staatsburger; Grand~ujo : Groot Polen; Malgrand~ujo : Klein Polen.

polaj

~o 1.: Polak; ~o 2.: Polak; ~ino 1.: Polka; ~ino 2.: Polka; ~a 1.: polski; P~ujo : Polska; P~lando : Polska; ~landano : Polak; ~ujano : Polak; Grand~ujo : Wielkopolska; Malgrand~ujo : Małopolska. P~a Respubliko: Rzeczpospolita Polska.

portugalaj

P~ujo : Polónia; P~lando : Polónia.

rusaj

P~ujo : Польша; P~lando : Польша.

slovakaj

~o: Poliak; ~ino: Poľka; ~a: poľský; P~ujo : Poľsko; P~lando : Poľsko.

tokiponaj

~o: jan Posuka; P~ujo : ma Posuka; P~lando : ma Posuka; ~landano : jan Posuka; ~ujano : jan Posuka.

ukrajnaj

P~ujo : Польща; P~lando : Польща.

volapukaj

~o: Polänan; ~ino: ji-Polänan; ~a: Polänik; P~ujo : Polän; P~lando : Polän; ~landano : Polänan; ~ujano : Polänan.

fontoj

1. Monato, Angelos Tsirimokos: Senmita biografio de Zamenhof
2. Manuel: Koperniko ― ĉu polo ĉu germano
3. Monato, Stefan Maul: Du mil sep
4. L. L. Zamenhof: Fundamento de Esperanto, Ekzercaro, § 27
5. L. L. Zamenhof: Homaranismo, Pri la homaranismo
6. Monato, Dmitrij Cibulevskij/pg: Lviv kaj mort'
7. Monato, Bardhyl Selimi: Albanstila divorco
8. Monato, Pollando: Kiam orkestro fariĝas orkesto
9. L. L. Zamenhof: Fundamento de Esperanto, Gramatiko
10. L. L. Zamenhof: Lingvaj Respondoj, 1. Vortfarado
11. Monato, Carlo MINNAJA: Finaj agordoj
12. Doron Modan: Ni paroletu pri la historio de E-o
13. L. L. Zamenhof: Paroloj, Parolado antaŭ la Unua Kongreso Esperantista en Boulogne sur Mer en la 5a de aŭgusto 1905
14. Bogusław Grabowski: Litvo, Patrujo Mia...
15. Pollando , Vikipedio, artikolo pri Pollando
16. Monato, Laimius Straznickas: Litovio ― Britio: Kontrabanditaj cigaredoj invadas Brition
17. Monato, Opinio: Kie la toleremo?
18. Monato, Stanisław Śmigielski: Eksporto nur al Okcidento
19. Pollando , Vikipedio, artikolo pri Pollando
20. Henrik Seppik: La tuta Esperanto, Sepa leciono. 50.
21. Vikipedio, Pola literaturo
22. Pola Radio: Pollando invitas: Łagów, 2007-05-12
23. Vikipedio, Mjeŝko la 1-a (Pollando)
24. Vikipedio, Mjeŝko la 1-a (Pollando)

~ujano: Mankas fontindiko.
~ujano: Mankas fonto, kiu estas nek vortaro nek terminaro.
Malgrand~ujo: Mankas dua fontindiko.


ℛevo | datumprotekto | pol.xml | redakti... | traduki... | artikolversio: 1.21 2018/03/05 20:10:13