^*rimed/o ^UV

Tio, kio servas por atingi celon: tiu, kiu akiras riĉecon per rimedoj maljustaj: en la mezo de sia vivo li ĝin perdos, kaj en la fino li restos malsaĝulo [1]; la maristoj serĉis rimedon forkuri el la ŝipo, kaj jam mallevis la boaton [2]; reĝo kaj reĝino, kiuj sidis sur velura trono, havis orajn kronojn sur la kapo […], ĉar iliaj rimedoj tion permesis al ili [3]; lia patrino ne havis rimedojn, por aĉeti kandelojn [4]; helpi, sed kiamaniere […], estis malfacile trovi ian rimedon [5]; Lamkarolino, iris prepari por ŝi tason da varma biero kun butero […], kiun ŝi rigardis kiel la solan veran universalan rimedon [6]; ĉiuj rimedoj vane estis uzitaj por revivigi Klaron, ŝi mortis kaj restis mortinta [7]; kontraŭ ĉiu tedo ekzistas rimedo ^PrV ; grandaj malbonoj, grandaj rimedoj ^PrV . agmaniero, ilo, konduto, materialo, metodo, procedo, traktado, vojo

Rimedo por neebligi ion: pri eblaj antaŭrimedoj ŝi streĉis al si la cerbon, ellaborante, en rapida intersekvo, seson da planoj, kaj tuj forlasis ilin kiel maltaŭgajn ^Iŝtar . antaŭzorgi, preventi

Uzante ĉiun eblan rimedon: fanatika pastraro, kiu volas ĉiurimede elradikigi la kredon al Jehova ^Iŝtar ; kiom eble plej rapide kaj ĉiarimede ^MD02 ; proklami ĉiuflanken kaj ĉiurimede, ke la entrepreno neniel implicas persekuton kontraŭ hebreoj [8].

Rimedo por ion kontraŭi, pribatali, por sin ŝirmi de ĝi: nepras apliki taŭgajn kontraŭrimedojn por eviti, ke la arteria premo domaĝu la organismon [9]; oni tute ne povas scii, kiujn kontraŭrimedojn ellaborus la celataj […] problemŝtatoj [10]; okaze de la internacia financa krizo […] komerca protektismo ne estas bona kontraŭrimedo [11].

La mono kiun iu posedas por vivteni sin, familion, entreprenon ktp: ilia kapitalo antaŭ longe malaperis kaj la Banko havas kontraŭ ili grandan hipotekon […] estas nepre necese havigi pluajn monrimedojn senprokraste [12]; li partoprenis en la Bara konfederacio, kiun la franca registaro subtenis per monrimedoj [13]; la administrantaro […] decidis doni la bezonajn monrimedojn al la blinda ĉukĉo [14]. financo²

Rimedo por vivteni: liaj vivrimedoj […] estis donataj al li de la reĝo ĉiutage dum lia tuta vivo [15]; ŝi el sia senhaveco ĵetis ĉion, kion ŝi havis, sian tutan vivrimedon [16]; mi povos liveri al vi vivrimedojn per mia profesio [17]; li travagadis tiujn samajn urbojn, deklamante siajn versojn, por akiri vivrimedojn [18]; ili havis sufiĉajn vivrimedojn, ĉar ili kontentiĝis je sia modesta sorto [19].