^*tabl/o ^PV

Meblo konsistanta el plato subportata de unu aŭ pluraj kruroj (aŭ piedoj): la libro estas sur la tablo [1]; antaŭ la kanapo estis ronda tablo ^FK ; sur malgranda tablo unupieda staris la korbo kun pecetoj de perkalo ^IK ; kiam la tablo estis preparita, oni invitis la gastojn al la tablo ^DL ; faru tablon el akacia ligno, du ulnoj estu ĝia longo, kaj […] unu ulno kaj duono ĝia alto [2]; ni metu tien por li […] tablon kaj seĝon kaj lumingon [3]; hejme sur vespera tablo estis teo kun tranĉaĵoj de ŝinko ^VivZam ; karafo da akvo, salujo, vitra krenujo okupis la tablon ^IK ; la juna virino elŝovis la tirkeston de la tablo kaj elprenis el ĝi dekkelke da folioj ^Marta ; la libristo staris malantaŭ la magazena tablo […] en pozo senmova ^Marta ; la lignaĵisto faras tablojn, seĝojn kaj aliajn lignajn objektojn ^FK ; (figure) fulmoj de gajeco, ĉe kiuj la tuta tablo (ĉetabla rondo) eksplodadis per rido ^Hamlet ; Beatrico kutimis akcepti ĉe sia manĝotablo ĉiujn siajn amikojn ^ChL ; kiam ili poste eksidis ĉirkaŭ la kafotablo, ili […] estis freŝhumoraj, kvazaŭ ili ĵus ellitiĝus ^HsT ; la germanaj kamparanoj en tiu pura luma restoracio, apud la biertabloj, tute ne similas tiun vilaĝon ^Metrop ; la moneroj falas sur la pale brilan breton de la trinktablo, la fortika kaj korpulenta drinkejmastro ĵetas al ŝi kelkajn […] vortojn ^LGA ; la gastaro sidis jam ĉe la ludotabloj [4]; mi forgesis mian horloĝon sur la noktotablo de la sakristianino ^KrB ; Zalmuna staris antaŭ la altarotablo, fikse rigardante en obtuza sensenteco la sanktfiguron ^Iŝtar ; [mi] eniris kontoron kaj troviĝis ĉe servotablo kun interspacitaj vandoj antaŭ ĝi, tiel, ke oni ne povis esti vidata de najbaraj klientoj ^KrM ; apud plena manĝotablo ĉiu estas tre afabla ^PrV ; vivi inter forno hejtita kaj tablo kovrita (vivi sate kaj komforte) ^PrV . tablolampo, tabloludo, tablomonto, tabloteniso, tablotuko

Servisto ĉefoficanta super la manĝoj en riĉa domo aŭ en multehomaj festenoj; butlero: tablestro min gaste invitis al festenoj [5].

Mallarĝa aŭ malalta tablo: mi aĉetis por la infanoj tableton kaj kelke da seĝetoj [6]; avo kapsignis en la direkto al la spegulo, sur kies tableto staris la kalendaro [7]; tabletoj ŝarĝitaj per bagatelaĵoj [8].

Alsidiĝi ĉe tablo: [ili] altabliĝis en kafejoj por sin sensoifigi ^ChL ; ni tuj ĉetabliĝu kaj vi rakontos al ni dum la manĝo, ĉu konsentite ^ChV ? altabliĝinte, li tintigis la sonorilon kaj, ne atendante ĉeson de la bruo, komencis paroli ^Metrop ; grupo da oficiroj ĉetabliĝintaj por vespermanĝo [9]; kiam la manĝaĵo estis preta, ili altabliĝis [10].

(tr)

Meti sur tablon, tiel disponigi: oni surtabligis por li aparte, kaj por ili aparte [11]; oni surtabligu plej delikatajn manĝaĵojn [kaj] la plej ĉarmaj knabinoj dancu ĉirkaŭ ŝi [12]; servoknabinoj venis verŝi vinon kaj surtabligi pladojn [13].

^EBV

Tablo por desegnado, kutime kun klinita aŭ klinebla plato: ĝis preskaŭ la lasta jardeko de la 20-a jarcento, ĉiu desegnado okazis per plumo aŭ krajono, papero, liniilo kaj sur desegnotablo [14].

En stalo, tablo sur kiu oni elmetas la furaĝon por manĝigi la brutojn: devus esti larĝa furaĝotablo meze de la ejo kaj super ĝi plafona pordeto al la fojnejo ^HsT . furaĝujo, trogo

1.

Tablo por labori, precipe en laborejo: li iom postiĝis je la manĝopaŭzoj kaj restis iom da tempo ĉe sia labortablo ^HsT ; kiam la fratoj sidis ĉe sia komuna labortablo, deklaris Eriko, ke li volas ripeti matematikon ^InfanTorent2 .

2.

En grafika fasado, parto de ekrano sur kiu aperas fenestroj, piktogramoj kaj aliaj objektoj bildigantaj la laborspacon de la uzanto.

a)

En Uniksaj fenestrosistemoj, ĉiu el pluraj ekranplenoj (tipe 2 aŭ 4) en kiuj la uzanto povas aranĝi siajn fenestrojn, laŭ diversaj temoj de siaj okupoj: komuti virtualajn labortablojn; elektu la kolorojn por via Esperanta labortablo.

b)

La ekrana fono, ekrana loko ne kovrita per fenestro, piktogramo aŭ alia ekrana objekto: por surekranigi la labortablan menuon, klaku per la dekstra musbutono sur la fona parto de la labortablo; por povi ĉiam tuj lanĉi aplikaĵon, trenu ĝian piktogramon sur la labortablon.

Tablo uzata por skribi, ordinare kun tirkestoj, ilaroj kaj similaj: en mia skribotablo sin trovas kvar tirkestoj [15]; skribtablo aŭ skribotablo (= tablo, sur kiu oni skribas) [16]. ĉu vi vidas tiun grandan nigran makulon sur la skribtablo de la patro ^Marta ; ŝi sin sidigis apud la skribotablo kaj iom pensinte, ŝi skribis la sekvantajn liniojn ^FK ; la kandelingo ricevis lokon sur verda skribtablo [17]; [ili] sidis apude apud skribotablo unu kontraŭ la dua ^BdV .

Tablo por tualeto, kutime provizita per speguloj, kestoj aŭ fakoj por ŝminkoj: zorgeme ŝi formetis la tualettablon, kiu kaŝis la komunikan pordon ^KPr ; [ili] esploris bagatelaĵojn kaj ornamaĵojn sur niaj komodoj aŭ tualettabloj, inspektis detale ĉiujn kestojn ^Ĉukĉoj ; ŝi forlasis la kajeron, metis la kubutojn sur la spegultablon kaj, spegulate, ŝi longtempe sidis ^MkM .

^EBV

Tablo por prezenti vendotaĵojn en butiko, bazaro aŭ ajna komercejo: ĉe la muro malantaŭ la vendotablo pendis longa vico da helaj someraj kostumoj ^Tor ; [li] montris al pordo malantaŭ la vendotablo kaj petis ŝin eniri ^InfanTorent2 ; li staris sur la placo kaj ĉe iu malgranda vendtablo vendis legomojn ^VRA .

^EBV

Alta, longa tablo precipe en drinkejo aŭ restoracio, inter preparejo kaj manĝejo, ĉe kiu klientoj povas resti stare aŭ sur altaj sidiloj: ili staris ĉirkaŭ la verŝtablo apud la pordo [18]; [ili] ĉe la verŝtablo per sia blekado min preskaŭ migrenigis ^MkM .

Horizontala aŭ iom dekliva vitrino kun vitra supro: meze de la salono troviĝas busto de Zamenhof kaj ĉirkaŭ ĝi estas kelkaj vitrotabloj [19]. vitrino

1.

Tablo primetita por kuna manĝado de ĉiuj gastoj en kompanio: ĉe la komuna tablo abundis manĝoj produktitaj de la klubanoj mem [20].

2.

^GDEF Manĝo el pluraj antaŭfiksitaj pladoj, surtabligata je fiksita horo por la gastoj de hotelo aŭ restoracio: kiam la horo venis, ĉiuj sidiĝis ĉe unu longa komuna tablo, ĉar en la gastejo ne ekzistis tabloj rondaj aŭ kvadrataj [21]. bufedo²

(frazaĵo) Kunsido, en kiu ĉiuj povas egale diri sian opinion pri la temo: dum la lunda ronda tablo, preskaŭ unuanime la partoprenintoj laŭdis la aranĝon [22]; debatoj ĉe televida ronda tablo [23].