tradukoj: be bg br cs de en es fr he hu it ku nl pl pt ru sk sv tp tr vo

^*brak/o [1]

^*brako

1.

La supera membro ĉe la homo: grandan paperujon mi portas sub la brako [2]; brako en brako ili iris [3]; ŝi paŝis ĉe (sub)^Z la brako de sia edzo.

2.

Parto de tiu membro ekde ŝultro ĝis kubuto.

3.

(figure) Parto de objekto, kiu etendiĝas, flanke de ĝi kiel brako: brako de cirkelo, de argano, de kandelabro^Z, de lustro, de helico, de levilo, de rivero; la mano, kuŝanta sur brako de la seĝo, tremetis [4]. alo, branĉo

brakenbrake

Brakon intermetitan kun brako de apudulo: oni ameme gvidas lin, brakenbrake, laŭ la stratetoj de la provinca urbo [5].

brakumi

ĉirkaŭbraki ŝi tre vigliĝis [kaj] sin premis al mi brakumante min je la kolo [6]; mi vin kisis, kisis sur kanap', mi vin alpremis en brakumo muta [7].

antaŭbrako

Parto de la supera membro, de kubuto ĝis mano: la tria knabino dormas kun kapo apogita sur la antaŭbrakoj [8].

ĉirkaŭbraki

Ĉirkaŭigi per ambaŭ brakoj, plejofte kun samtempa amema premo al la ĉirkaŭigata objekto aŭ persono: estas tempo por ĉirkaŭbraki, kaj tempo por foriri de ĉirkaŭbrakado [9]; preninte infanon, li starigis ĝin meze de ili, kaj ĉirkaŭbrakinte ĝin, li diris [...] [10]; mi ricevis sufiĉegan dankon, dolĉan kison kaj ĉirkaŭbrakon [11]. brakumi
Rim.: Estas strange, ke ambaŭ PIV-oj tute ignoras ĉi tiun vorton.

enbrakigi

1.

Levi, surpreni sur siajn brakojn: Marta [...] genuiĝinte volis enbrakigi la filineton [12].

2.

ĉirkaŭbraki kial, mia filo, vi volas serĉi al vi plezuron ĉe fremda virino kaj enbrakigi ne apartenantan al vi? [13].

subbrako

akselo

brakringo

Braceleto portata ĉe la brako.

brakseĝo

Komforta seĝo kun dors- kaj brakapogilo: malalta brakseĝo sur balancarkoj [14]. fotelo

    Interesa estas ankaŭ la ekzemplo el Sentencoj
    "se vi [la saĝon] enbrakigos", kun la ŝajna senco
    "alpreni", "akcepti kiel gvidregulon"... (kiel la
    franca "embrasser (une opinion)"), sed eble ankaŭ
    "protekti".
    [MB]