tradukoj: cs de en es fr hu nl pt ru sk th

2instal/i

instali  

(tr)
1.  
PV Meti ion ien kaj fari ĉion necesan, por ke ĝi bone funkciu: instali maŝinon, novan ilaron, elektron, banĉambron, kurson, fabrikon, hospitalon, bibliotekon; instali firmon eksterlande, fontanon sur placo; la duan [oran bovidon] li instalis en Dan [1]; - Banujon mi instalis, kriis Bakŝiŝev [2]; bone instalita oficejo (provizita per bone instalita meblaro, ekipaĵaro ktp); la dormĉambro de Hadda estis lukse kaj delikatguste instalita [3]; KOMP instali programaron en sian komputilon. VD:aranĝi, ekipi, establi, fondi, munti, nesto, organizi, starigi.
2.  
Meti iun en taŭgan lokon: li, antaŭĝuante laboron, frotis siajn manojn kaj haste sin instalis ĉe la tableto [4]; la kapuĉulo estis sin instalinta sur tripieda tabureto [5]; (figure) „Massolit“ sin instalis en Gribojedovo tiel bone kaj komforte, ke ion pli oportunan ne eblas eĉ imagi [6].
Rim.: Estas strange, ke tiu senco aperas plej ofte en pronomaj verboj. Se eblas komforte instali sin en fotelo, kial ne instali iun alian?
3.  
VdE Enpostenigi, enoficigi: vi scias, ke la reĝo volas instali Omaron kiel administranton de la reĝaj bienoj [7]; [Varankin] instalis lin por la rolo de ĉefa heroo en la vodevilo „Pavel Ivanov“ [8]; [en Moresnet] oni instalis miksitan estraron [9]; ĉiuj, kiuj regas la ŝtaton, ĉiuj, kiuj direktas la publikan opinion, ĉiuj instalitaj personoj (altpostenuloj), ĉiuj influhavaj homoj [...] [10].

instalado

Ago instali: unu el la lastaj agadoj de Pasquale en la Oficejo estis instalado de moderna komputila sistemo [11]; la instalado [de la satelita instalaĵo] plej konvene okazu helpe de iu satelite televida fakfirmo [12]; KOMP la instalado estas tre simpla pere de la aldonita instal-programeto [13].

instalaĵo

1.
Instalita ekipaĵo: bideo: neceseja instalaĵo por lavi la pubon kaj postaĵon HejmVort; fontano: ornama instalaĵo kun supren ĵetiĝanta kaj ŝprucanta akvo BazRad; rimarkindaj instalaĵoj por malsanuloj; KOMP [uzo de programlingva dialekto] povas pligrandigi la rendimenton de programaro verkita speciale por la koncerna instalaĵo [14].
2.
Tuto de la instalitaj ekipaĵoj; ejo, kie ili troviĝas: estas via firmao, kiu faris la [tubaran] instalaĵon [15]; komplika elektromekanika instalaĵo enhavas dek milojn da hermetaj relajsoj [16]; la alarminstalaĵo estis enŝaltita [17]; viziti la instalaĵon de fabriko, minejo, kazerno, foiro; jam en la jaro 1836 [estis fondita] hospitalo kiel instalaĵo de burĝa solidareco [18]; Vanunu laboris de 1976 ĝis 1985 kiel teĥnikisto ĉe instalaĵo en suda Israelo [19]; Vaŝingtono insistis ankaŭ, ke estu etigitaj la inspektadoj de militistaj instalaĵoj [20].

instaliĝi  

Iĝi instalita, instali 2 sin: li rikanis al uzinaj kulturistoj, ankaŭ instaliĝintaj al la stabloj [21]; KOMP instaliĝas nur la programo mem, dum la lingvomaterialo restas sur la kompakta disko [22].

instalilo

KOMP
Programo por instali aliajn pecojn da programaro en onian komputilon.

instalisto

TEK
Homo, kies metio estas instalado.

malinstali  

ANT:instali.

malinstalilo

KOMP
Programo por forigi iujn instalitajn pecojn de programaro.

tradukoj

anglaj

~i 1.: install; ~aĵo: installation; ~ilo: installer; mal~ilo: uninstaller.

ĉeĥaj

~i: dosadit, instalovat, nastolit, osadit, umístit, uvést do provozu, uvést v úřad, zavést; ~ado: instalace, instalování, umístění, zařizování; ~ilo: instalační program; ~isto: instalatér; mal~i: odinstalovat; mal~ilo: odinstalační program.

francaj

~i 1.: installer, monter, agencer, aménager, arranger, équiper, implanter; ~i 2.: installer, mettre, placer; ~i 3.: mettre à un poste, introniser, donner l'investiture (à); ~ado: installation, mise en place, pose, agencement, aménagement, équipement, investiture; ~aĵo 1.: installation, équipement; ~aĵo 2.: installations, établissement; ~iĝi: s'installer, emménager, s'établir, s'implanter; ~ilo: programme d'installation, installateur; ~isto: installateur; mal~i: désinstaller; mal~ilo: programme de désinstallation, désinstallateur.

germanaj

~i 1.: installieren; ~aĵo: Anlage; ~ilo: Installationsprogramm; ~isto: Installateur; mal~i: deinstallieren; mal~ilo: Deinstallationsprogramm.

hispanaj

~i 1.: instalar; ~ado: instalación; ~aĵo 1.: instalaciónequipamiento instalado; ~ilo: programa de instalación, instalador; ~isto: instalador; mal~i: desinstalar; mal~ilo: programa de desinstalación, desinstalador.

hungaraj

~i 1.: létesít, telepít, beszerel, felállít; ~i 2.: elhelyez, felállít; ~i 3.: alkalmaz , beiktat; ~ado: telepítés, felállítás, létesítés, beszerelés; ~aĵo 1.: berendezés; ~aĵo: létesítmény; ~iĝi: létesül, telepítődik, elhelyezkedik; ~ilo: telepítőprogram; ~isto: szerelő, telepítő; mal~i: felszámol (létesítményt)>, leszerel, eltávolít; mal~ilo: eltávolító program, uninstaller.

nederlandaj

~i 1.: installeren; ~aĵo: installatie, inrichting; ~isto: installateur.

portugalaj

~i 1.: instalar; ~ado: instalação; ~iĝi: instalar-se; ~ilo: instalador (computação); ~isto: instalador (pessoa); mal~i: desinstalar; mal~ilo: desinstalador (computação).

rusaj

~i 1.: установить; ~i 2.: поместить, разместить; ~i 3.: назначить; ~ado: установка, размещение, назначение; ~aĵo: установка; ~iĝi: установиться, разместиться; ~ilo: программа установки, инсталлятор; ~isto: установщик, наладчик; mal~i: удалить, снести, деинсталировать; mal~ilo: деинсталлятор.

slovakaj

~i: dosadiť zaviesť, inštalovať, zariadiť; ~ado: inštalácia, usporiadanie, zavedenie; ~ilo: inštalačný program; ~isto: inštalatér; mal~i: odinštalovať; mal~ilo: odinštalačný program.

tajaj

~i 3.: แต่งตั้ง; ~i: ติดตั้ง; ~ado: การติดตั้ง; ~ilo: โปรแกรมติดตั้ง; mal~i: ยกเลิกการติดตั้ง.

fontoj

1. trad. L. L. Zamenhof: La Malnova Testamento, I. Reĝoj 12:29
2. Mihail Bulgakov, trad. Sergio Pokrovskij: La majstro kaj Margarita, ĉap. 24
3. Deck Dorval: Urd Hadda murdita!, p. 10
4. Mihail Bulgakov, trad. Sergio Pokrovskij: La majstro kaj Margarita, ĉap. 11
5. Mihail Bulgakov, trad. Sergio Pokrovskij: La majstro kaj Margarita, ĉap. 16
6. Mihail Bulgakov, trad. Sergio Pokrovskij: La majstro kaj Margarita, ĉap. 5
7. H. A. Luyken: Pro Iŝtar, ĉap. 14
8. N. Stepanov: http://www.esperanto.mv.ru/Varankin/antauparolo.html
9. Vim Sluijtman: Lodza informilo, 2001:4
10. Jean-Jacques Rousseau, trad. André Gilles: La revadoj de soleca promenanto, Dua promenado
11. UEA: Gazetaraj komunikoj, 2002-02-12 (145)
12. Monato, http://www.esperanto.be/fel/mon/004358.html
13. Franz Kruse: Monato, http://www.esperanto.be/fel/mon/rec/nvoj.html
14. Sergio Pokrovskij: Komputada Leksikono, dialekto
15. La Ondo de Esperanto, 2000:2(64)
16. http://www.esperanto.mv.ru/Arkivoj/TSIT/tsit3.html
17. Deck Dorval: Urd Hadda murdita!, p. 21
18. http://www.aliaflanko.de/urbo/radolfzell/hist9.html
19. Baard Hekland: Monato, http://www.esperanto.be/fel/mon/007502.html
20. Le Monde Diplomatique en Esperanto, 2001-11
21. V. Varankin: Metropoliteno, ĉap. 11
22. Franz Kruse: Monato, http://www.esperanto.be/fel/mon/rec/nvoj.html

~i: Mankas verkindiko en fonto.
~aĵo: Mankas verkindiko en fonto.
~ilo: Mankas fontindiko.
~ilo: Mankas fonto, kiu estas nek vortaro nek terminaro.
~isto: Mankas fontindiko.
~isto: Mankas fonto, kiu estas nek vortaro nek terminaro.
mal~i: Mankas fontindiko.
mal~i: Mankas fonto, kiu estas nek vortaro nek terminaro.
mal~ilo: Mankas fontindiko.
mal~ilo: Mankas fonto, kiu estas nek vortaro nek terminaro.


ℛevo | datumprotekto | instal.xml | redakti... | traduki... | artikolversio: 1.21 2018/08/22 14:10:14