tradukoj: be ca cs de en es fr hu id it la nl pt ru sk sv tr

*serpent/o

*serpento  

1.  
ZOO Iu el serpentoj, senpieda rampulo kun tre longa cilindroforma korpo tegita de skvamoj: (figure) vi varmigos serpenton, ĝi al vi enpikos la dentonPrV (ne kompatu malbonulon); turniĝadi kiel serpento PrV ; (figure) dorloti serpenton (perfidulon) sur sia brusto PrV; ĝi mordas kiel serpento kaj pikas kiel vipuro [1]; maraj serpentoj (serpentformaj marbestoj) [2]; ŝi surpaŝis per piedo sur la serpenton, — la serpento eksiblis kaj forrampis FK ; (figure) la relvojo zigzagis kiel nigra serpento tra la intermontaĵo [3]. SUB:boao, kolubro, vipuro
2.
BIB La tentanta demono: la virino diris: la serpento tromplogis min, kaj mi manĝis (la pomon) [4]; (figure) la rampaĵoj de tentoj kaj la serpentoj de pasioj Marta .
3.
(figure) Iu a io, venenige aŭ damaĝe efikanta, precipe per insidaj vortoj, sur la homan animon: tiuj ĉi vortoj estis serpentoj, kiuj volvekovris Martan de la kapo ĝis la piedoj kaj enpuŝis siajn pikilojn en ĉiujn punktojn de ŝia korpo Marta ; ho, nobla mia filo: la serpento, de kies mordo mortis via patro, nun portas lian kronon Hamlet ; Stella, vi estis do la serpento en mia edzeca paradizo […] kiu elpensis […] malhonoran historion pri mi […] FK .

Serpento [5] (Ser)  

AST Ekvatora Stelfiguro (Serpens): unu el la du sistemoj orbitas ĉirkaŭ stelo, similgranda kiel nia Suno, 123 lumjarojn malproksime de ni, en la konstelacio Serpento [6]. VD:Hidro

serpenta  

1.
Rilata al serpento; havanta tipan econ de serpento: serpentaj kaj lacertaj haŭtoj [7]; (figure) la dioj verŝis sur vin ĉiujn favorojn: ili donis al vi serpentan prudenton kaj okulojn de vulturo [8]; ĝia gusto enhavas la maldolĉecon de la veneno serpenta FK ; la unua monato de la Serpenta Jaro en Pekino [9].
2.  
Serpentoforma, ondolinia, tordiĝa, sinua: ili padelis senbrue la longan kaj mallarĝan kanoton tra serpentaj fluejoj [10]; malgranda urbo aperis malproksime kun sia ponto, sia preĝejo kaj serpenta rivereto [11]; serpenta vico antaŭ la kaso [12]; desegnekovritaj de nigraj linioj, punktoj, serpentaĵoj Marta . VD:serpentumi

serpenti  

(ntr)
(figure) Serpentumi: mi kuregis supren laŭ la serpentanta ŝtuparo [13]; la provinca vojo de la valo, suprenkondukanta al Fontamara, kiu serpentas sur la dorso de la monteto, estis dezerta [14]; ĉar ni ne bone konis la terenon, ni iris per la plej longa vojo, kiu konsistis el mallarĝaj serpentantaj ŝoseetoj [15].

serpentoj  

ZOO Subordo de skvamuloj (Serpentes): Pitono (Python) estas genro de grandaj, senvenenaj serpentoj, kun rudimentaj membroj [16]; laŭlitere tetrapodoj signifas „kvarpiedulojn“, ne ĉiuj anoj de ĉi tiu klado havas efektive kvar piedojn, ekzemple, serpentoj havas neniujn kaj birdoj havas nur du [17]; Komodo-varanoj […] povas atingi longecon de pli ol 3 metroj [… sed] ekzistas reptilioj multe pli grandaj ol ili, nome kelkaj specioj de krokodiloj (por ne paroli pri kelkaj specioj de serpentoj) [18].

Serpentisto [19]EBV (Oph)  

AST Ekvatora Stelfiguro (Ophiuchus): M9 estas globa stelamaso en konstelacio Serpentisto [20].

serpentumi  

(ntr)
Iri torde kaj ondolinie kiel serpento; serpenti; tordiĝi, zigzagi. rivero, kiu serpentumis ĉirkaŭ arbaro preter multe da kasteloj [21]; serpentumantaj riveretoj[22]; de la altaĵeto de la preĝejo milde serpentumetas neasfaltitaj vojetoj almaren [23]; la vizitanto zigzagas aŭ serpentumas en labirinto [24]; neniu sono bruos kaj neniu vizaĝo serpentumos tra la stratoj [25]; (figure) ĉiam la homo kapablos lingve serpentumi [26]; en Esperanto povas redoni la serpentumaĵojn kaj fajnaĵojn de multaj naciaj lingvoj [27]; li verke serpentumas inter la Duakanonaj Libroj kaj eseo pri kristanismo kaj aliaj religioj [28].

serpentumo  

Onduma formo, kurbiĝanta jen al iu flanko, jen al la alia, sinuo, zigzago: tie la Rejno fluas tra vasta serpentumo [29]; la soldatoj atendis ŝancon por ataki, rigardante la longan nigre-brunan serpentumon de la urba muro [30].

*sonserpento [31]  

ZOO Krotalo, genro de amerikaj venenaj serpentoj (Crotalus), kun moveblaj kornaj ringoj ĉe la vosto, kaŭzante siblan sonon per ĝia vibrigado: [ĉe la] Muta sonserpento […] simile al la sonserpentoj vibras la vostofino ĉe ekscitiĝo [32].

tradukoj

anglaj

~o: serpent, snake; S~o : Serpens; ~a 2.: serpentine, snaky, sinuous, twisty; ~i: meander, twist; ~oj: serpents; S~isto : Ophiuchus; ~umi: meander, twist; son~o : rattlesnake.

belorusaj

~o 1.: зьмяя; ~o 2.: зьмей; ~a 2.: зьмеепадобны; ~i: зьмяіцца; ~umi: зьмяіцца.

ĉeĥaj

~o: basový cink, serpent; ~a: jako had (adj.); ~i: plazit se, vinout se (jako had); ~umi: plazit se, vinout se (jako had); ~umo: serpentina.

francaj

~o: serpent; S~o : Serpent; ~a 2.: ondoyant, sinueux, tortueux; ~i: serpenter, sinuer; ~oj: serpents; S~isto : Ophiuchus, Serpentaire; ~umi: serpenter, sinuer; ~umo: sinuosité; son~o : crotale, serpent à sonette.

germanaj

~o 1.: Schlange; S~o : Schlange (Sternbild); ~a 1.: schlangengleich; ~a 2.: schlangenförmig; ~i: schlängeln; ~oj: Schlangen ; S~isto : Schlangenträger; ~umi : schlängeln, mäandern; ~umo : Schlangenlinie, Mäander; son~o : Klapperschlange.

hispanaj

~o: serpiente; ~i: serpentear; S~isto : Ofiuco.

hungaraj

~o: kígyó; ~a 2.: kígyózó, kanyargó; ~i: kígyózik, kanyarog; ~oj: kígyók; ~umi: kígyózik, kanyarog.

indoneziaj

~o: ular.

italaj

~o: serpente; S~o : Serpente; ~a 2.: sinuoso, tortuoso; ~i: serpeggiare; S~isto : Ofiuco, Serpentario; ~umi: serpeggiare.

katalunaj

~o: serp; S~o : el Serpent; ~a 2.: sinuós, serpentí; ~i: serpentejar; ~oj: serps, serpents; S~isto : el Serpentari; ~umi: serpentejar.

latina/sciencaj

S~o : Serpens; ~oj : Serpentes; S~isto : Ophiuchus; son~o : Crotalus.

nederlandaj

~o 1.: slang; ~o: serpent; ~a 2.: slingerend, kronkelend; ~i: slingeren, kronkelen; ~oj: slangen; ~umi: slingeren, kronkelen; son~o : ratelslang.

portugalaj

S~isto : Ofiuco, Serpentário.

rusaj

~o 1.: змея; ~o 2.: змей; ~a 2.: змеистый; ~i: змеиться; ~oj: змеи (подотряд); ~umi: змеиться.

slovakaj

~o: serpent; ~a: ako had; ~i: plaziť sa, vinúť sa (ako had); ~umi: plaziť sa, vinúť sa (ako had); ~umo: serpentína (o ceste).

svedaj

~o 1.: orm.

turkaj

~o 1.: yılan.

fontoj

1. trad. L. L. Zamenhof: La Malnova Testamento, Sentencoj 23:32
2. H. C. Andersen, trad. L. L. Zamenhof: Fabeloj, vol. 1, La virineto de maro
3. Monato, Julian Modest: La iluziisto
4. trad. L. L. Zamenhof: La Malnova Testamento, Genezo 3:13
5. Astronomia Terminaro
6. OH: Du strangaj planedsistemoj, Monato, jaro 2001a, numero 7a, p. 20a
7. B. Prus, trad. Kazimierz Bein: La Faraono, vol. 2, Ĉapitro I
8. B. Prus, trad. Kazimierz Bein: La Faraono, vol. 1, Ĉapitro IV
9. Monato, Alice Liu: Tra densa mallumo ...
10. Sten Bergman, trad. Birger Gerdman: Tra sovaĝa Kamĉatko
11. Charles Dickens, trad. Martyn Westcott: Kristnaska kanto, Dua strofo: La unua el la tri fantomoj
12. Monato, Stefan Maul: Aŭtomat-homo
13. Edgar Rice Borroughs, trad. K. R. C. Sturmer: Princino de Marso, ĉapitro 5a
14. Ignazio Silone, trad. A. Angelo: Fontamara, ĉapitro 5a
15. Monato, Garvan Makaj: Nova ekologia vilaĝo
16. Vikipedio, Pitono
17. Vikipedio, Tetrapodoj
18. Monato, Izabel C. O. Santiago: Faŭno: La "drakoj" de Komodo: Gigantaj bestoj sur izola insulo
19. Astronomia Terminaro
20. Vikipedio, M9
21. H. C. Andersen, trad. L. L. Zamenhof: Fabeloj, vol. 2, Dio de dormo
22. H. C. Andersen, trad. L. L. Zamenhof: Fabeloj, vol. 2, Malbela anasido
23. Monato, Saliko: Tammisaari, urbeto ĉe Balta Maro
24. Monato, Renée Triolle: 500 ĉefverkoj en Monako
25. Monato, Carlo Minnaja: Resume de l' mio
26. Monato, Petro Desmet': La unua Zamenhof-monumento de la 21a jarcento: dika Pomego!
27. Monato, Petro Desmet': La unua Zamenhof-monumento de la 21a jarcento: dika Pomego!
28. Monato, Carlo Minnaja: Nuntempo en antikva vesto
29. Vikipedio, Kaiserswerth
30. Hasegawa T.: En Ĉinio Batalanta, 1954
31. L. L. Zamenhof: Fundamento de Esperanto, Universala Vortaro, son'serpent'
32. Vikipedio, Muta sonserpento


ℛevo | datumprotekto | serpen.xml | redakti... | traduki... | artikolversio: 1.32 2018/06/09 17:10:17