^*konsum/i ^UV

(tr)

Iom post iom detrui, forprenante partetojn:

a)

Detrui iom post iom la substancon de io; malrapide kaj grade neniigi, perdigi: fajro […] konsumis la bruloferon [1]; ĉiujn siajn tagojn li konsumis en mallumo, […] malsano kaj malagrablaĵoj! [2]; mi konsumas la tempon de via sankteco per mia malsaĝa babilado [3]; mi konsumos (for konsumos) mian koleron sur ili [4]. elĉerpi, elspezi

b)

Iom post iom detrui ion, prenante el substanco por sinnutrado aŭ por persona uzado: konsumi kandelon, viandon, panon; li konsumis la tutan provizon [5]; ĉio jam estas konsumita, ni havas ankoraŭ duonon da panbulo [6]; sencele kaj vane mi konsumis mian forton [7]; konsumi sian antaŭan grason (vivi el ŝparitaĵoj) ^PrV ; konsumi sian grenon antaŭ ĝia maturiĝo ^PrV . elsuĉi, formanĝi, foruzi

c)

Pereigi iun iom post iom per malrapida kaj konstanta senfortigado: malsato konsumos lian forton [8]; nesatigebla soifo ŝin konsumis [9]; dum la tago min konsumis la varmego, kaj dum la nokto la malvarmo [10]; ni ne konsumu niajn korojn per vanaj afliktiĝoj ^Marta ; nigra melankolio […] ŝin malrapide konsumos, kaj iom post iom ŝin ĉiutage mortigos [11]. lacigi

1.

Ago konsumi; la rezulto de tiu ago: ŝi kontraŭbatalis ĝis la konsumo de siaj fortoj [12]; la plaĉa konsumo de l’ resto de l’ pikniko tagmeza kunformis etoson aparte taŭgan por konfidencoj [13]; tro-konsumo de tempo kaj energio estas vere nekompensebla perdego [14].

2.

Foruzo de rimedoj kaj servoj, mezurita laŭ kvanto aŭ spezo: stimuli la enlandan konsumon [15]; la konsumo de alkoholo, tabako [16]; la energiprezoj restos je alta nivelo kaj […] nur per drastaj ŝparoj en la konsumo oni povos ekvilibrigi postuladon kaj proponadon [17].

Io, kion oni konsumas: ili komencas malavare aĉeti […] luksajn konsumaĵojn [18]; pasintjare la totala vendosumo de sociaj konsumaĵoj en Ŝanhajo estis 159 miliardoj da juanoj [19]; [ili] adicias ĉion, kio dum la produktado […] estas konsumita: la bazajn materialojn (metalo), la kromajn konsumaĵojn dum la produktado (akvo, pakumo, transporto) [20]. materialo¹, bezonaĵo, produkto¹, uzaĵo

Tiu, kiu konsumas vivrimedojn: ju pli estas da havo, des pli multaj estas ĝiaj konsumantoj [21]; la apartaj konsumantoj devas iom post iom alkutimiĝi al novaj rimedoj [22]; Asocio de Konsumantoj kaj Impostpagantoj [23]; la specialaj bierspecoj ĝuas restariĝon sub influo de la pli kritikema konsumanto [24].

1.

Iom post iom perdiĝi, neniiĝi: konsumiĝis la akvo de la felsako [25]; la faruno en la vazo ne konsumiĝis [26]; la provizo konsumiĝis [27]; viaj vestoj konsumiĝas de tineoj [28].

2.

Iom post iom perdi siajn fortojn: konsumiĝi per malsano, de malĝojo, en vana serĉado, en duboj; Abraham konsumiĝis kaj mortis en bona maljuneco [29]; miaj fortoj malaperis, mia korpo konsumiĝis [30]; mia animo konsumiĝis de sopiro [31]. kadukiĝi, velki

Stato de socio, en kiu objektoj abundas kaj estas grandkvante kaj rapide konsumataj: la manekeno funkcias kiel instrumento de konsumismo kiu vendas [32]; la nuna meza generacio konis nenion alian ol bonfarton kun senproblema konsumismo [33]; kiam Nando eksentis, ke ekster ĉi konsumisma socio eble estas io alia, li forlasis ĉion kaj pedale ekvojaĝis [34].

(tr)

Ĝis plena neniigo konsumi: fajro […] forkonsumis ĝiajn fruktojn [35]; inferaj turmentoj […] min forkonsumas [36]; la laboristinoj perdas la sanon super la maŝinoj, kiuj […] forkonsumas la fortojn ^Marta ; la homoj estas forkonsumataj de pli da envio, da zorgoj [37]; li ege kompatis niajn riĉulojn, kiujn […] ni devigas forkonsumi la propraĵon de aliuloj [38].