1marĝen/o PV

marĝeno

1.
TIP La malplena parto de paĝo1 ĉirkaŭ la teksto: mi daŭrigas la kutimon en la ekstera marĝeno de ĉiu paĝo indiki la lokon kie komenciĝas ĉiu Stephanus-paĝo per ĝia tradicia numero Rsp ; li […] substrekis frazojn kaj faris notojn en la marĝenoj [1]; la libro […] povus esti pli bona: tro mallarĝaj marĝenoj, tiparoj kaj […] tro granda formato [2].
2.
(figure) Regiono (ankaŭ figurasence) apudranda, ĉelima: Irlando estis malriĉa, postrestanta, izolita lando ĉe la marĝeno de Eŭropo [3]; Albanoj fariĝis do popolo koloniita, ekzistanta kvazaŭ en geto ĉe la marĝenoj de ekonomiaj kaj financaj procezoj [4]. SIN:periferio1VD:limo1, provinco2, rando1
3.
(figure) SCIEKON La nefiksita, libera interspaco limigita unuflanke de la jam fiksitaj donitaĵoj kaj aliflanke la ne eksterebla: la investo-kapitalo […] aĉetas sud-afrikajn akciojn, […] por kreskigi marĝenojn kaj profitojn [5]; la produktado rapide kreskas, same kiel la konsumado, kies kreskomarĝeno estas konsiderinda [6]; la sistemo tre bone povas funkcii allasante pli malpli vastan nedifinitan marĝenon BonaLingvo ; mare, la ĉinaj agmarĝenoj ŝajnas esti malgrandaj [7].
Rim.: Franclingvaj aŭtoroj uzas la vorton tiusence ankaŭ ekster scienco kaj komerco kiel montras la lastaj ĉi-supraj ekzemploj. En internacia komunikado mi rekomendas vortumi tion pli klare per „libero“, "spaco" aŭ „ebloj“. [Wolfram Diestel]
SUB:erarmarĝeno, profitmarĝenoVD:bordo, intervalo2, spano
1. Monato, Edward Kusters: Alfred Nobel: nobelo inter la sciencistoj kaj lingvistoj, 2006
2. Monato, Libroj ― UEA en la sepdekaj jaroj
3. Monato, Garbhan Macaoidh: Babel-insulo, 2003
4. Monato, Interetnaj Rilatoj ― Vivi ĉe la marĝenoj
5. Diversaj aŭtoroj: Le Monde diplomatique en Esperanto 2014-2016, Impresa bankroto de la kvina plej grava banko de la lando
6. Diversaj aŭtoroj: Le Monde diplomatique en Esperanto 2014-2016, Plia aganto en la tutmondiĝo de vino ― Transformi la ĉinan dezerton en vitejon
7. Diversaj aŭtoroj: Le Monde diplomatique en Esperanto 2014-2016, Liberkomerco en Pacifiko ― Usono esperas ĉirkaudigi la ĉinan influon
angle:
 margin
beloruse:
 поле (старонкі)
france:
 marge
germane:
 Rand 1. Seitenrand 2. Peripherie 3. Spielraum
hispane:
 margen
hungare:
 margó, lapszél
katalune:
 marge
nederlande:
 marge
pole:
 margines
portugale:
 margem (de livro)
rumane:
 margine
ruse:
 поле (страницы)
ukraine:
 поле, мн. береги (сторінки), марзан, край, тераса, запас (часу і т.п.)

marĝena

(figure) Ne grava, ne ĉefa: aliaj etnaj lingvoj ludas ege marĝenan rolon [8]; Esperanto […] ankoraŭ ne estas pli ol marĝene uzata tra la mondo [9]; kompare kun veraj viktimoj mi estas nur marĝena suferanto [10]; [la] rezultoj estas marĝenaj kaj nekontentigaj [11]; 2013 montriĝos (nur) marĝena kresko kompare al la antaŭa jaro [12].
beloruse:
 маргінальны, нязначны
germane:
 marginal
ukraine:
 написаний на полях/берегах, зроблений на полях/берегах

marĝenulo

(figure) POL Tiu, kiu vivas ekster la kutima sinteno kaj moro, marĝene de la ordinara socio aŭ vidpunkto, subgrunde: la Fratoj de la Karitato klopodas plibonigi la vivkondiĉojn de ĉiaj handikapitoj kaj marĝenuloj [13]; la parizaj estroj plejparte estis anarĥiistoj k.a. politikaj marĝenuloj, kio ne faris SAT alloga [14]; eblas nomi kontraŭkulturo tiun aron de praktikoj ligitaj al diversaj marĝenuloj – malriĉuloj, enmigrintoj, bohemianoj, timuloj, ribeluloj kaj artistoj [15]. SUB:hipio, hipstero, punkulo, trampo, vagabondoVD:kontraŭsociulo
beloruse:
 маргінал, аўтсайдар
france:
 marginal (subst.)
germane:
 Außenseiter, Aussteiger
pole:
 ekscentryk
rumane:
 excentric
ukraine:
 марґінал, людина, що живе поза суспільством

erarmarĝeno

SCI Intervalo ĉirkaŭ mezurita valoro, en kiu la reala valoro povus troviĝi konsiderante la erareblecon de la aplikita mezurmetodo: je kioma horo li mortis? ― […] je noktomezo, kun unuhora erarmarĝeno ambaŭflanke ChC ; ĉina ekspedicio […] konkludis […], ke la […] alto nun estus 8 844,43 m, kun erarmarĝeno de 21 cm [16]. VD:biaso, devio, diverĝo, varianco
angle:
 bias
germane:
 Abweichung, Fehlerbereich

krommarĝeno

TIP En tekstaranĝo, ŝovo de la linikomencoj enen en la tekston (dekstren en aldekstra skribo): marki la citaĵojn per krommarĝeno; la maldekstra eĝo de la alineo havas krommarĝenon [17]; negativa krommarĝeno [18].
angle:
 indentation
france:
 indentation
germane:
 Einrückung
katalune:
 sagnat
nederlande:
 insprong
pole:
 odstęp (druk)
portugale:
 entrada (texto recuado), recolhido (texto recuado), recuo (texto recuado)
rumane:
 spațiu (tipărire)
ruse:
 втяжка (текста)
ukraine:
 абзац

profitmarĝeno

EKON La diferenco inter la prezo je kiu oni ion akiras kaj la efektiva vendoprezo: la aĉetitaj varoj estas revendataj kun profitmarĝeno celanta repagi la kromkostojn kaj la laborpagon de la komercisto [19]; la malneta profitmarĝeno de loĝdoma projekto en Ĉinio jam atingas 20 ĝis 30 % […], en Parizo, Sidnejo kaj Honkongo la profitmarĝeno estas nur 4 ĝis 5 % [20]. VD:plivaloro1, profito1
beloruse:
 маржа, норма прыбытку
germane:
 Gewinnmarge, Gewinnspanne

administraj notoj