2substanc/o [1]

substanco   Vikipedio

1.  
Ĉiu aparta speco de materio: vulkanismo estas ĉiu fenomeno, rezulte de kiu solidaj, likvaj aŭ gasaj substancoj atingas la tersupraĵon [2]; kaŭzo estis manko de reaktiviga substanco (hipoklorido) uzenda por neŭtrigi la cianidenhavan industrian poluakvon [3]; ni scias, ke en industrio kaj aŭtomobiloj uzataj substancoj venenas la teron [4]; vermoj, kiuj trafosas la legomajn defalaĵojn kaj ŝanĝas ilin en fekundigan substancon [5]; proteinoj estas gravaj, ĉar ili konsistigas la korpon: la keratinon de la haŭto kaj ungoj, la osteinon de la ostoj, […] la gelatenecan substancon en la ĉeloj, ktp [6].
2.
FIL Tio, kio ekzistas per si mem kaj estas kialigita de si mem: KRI obskuraj disputoj de mezepokaj teologoj pri la sankta triunuo aŭ la transsubstancigo (transformiĝo de vino kaj pano al sango kaj korpo de Jesuo) [7].
3.  
FIL Daŭra realaĵo konceptata kiel subportanta kaj unuiganta la ŝanĝiĝantajn fenomenojn percepteblajn per la sentumoj kaj kiel manifestiĝanta per ili: mi ne pretendas, ke nur sonsubstancoj la kvintesencon donas de l' amuz' [8]. VD:esenco 1
beloruse:
субстанцыя 1. рэчыва
ĉeĥe:
látka, podstata, substance
france:
substance
germane:
Substanz, Stoff (Substanz)
hungare:
1. anyag 2. szubsztancia, magánvaló 3. szubsztancia, lényeg
nederlande:
substantie, stof (substantie)
ruse:
1. вещество 2. субстанция 3. субстанция
slovake:
látka, podstata, substancia

samsubstanca  

El la sama substanco; homogena: mi nur malfacile kredas, ke plutonian plataĵon oni povus ŝanĝi al samsubstanca stango tiel rapide kaj facile [9]; KRI la samsubstanceco de la tri Personoj (vd Triunuo) [10].
9. D. Harlow: La mondo ne sufiĉas, [vidita en 2016]
10. Vikipedio, Kristana teologio
france:
de même substance, homogène
germane:
aus dem gleichen Stoff

blanka substanco  

FIZL Parto de cerbo aŭ mjelo farita precipe el interneŭronaj ligoj, kontraste al griza substanco: en la blanka substanco ankaŭ situas grupiĝoj de neŭronoj nomataj „nukleoj“ [11]; oni trovis malpli elvolviĝintan blankan substancon en la maldekstra cerbohemisfero proporcie kun la kvanto de aermalpuraĵoj ensorbitaj de la patrinoj [12].
ĉeĥe:
bílá hmota mozková
france:
matière blanche, substance blanche
germane:
weiße Substanz
slovake:
biela mozgová hmota

griza substanco  

FIZL Parto de cerbo aŭ mjelo enhavanta plian denson de neŭronaj kernoj ol blanka substanco: kiel povas esti eble ke konsciaj travivaĵoj ekestus for el bulo de griza substanco dotita kun nenio sed elektrokemiaj trajtoj [13]; la al la muskoloj kondukiĝantaj motoraj aksonoj estas partoj de la motoneŭronoj, ties ĉelkorpoj situas en la griza substanco de la mjelo [14].
ĉeĥe:
šedá hmota
france:
matière grise, substance grise
germane:
graue Substanz, graue (Zellen)
slovake:
šedá hmota
1. La Nova Testamento, Hebreoj 1:3

administraj notoj