*verk/i PV

*verki

(tr)
Produkti per spirita laboro artaĵon aŭ sciencaĵon: ĉio alia, kion mi verkis aŭ verkos […] estas nur verkoj privataj [1]; verki multajn librojn [2]; [li] estis saĝulo, […] li ĉion pesis, esploris, kaj verkis multe da sentencoj [3]; verki poeziaĵojn, tragedion [4]; mi pagos la vojaĝon, kaj vi poste verkos priskribon de la vojaĝo [5]; oni ne povas legi la unuajn partojn (de la romano), ĉar ili estas verkitaj en lingvo, kiun ni ne lernis [6]; ŝi […] kantis la ĉarman versaĵon, kiun ŝi mem verkis [7]; la verkinto de niaj plej belaj popolaj kantoj [8]; li verkadis ĉiujare malgrandan traktaton pri la strigo [9]; Via imperiestra moŝto tute ne povas prezenti al si, kiaj diversaj mensogoj estas verkataj [10]. VD:aŭtori, ellabori, komponi, krei
angle:
compose
beloruse:
тварыць, укладаць, складаць, пісаць (нейкі твор)
ĉeĥe:
psát, spisovat, tvořit lit. dílo
france:
composer, écrire (une oeuvre)
germane:
schaffen, schöpfen, schreiben, verfassen
hispane:
componer, escribir (una obra)
hungare:
ír (művet), alkot
itale:
comporre (un'opera letteraria), scrivere (un'opera letteraria)
nederlande:
schrijven (v.e. boek), scheppen (v.e. kunstwerk), componeren
portugale:
compor
ruse:
сочинять
slovake:
vytvoriť, zložiť
slovene:
pesniti, pisateljevati, ustvarjati
svede:
författa, skriva, komponera

*verko

1.
Arta aŭ scienca produkto de la spirito: la manuskripto de lia tuta verko estas finita PrV ; mia patro mortis, kiam nur duono de lia verko estis eldonita PrV ; mi tre volonte legas antikvajn utilajn verkojn, sed mi estas ankaŭ amanto de la novaj verkoj, nur ne de la ordinaraj historioj [11]; koniĝas majstro laŭ sia verko PrV ; la fino kronas la verkon PrV ; vi venis kaj instruis al la skulptisto, ke lia verko estas nur argilo, nur polvo [12]; majstroverko [13]. VD:juvelo, perlo, trezoro
2.
(figure) Rezulto de agado: la atako kontraŭ la temploj […] tio estas la verko de Fenicianoj [14]; kelkdeko da tagoj sufiĉis, por ke la popolo forgesu, ke ĉiuj verkoj de Herhor estis nur plenumo de la intencoj de la juna […] faraono [15]; bela kaj majesta estas Lia verko (dia kreo), kaj Lia justeco restas eterne [16].
beloruse:
твор
ĉeĥe:
dílo, konání, kus, skladba, spis, verk (hovor.), výtvor
france:
œuvre, ouvrage
germane:
Werk 1. Schöpfung, Opus
hispane:
obra (literaria, musical)
hungare:
majstro~o: mestermű 1. mű, alkotás, írásmű 2.
itale:
opera
nederlande:
1. kunstwerk, werk, opus 2. werk
portugale:
obra, trabalho
ruse:
1. произведение, сочинение, труд 2. дело (чьих-то рук)
slovake:
dielo, skladba, spis, výtvor
svede:
verk

verkaro

1.
Tuto da verkoj de koncerna aŭtoro: Cicerono finis sian tutan verkaron pri retoriko per la konkludo, ke vere perfekta oratoro devas samtempe esti perfekta homo Ret ; Racine uzis en ĉiuj siaj verkoj nur 6 000 vortojn, dum la verkaro de Victor Hugo estis skribita, laŭ kelkaj, per 20 000 vortoj Ret ; el ĉi tiu nigra listo oni povas ekscii, kies verkaro estis malpermesita en la tiama Germanio [17].
2.
TIP Kolekto da verkoj de koncerna aŭtoro, en formo de libro aŭ de libroserio: ĉio troviĝas en „Originala Verkaro“, 1929 EeP ; biografio de Zamenhof verkita de s-ro Ito Kanzi surbaze de lia Plena Verkaro de Zamenhof [18].
17. Monato, Grigorij Arosev: „Mi ja aŭdas la muzikon!“
18. La Ondo de Esperanto, Japanio plu aktivas eldone
beloruse:
збор твораў
ĉeĥe:
literární dílo, sebrané spisy
france:
œuvres complètes
germane:
2. Werkausgabe
hispane:
obras completas
hungare:
(vki) művei
itale:
opera completa, bibliografia (insieme delle opere)
ruse:
1. труды (научные и т.п.), творчество (произведения), творческое наследие 2. собрание сочинений
slovake:
súhrn diel, zobrané diela

verkilo

KOMP Tekstotraktilo disponiganta rimedojn por oportuna verkado de diversaj tekstoj, i.a. tekstan redaktilon, literumilon, aŭtomatan kompiladon de indekso, enhavtabelo, diversaj referencaroj ktp.: iPhone 3G […] posedas iun bazan tekstoverkilon [19]; plimulto da modernaj literumiloj […] uzataj en la modernaj verkiloj uzas por Esperanto adaptaĵojn de […] Ispell [20].
19. Monato, Paŭl Peeraerts: Inteligenta poŝamiko, 2008
20. Vikipedio, Ispell
angle:
word processor
ĉeĥe:
textový procesor
france:
traitement de texte
germane:
Textverarbeitungsprogramm
hispane:
procesador de textos
hungare:
szövegszerkesztő
itale:
word processor
nederlande:
tekstverwerker
ruse:
система подготовки текстов, текстовый процессор
slovake:
textový procesor
svede:
ordbehandlare

*verkisto

Homo profesie verkanta; aŭtoro: verkisto verkas librojn [21]; kantverkisto [22]; franca tragediverkisto [23]; ĝi estas verŝajne fabelo de la libroverkistoj [24]; la granda verkisto kaj filozofo Leono Tolstoj […] diris pri la lingvo Esperanto jenon […] EE ; Adamo Rudzinski estis verkisto, kiu preskaŭ ekskluzive dediĉis sin al esplorado de demandoj sociaj Marta ; la malnobla satira verkisto de tiu ĉi libro diras, ke maljunaj homoj havas grizajn barbojn Hamlet .
beloruse:
пісьменьнік, аўтар
ĉeĥe:
spisovatel
france:
artiste, compositeur, écrivain
germane:
Schriftsteller, Künstler
hispane:
artista, compositor, escritor
hungare:
szerző, alkotó, író
itale:
artista, autore, compositore, scrittore
nederlande:
schrijver, componist, kunstenaar
portugale:
compositor
ruse:
писатель, автор, сочинитель
slovake:
autor, literát, spisovateľ
svede:
författare, kompositör

ĉefverko

BELA Grava verko en iu arto, stilo, lando aŭ de iu homo: grava ĉefverko, kiun ĉiu Esperantisto devos posedi FK ; montri al alinacianoj, kiel belaj estas la ĉefverkoj de nia landa kulturo [25]; la ĉefverko de Bram Stoker, kaj la plej populara, estis Dracula [26]; en 1896 aperis en la germana lingvo lia ĉefverko Der Judenstaat (La juda ŝtato), rigardata kiel la fundamento de politika cionismo [27]; Cherpillod liveras al la franclingva esperantistaro gramatikan ĉefverkon, similan al la famaj PMEG kaj PAG [28].
beloruse:
галоўны твор, цэнтральны твор
france:
chef d'œuvre
germane:
Hauptwerk
hispane:
obra maestra
itale:
capolavoro

referencverko

TIP Verko kolektanta kaj sisteme prezentanta sciaĵojn pri iu temo, kun mencio de informfontoj; aŭ verko ofte uzata kiel referenco pri tiu temo: plej klaraj ekzemploj de hiperteksta konstruo estas referencverkoj [29]; Brockhaus Enzyklopädie, la plej bone konata tradicia referencverko en German-parolantaj landoj [30]; Plena Manlibro de Esperanta Gramatiko [estas] nuntempe la ĉefa kaj plej kompleta referencverko pri la gramatiko de Esperanto [31]. VD:enciklopedio, kompendio
ĉeĥe:
referenční dílo
france:
ouvrage de référence
germane:
Referenz(werk)
hispane:
obra de referencia
slovake:
referenčné dielo

administraj notoj