tradukoj: bg de en es fr hu pl pt ru

^*desegn/i [1]

^*desegni

1.

Imiti per krajonaj, plumaj aŭ penikaj strekoj la formon, sed ne la koloron de io; aperigi la konturojn de io: prenu al vi brikon kaj kuŝigu ĝin antaŭ vi, kaj desegnu sur ĝi urbon, nome Jerusalemon [2]; jen estas la surskribo, kiu estas desegnita: mene, mene, tekel, ufarsin [3]; enskribu la vizion, kaj desegnu (la literojn) bone sur la tabeloj, por ke leganto povu facile tralegi [4]; kiam la hundo vidis, ke sur la pordo ... estas desegnita kruco, ĝi ankaŭ prenis pecon de kreto kaj faris krucojn sur ĉiuj pordoj en la tuta urbo [5]; la viro elprenis el la poŝo libron kun blankaj folioj, prenis sian krajonon, ĉar li estis pentristo, kaj desegnis la fumiĝantajn trabojn [6]. linio, siluetobildigi, figuri, konturi, pentri, skizi, streki, tiri

2.

Fari teĥnikan planon, ekzemple de io konstruota: desegni hospitalon, aviadilon[7]; li mem ne faris ĉion, ... li nur desegnis la planon [8]; (figure) dum Li desegnis limojn sur la supraĵo de la abismo, ... tiam mi estis ĉe Li kiel konstruanto [9]. plani, projekti.

3.

(figure) Montri, priskribi la ĉefajn trajtojn de io, la distingilojn de io: li ne estas tiel terura kiel oni lin desegnas^B; li mallonge desegnis la ĉefajn liniojn de sia projekto. figuri, priskribi, skizi.

desegno

1.

desegnado mirinda facileco de desegno^Z.

2.

desegnaĵo la koloroj kaj desegnoj de tiu ĉi ŝtofo estas eksterordinare belaj [10]; grandaj, flordesegnaj tapiŝoj pendis de oraj festonoj sur la muroj (tapiŝoj kun floraj desegnaĵoj) [11]; la reĝo Aĥaz sendis al la pastro Urija la bildon de la altaro kaj la desegnon de ĝia tuta konstruo [12]; [David donis al sia filo] la desegnon de ĉio, kion li havis en sia animo koncerne la kortojn de la domo de la Eternulo [13].

desegnado

Ago desegni: iloj por desegnado^Z.

desegnaĵo

Desegnita bildo: skribado per hieroglifaj desegnaĵoj [14]; la desegnaĵoj de Rembrandt[15]; la planko de la halo estis pavimita per lerte kunmetitaj platoj kun desegnaĵoj, jen geometriaj, jen arabeskaj [16]; ĉiu plej malgranda objekto kaj vazo estis ornamita per skulptaĵo aŭ kolora desegnaĵo [17]; desegnaĵo laŭ la ekstera vido, laŭ la la sekcaĵo [18].

desegniĝi

1.

Esti desegnita.

2.

Montri siajn konturojn: la muro de la libiaj montoj desegniĝis ne tre klare [19]; [dum la ŝipo iom proksimiĝis] la figuroj de l' amaso desegniĝis pli klare [20];

desegnisto

Tiu, kiu profesie desegnas.

ŝablondesegni

Desegni sur io travidebla, sekvante per la krajono la liniojn montritajn de submetita ŝablono: ŝablondesegni bluzon, jupon [21].