tradukoj: be cs de en es fr hu nl pt ru sk sv

^*kre/i ^PV

^*krei  ↝

Estigi, fari ion novan: vortoj kunmetitaj estas kreataj per simpla kunligado de vortoj [1]; okazo kreas ŝteliston ^PrV; la sportaj konkursoj kreas ĵaluzon kaj malamon.

a)

Verki, ellabori ion, kio antaŭe ne ekzistis aŭ kio estas tute novspeca; fondi: krei establejon, financan asocion, akademion, ŝiparon, impostojn, oficon, rolon (ĝin ludi la unua), modon; Ajskilo kreis la tragedion; krei novan stilon, teknikon. aranĝi, establi, instali, organizi, starigi

b)

(pri Dio) Fari ion el nenio: en la komenco Dio kreis la ĉielon kaj la teron [2]; riĉulo kaj malriĉulo, ilin ambaŭ kreis Dio^Z; la kreo de la tero^Z; ofendi sian kreinton^Z; Dio prizorgas ĉiujn siajn kreitojn.

naski, veki

kreo

Estigo, elfarado: venki ĉiujn barojn por la kreo kaj enkonduko en uzadon de racia lingvo internacia [3]; tiam sonis ĉiuj valsoj, polkoj kaj mazurkoj, kiujn oni iam konis depost la kreo de la mondo [4].

kreaĵo  ↝

Io, kion iu kreis: la kreaĵo de Zamenhof estas nun mirinda lingvo [5]; la dioj ne rigardas tian kreaĵon, kiu havas manojn nur por la laboro, buŝon nur por la ploro, kaj dorson por la bastonoj [6]. neniu kreaĵo estas por mi tiel abomena, kiel araneo^Z.

kreemo

Impulso kaj kapablo por krei: la malnova lernejo havigas nur unuflankan kleron; ĝi precipe formas, disvolvas memoron kaj intelekton; ĝi malzorgas pri la produktemo, kreemo de l' infano [7].

kreiĝi

Estiĝi, komenciĝi, aperi: brilantaj perspektivoj kreiĝis antaŭ ŝiaj okuloj ^Marta; tiam kreiĝis kondiĉoj por plilarĝiĝo de la homaj grupiĝoj.

kreismo

Laŭvorta kompreno de la religiaj, precipe bibliaj rakontoj pri komenciĝo de la mondo: mi aŭdis ke en Usono en multaj lernejoj oni instruas kreismon [8].

kreito  ↝

Kreita vivulo.

kreitaĵo  ↝

kreaĵo homo, la reĝo de la kreitaĵaro; la konstruo de tiuj ĉi bestoj kaj maraj kreskaĵoj estas konformigita al la grandega pezo de la akvo, kiun tiuj ĉi kreitaĵoj devas porti sur si [9].