tradukoj: be bg de en es fr hu it nl pl pt ru

^*¹⁷ide/o

ideo

: Abstrakta koncepto de la spirito pri objektoj aŭ ecoj; pensaĵo, komprenaĵo: havi nenian ideon pri la muziko, pri justo kaj maljusto; vera, falsa, ĝusta, klara, malklara ideo; per asociado de la ideoj; ideoĉeno (ideasocio); riĉaĵoj tiel grandegaj, ke ne eble estas havi ideon pri ili [1]; ĉiuj tiuj ideoj dancas, valsas en mia cerbo; venis al mi en la kapon la ideo, ke...; bona ideo venas post la pereo [2]; la ideo pri arbo, Dio, lingvo internacia; ni ne scias, el kia lingvo Zamenhof prenis la ideon de la nedifina prepozicio je; entuziasmiĝi, batali, morti por ideo; la doktrino de Platono pri la ideoj. bazo, esenco, fundo, fundamento, idealo, imago, kerno, koncepto

idea

: Imaga; ekzistanta nur en la spirito, sed ne en la realo: la idea mondo; idea riĉeco. aera, ĥimera, subjektiva, vana

idearo

: Sistemo de ideoj de homo aŭ de homgrupo: la plej terura idearo ligita kun la Fina Venko estas agado por la Tria Mondo [3]; peco da pano estas pli valora ol grandaj idearoj [4]. doktrino

ideismo

: Filozofia sistemo, laŭ kiu la principo de la mondo estas ideoj: laŭ objektiva ideismo, kiel tiu de Hegel, materio ja ekzistas, sed estas aventuro de iu absoluta ideo; laŭ subjektiva ideismo, aŭ solipsismo, la mondo estas revo de individua subjekto. materiismo

ideisto

: Adepto de sistemo ideisma.

samideano

1.: Tiu, kiu havas komunan ideon, komunan celon kun aliaj.
2.: Afabla ĝentiltitolo uzata inter esperantistoj, konsiderataj kiel kunlaborantoj pro la Interna Ideo: la esperantistoj sin salutas ordinare per la vorto „samideano“; estimata samideano (formulo komence de letero); samideane via (formulo fine de letero).

tradukoj

anglaj

belorusaj

~o: ідэя, думка; ~a: ідэйны; ~ismo: ідэалізм (філяз.); ~isto: ідэаліст (філяз.); sam~ano: аднадумец, аднадумца, аднамысьнік.

bulgaraj

francaj

~o: idée; ~a: idéal; ~aro: idéologie; ~ismo: idéalisme; ~isto: idéaliste; sam~ano: partisan.

germanaj

~o: Ahnung, Vorstellung, Idee; ~a: ideell; sam~ano: Gleichgesinnter.

hispanaj

~o: idea; ~a: ideal (relativo a la idea); ~aro: ideario, ideología; ~ismo: idealismo; ~isto: idealista.

hungaraj

~o: eszme, ötlet, idea; ~a: eszmei; ~ismo: idealizmus; ~isto: idealista; sam~ano: eszmetárs.

italaj

~o: idea; ~a: ideale (agg.); ~aro: ideologia; ~ismo: idealismo (fil.); ~isto: idealista (fil.); sam~ano 2.: samideano.

nederlandaj

~o: idee; ~a: denkbeeldig; ~ismo: idealisme; ~isto: idealist.

polaj

~o: idea, pojęcie, myśl; ~a: imaginacyjny, wymyślony (utworzony w wyobraźni); ~aro: ideały, ideologia; ~ismo: idealizm (filozoficzny); ~isto: idealista (wyznawca idealizmu); sam~ano: współideowiec (tutuł używany między esperantystami) .

portugalaj

~o: idéia; ~a: ideal (relativo a idéia; adj.); sam~ano 1.: co-idealista, correligionário; sam~ano 2.: samideano.

rusaj

~o: идея, мысль; ~a: идейный; ~ismo: идеализм (филос.); ~isto: идеалист (филос.); sam~ano: единомышленник . objektiva ~ismo: объективный идеализм; subjektiva ~ismo: субъективный идеализм.

fontoj

1. B. Prus, trad. Kazimierz Bein: La Faraono, vol. 3, ĉapitro 7a
2. L. L. Zamenhof: C. Rogister ed.: Proverbaro esperanta
3. W. Zelazny: Pri la rilatoj inter inteligencio kaj plebo, La Ondo de Esperanto, 200:03 (65)
4. Stellan Engholm: Al Torento, 1930

administraj notoj

pri ~o:

    Necesas apartigi la du sencojn „imago“ kaj 
    „ekpenso“.
    [Wolfram Diestel]

pri ~ismo:

    La vorto "solipsismo" aperanta en ekz mankas en Revo.
    [MB]

pri ide/o :

  Aldonendas drv pri la Interna Ideo.
  [Sergio]

[^Revo] [ide.xml] [redakti...] [artikolversio: 1.25 2012/02/10 09:10:09 ]