tradukoj: de en es fr hu pl ru sk

¹baz/o

bazo

1.

Malsupra subportanta parto de objekto: bazo de turo, de vazo, de statuo, de monto, de triangulo, de vegetaĵo; arĝentajn bazojn li faris sub la dudek tabuloj [1]; el malnova bazo novaj plantidoj kreskas^Z. fondo, fundo, fundamento, grundo, piedestalo, soklo.

2.

(figure) Esenca, fundamenta principo: bazo de teorio; la justeco estas la bazo de socio; volo, laboro, obstino estas la bazoj de sukceso. esenco, fundo, fundamento, kerno, kvintesenco

3.

Substanco, kiu naskas salon per kombiniĝado kun acido.

4.

a)

[2] (de pozicia nombrosistemo) Nombro de eblaj valoroj por ĉiu cifero, uzata en prezentado de nombro: la bazo de nia kutima nombrosistemo estas 10 (la ciferoj alprenas unu el la dek valoroj de 0 ĝis 9); la komputikistoj uzas la nombrosistemojn kun la bazoj 2, 8, 16 (duuman, okuman kaj deksesuman nombrosistemojn). -um.

b)

[3] (de logaritmo aŭ eksponencialo) La nombro, kies logaritmo egalas 1, aŭ la bildo de 1 per eksponencialo: la nombro e, bazo de naturaj logaritmoj [4]. -um.

c)

[5] (de geometria figuro) Konvencie elektita latero aŭ faco, kiu limas la figuron; la longo de tia latero aŭ la areo de tia faco: bazo de triangulo, piramido, cilindro, konuso; bazoj de prismo (ĉiu el ĝiaj du paralelaj kaj samareaj facoj); areo de paralelogramo egalas al la produto de unu ĝia bazo per la responda alto.

d)

[6] (de modulo aŭ vektora spaco) Libera subaro, kiu naskas la tutan spacon: se vektora spaco havas finian bazon, ĉiuj ĝiaj bazoj havas samtiom da elementoj; se naskanta subaro N de vektora spaco inkluzivas liberan subaron L, ekzistas bazo inkluzivanta L kaj inkluzivata de N; bazvektoro (ĉiu elemento de la bazo).
Rim.: Kelkaj aŭtoroj preferas difini bazon kiel familion. Tio fontas el la fakto, ke por kelkaj aplikoj estas oportune uzi indican skribaĵon de la tipo ∑ α_i∙e_i kaj tio ebligas ordigi la bazvektorojn. dimensio, orta, ununorma.

e)

(de topologio T) Tia subaro de T, ke ĉiu elemento de T estas kunaĵo de elementoj el la bazo: en metrika spaco, la aro de ĉiuj globoj estas bazo.

bazi, surbazigi

Apogi sur, fundamenti sur, doni kiel bazon al io: bazi konstruon sur la roko; bazi sian opinion, rifuzon sur iu^Z; sin bazi sur la kutimo; por ili la tuta vivo estas bazita sur la mona profito [7]; tiu regulo estas bazita sur praktikaj konsideroj.

baziĝi

Havi kiel bazon: la turo baziĝas sur dika masonaĵo; nia metodo baziĝas sur la praktiko.

senbaza

Al kiu mankas bazo: senbazaj teorioj, pretendoj. aera, nepravigita, neserioza

surbaze de

Laŭ, uzante kiel bazon, kiel modelon: surbaze de tiu ĉi dokumento, oni povus ... elverki specifajn planojn [8].

duala bazo

(de bazo (e_i) de vektora spaco E) Tia bazo (eⁱ) de la dualo de E, ke eⁱ(e_j) egalas al 1, se i = j, kaj al 0 aliokaze.

kanona bazo

(de vektora spaco Kⁿ) Bazo konsistanta el la opoj, kies ĉiuj termoj egalas al la nulo de K, krom unu, kiu egalas al ĝia unuo: la p-a komponanto de vektoro laŭ la kanona bazo egalas al ĝia p-a termo.

         Mi ne trovis fonton por "~o de topologio",
         sed sxajnas, ke gxi estas suficxe internacia. [MB]
       

     Fonto trovenda. [MB]
   

     Fonto trovenda. [MB]