*prov/i

*provi

(tr)
1.
Apliki objekton al ĝia destino, por kontroli, ĉu ĝi taŭgas, ĉu ĝi plaĉas: provi instrumenton, maŝinon, ponton, ĉapelon, medikamenton sur malsanulo; (manĝaĵon kaj similajn) provi vinon PV ; la pli aĝa iris […] kun la ŝuo por provi ĝin […], sed bedaŭrinde la granda piedfingro ne eniris, la ŝuo estis tro malgranda por ŝi [1]; ŝi prenis la anasidon prove por la daŭro de tri semajnoj, sed ovoj ne aperis [2]; nepre provu iom da „sampa“: ĝi estas bongustega, nuksgusta kaj nutroriĉa [3]; siatempe mi ankaŭ iafoje provis cigaron [4]. VD:eksperimenti, gustumi, sperti, uzi
2.
Elmeti al pritaksado de la valoro:
a)
(malofte) Elmeti substancon al eksperimento, por kontroli ĝian valoron: provi arĝenton, oron; fajro provas la oron PrV . VD:pruvi
b)
(figure) Kontroli la valoron de io: la fajro mem provos ĉies laboraĵon, kia ĝi estas [5]; provi sian ŝancon [6] [7], provi sian feliĉon (entrepreni ion riskan, esperante, ke onin favoros hazardo) [8]; ni […] provos la fortunon [9]; iru en la mondon, provu viajn kapablojn kaj […] lernu metion [10]; kiam mi […] povos porti lancon, mi trovos Seton kaj ni provos niajn fortojn [11]; afero, kiu plej forte provas lian sagacon [12]; oni batas la oron por provi ĝian valoron (por provi ĝin) PrV . VD:testi
c)
(figure) Elmeti iun al severa esplorado de liaj konoj, kapabloj, fido, fideleco, obeemo ktp: ili provis la Eternulon, dirante: ĉu la Eternulo estas inter ni, aŭ ne? [13]; mi vin provu, ĉu vi en ĉio estas obeemaj [14]; alvenis la Fariseoj, kaj komencis diskuti kun li, serĉante ĉe li signon el la ĉielo, por provi lin [15]; tion ili diris, provante lin, por povi lin akuzi pri io [16]; vi provis tiujn, kiuj nomas sin apostoloj kaj ne estas tiaj, kaj trovis ilin malveraj [17]; ni provis vin, ― daŭrigis Voland, ― neniam ion petu! neniam kaj nenion [18]; tiuj ankaŭ estu unue provitaj, poste ili servu kiel diakonoj, se ili estos neriproĉeblaj [19]; obstine [nia anaro] paŝas, provita, hardita, al cel' unufojon signita [20]. VD:ekzameni2, tenti 2
Rim.: Ĉar oron oni kutimis provi per fandado, fajro rolas oftan rolon en la rilatantaj metaforoj.
3.
Peni fari ion malgraŭ necerta sukceso, ekz-e pro tio, ke oni antaŭe neniam ĝin faris ĝisfine:
a)
(provi fari, ne fari) David zonis [la glavon de Saul] supre de siaj vestoj, kaj provis iri, ĉar li ne kutimis [21]; mi provos paroli al la reĝo [22]; Luka Lukiĉ provas ekfumi [malhelpate de tremado] [23]; li provis mallevi la piedon malsupren, sed ŝi ektimigite kriis [24]; Zoja provas nerimarkeble tragliti la pordon, sed Vitalij kaptas ŝin je la mano [25]; mi provu ne movi la kapon [26]; mi provos ne fuŝi ĝin alifoje [27].
b)
(provi ion, subkomprenita infinitivo) ĉiu provas (fari), kion li povas PrV ; en sia migrado li provis preskaŭ ĉiujn metiojn [28]; provi eĉ la neeblon; provi (iri) vojon Marta , (uzi) artifikon [29], (apliki) regulon VdE , rimedon [30]; li provis (verki) trian redakcion, kiu tamen rezultis eĉ pli malbona ol la du unuaj [31].
Rim.: Ĉi tiu senco malmulte diferenciĝas de la senco provi 1, kiam la objekto estas abstrakta aĵo. Ŝajnas, ke nur en tia okazo la lingvo volonte ellasas la subkomprenitan infinitivon. Ja provi surmeti ĉapelon ne povas esti simpligita al provi ĉapelon , kiu insistas pli pri la forma aŭ estetika taŭgeco de la ĉapelo, ol pri la sukceso de la ago. Male, en provi rimedon , la sukceso de la ago kaj la taŭgeco de la rimedo estas ligitaj.
c)
(absolute) „nun mi provos!“, diris la tria [32]; „ni provos“, respondis trankvile la princo [33].
1. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Cindrulino
2. H. C. Andersen, trad. L. L. Zamenhof: Fabeloj, vol. 2, Malbela anasido
3. Montejo, 2000-3 (1)
4. Deck Dorval: Urd Hadda murdita!, p. 14
5. La Nova Testamento, I. Korintanoj 3:13
6. Raymond Schwartz: La Stranga Butiko, Danc-rekordo
7. Deck Dorval: Urd Hadda murdita!, p. 18
8. H. C. Andersen, trad. L. L. Zamenhof: Fabeloj, vol. 1, vojkamarado
9. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Fidela Johano
10. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Tri fratoj
11. B. Prus, trad. Kazimierz Bein: La Faraono, vol. 1, Ĉapitro XXI
12. H. A. Luyken: Pro Iŝtar, ĉapitro 20a
13. trad. L. L. Zamenhof: La Malnova Testamento, Eliro 17:7
14. La Nova Testamento, II. Korintanoj 2:9
15. La Nova Testamento, S. Marko 8:11
16. La Nova Testamento, S. Johano 8:6
17. La Nova Testamento, Apokalipso 2:2
18. Mihail Bulgakov, trad. Sergio Pokrovskij: La majstro kaj Margarita, ĉapitro 24a
19. La Nova Testamento, I. Timoteo 3:10
20. Zamenhof: la vojo
21. trad. L. L. Zamenhof: La Malnova Testamento, I. Samuel 17:39
22. trad. L. L. Zamenhof: La Malnova Testamento, II. Samuel 14:15
23. N. V. Gogol, trad. L. L. Zamenhof: La Revizoro, akto 4a, sceno 5a
24. V. Varankin: Metropoliteno, ĉapitro 1a
25. V. Varankin: Metropoliteno, ĉapitro 7a
26. Mihail Bulgakov, trad. Sergio Pokrovskij: La majstro kaj Margarita, ĉapitro 2a
27. Claude Piron: Gerda malaperis, ĉapitro 16a
28. Henryk Sienkiewicz, trad. Kazimierz Bein: La lanternisto
29. B. Prus, trad. Kazimierz Bein: La Faraono, vol. 3, ĉapitro 13a
30. H. A. Luyken: Pro Iŝtar, ĉapitro 19a
31. Mihail Bulgakov, trad. Sergio Pokrovskij: La majstro kaj Margarita, ĉapitro 11a
32. H. C. Andersen, trad. L. L. Zamenhof: Fabeloj, vol. 3, ŝtono de la saĝuloj
33. B. Prus, trad. Kazimierz Bein: La Faraono, vol. 2, ĉapitro 20a
afrikanse:
probeer
albane:
përpiqem
amhare:
ሞክር
angle:
attempt
arabe:
محاولة
armene:
փորձել
azerbajĝane:
çalışmaq
beloruse:
1. спрабаваць, каштаваць (manĝaĵojn) 2. выпрабоўваць 3. спрабаваць, прабаваць
bengale:
চেষ্টা
birme:
ကြိုးစား
bulgare:
пробвам, опитвам
ĉeĥe:
pokoušet se, pokusit se, vyzkoušet, zkusit
dane:
prøv
estone:
proovida
eŭske:
saiatu
filipine:
subukan
france:
essayer, éprouver (mettre à l'épreuve), mettre à l'épreuve, probar, tâcher, tester, tenter (essayer), tenter (mettre à l'épreuve)
galege:
tentar
germane:
probieren 1. testen, versuchen 2. prüfen 3. versuchen
guĝarate:
પ્રયાસ
haŭse:
kokarin
hinde:
कोशिश
hispane:
probar, intentar, tratar de, comprobar probar, 1. comprobar 2.a probar 2.b comprobar 2.c comprobar 3.a tratar de, intentar 3.b probar, intentar 3.c intentar, probar
hungare:
kipróbál, megpróbál, próbára tesz, tesztel, megkísérel ~i sian feliĉon: szerencsét próbál ~i eĉ la neeblon: a lehetetlent is megpróbálja ~i ĉapelon: kalapot próbál
irlande:
iarracht
islande:
reyna
japane:
試す
jave:
nyoba
jide:
פּרובירן
jorube:
gbiyanju
kanare:
ಪ್ರಯತ್ನಿಸಿ
kartvele:
ცდილობენ
kazaĥe:
әрекет
kimre:
ceisiwch
kirgize:
аракет кылуу
kmere:
ព្យាយាម
koree:
시험
korsike:
pruvà
kose:
zama
kroate:
probati
kurde:
cerribanî
latine:
tentant
latve:
mēģināt
laŭe:
ພະຍາຍາມ
litove:
pabandyti
makedone:
се обиде
malagase:
manandrana
malaje:
cuba
malajalame:
ശ്രമിക്കുക
malte:
jippruvaw
maorie:
tamata
marate:
प्रयत्न
mongole:
оролдох
nederlande:
1. proberen, passen, aanpassen 2. beproeven, testen, uittesten, proberen 3. proberen
nepale:
प्रयास
okcidentfrise:
besykje
panĝabe:
ਕੋਸ਼ਿਸ਼ ਕਰੋ
paŝtue:
هڅه
pole:
1. próbować, wypróbowywać 2. próbować, sprawdzać, poddawać próbie 3. próbować, sprawdzać, usiłować
portugale:
provar, experimentar, ensaiar
ruande:
gerageza
ruse:
1. пробовать 2. испытывать 3. пробовать, пытаться
samoe:
taumafai
sinde:
ڪوشش ڪر
sinhale:
උත්සාහ
skotgaele:
feuchainn
slovake:
okúsiť, pokúšať(sa), skúsiť, urobiť pokus
slovene:
poskusite
somale:
isku day
ŝone:
edza
sote:
leka
sunde:
nyobaan
svahile:
kujaribu
taĝike:
кӯшиш
taje:
พยายาม
tamile:
முயற்சி
tatare:
тырышып кара
telugue:
ప్రయత్నించండి
ukraine:
спробуйте
urdue:
کوشش
uzbeke:
urinish
vjetname:
thử
zulue:
sizame

provo

Ago provi, stato de io aŭ iu provata:
a)
(provi 1) elmeti aparaton al provo PV ; oni povis fari nur du provojn (provludadojn) de tiu dramo antaŭ ĝia prezentado; vi havis provon de lia mastrumado en Malsupra Egipto (vi povis taksi, kiom malbona ĝi estas) [34].
b)
(provi 2.b, 2.c) nia lingvo eltenis la provon dum dudek kvin jaroj [35]; memoru, kion faris [Dio al Egiptujo], la grandajn provojn, kiujn vidis viaj okuloj, kaj la signojn kaj la miraklojn [36]; la fajra provo, tra kiu Dio lin irigis [37]; al amiko nova ne fidu sen provo PrV ; faru, mi petas, provon kun viaj servantoj dum dek tagoj [38].
c)
(provi 3) nenia peno nek provo donos lakton de bovo PrV ; estis grandega multo da diversaj provoj krei artan lingvon internacian EE ; kabinetaj provoj, kiuj ne alportas al [la mondo] senkondiĉan utilon [39]; provo senfrukta Marta , malprospera EE , vana Marta .
VD:ekzameno, kontrolo, testo
34. B. Prus, trad. Kazimierz Bein: La Faraono, vol. 3, ĉapitro 11a
35. L. L. Zamenhof: Paroloj, Parolado antaŭ la Oka Kongreso Esperantista en Krakow en la 11a de aŭgusto 1912
36. trad. L. L. Zamenhof: La Malnova Testamento, Readmono 7:19
37. H. A. Luyken: Pro Iŝtar, ĉapitro 7a
38. trad. L. L. Zamenhof: La Malnova Testamento, Daniel 1:12
39. L. L. Zamenhof: Originala Verkaro, § I-1
beloruse:
спроба, выпрабаваньне , тэст, праверка
bulgare:
проба, опит, проверка, тест
ĉeĥe:
pokus, test, vyzkoušení, zkoušení, zkouška
france:
essai, épreuve (essai), épreuve (expérience éprouvante), expérience, test, tentation (épreuve), tentative
germane:
Probe, Versuch, Test
hispane:
1.a prueba, intento 1.b prueba 1.c prueba
hungare:
próba, próbálkozás, kísérlet, vizsgálat, teszt la fajra ~o: tűzpróba
nederlande:
poging, proef, test
pole:
próba, sprawdzenia, usiłowanie
ruse:
проба, испытание, проверка, тест, попытка
slovake:
pokus, skúška

prova

Prezentanta provon, rilata al provo: al kelkaj ne-Esperantaj gazetoj ni faris sciigon pri nia afero nur kiel provan balonon (provbalonon) [40]; inter la hieraŭ kaj hodiaŭ staris tiu prova mateno Marta ; Nupta jam donis tro multe da pruvoj pri absoluta fideleco en provaj cirkonstancoj [41]; ŝi prenis la anasidon prove (provcele, por fari provon) [42].
beloruse:
пробны, спробны, тэставы, выпрабавальны
bulgare:
пробен, тестов
ĉeĥe:
pokusný, zkušební
france:
d'essai, d'épreuve, éprouvant
hispane:
probado, intentado
hungare:
kísérleti, próba-
pole:
próbny, sprawdzający, testowy
ruse:
пробный, тестовый, испытательный
slovake:
pokusný, skúšobný

provadi

Ade provi: de loko al loko tre malĝoje li provadis trovi la sufiĉan klientaron VivZam ; mi provis kaj provadis, sed kion ajn mi faras, mi malsukcesas [43].
beloruse:
спрабаваць
bulgare:
пробвам, опитвам, тествам
germane:
(systematisch) ausprobieren, austesten
hispane:
intentar continuamente
hungare:
próbálkozik, próbálgat, kísérletezget
pole:
próbować, sprawdzać, usiłować
ruse:
пробовать, пытаться

provado

Ago provadi, ago provi: mi eĉ pli kaj pli zorgas pri mia malsukcesa provado ne zorgi [44]; la fido estas realigo de esperataĵoj, provado de aferoj ne vidataj [45]; la provado de via fido faras paciencon [46]; por ĉiu tago, en kiu ni trovas bonan infanon […], Dio mallongigas al ni nian tempon de provado [47]; Waringhien decidis uzi la akiritan materialon en Esperanta-franca vortaro, kiu estis kvazaŭ la ĝenerala provado de la P.I.V. [48].
beloruse:
выпрабаваньне , спроба, тэст, праверка
bulgare:
проба, опит, тест
ĉeĥe:
pokusnictví, zkoušení
france:
essai, épreuve (essai), épreuve (expérience éprouvante), expérience, test ĝenerala ~ado: répétition générale
hispane:
prueba, demostración ĝenerala ~ado: ensayo general, intento general
hungare:
próbálgatás, próbálkozás, kísérletezgetés
pole:
próby, sprawdzenia, usiłowania
ruse:
проба, тест, попытка, испытание ĝenerala ~ado: генеральная репетиция
slovake:
pokusníctvo, skúšanie

provaĵo

1.
Konkreta rezulto de provo fabriki ion: alportu al mi provaĵojn de via pentrado Marta ; li komencis serĉadi ion novan per provaĵoj artaj VivZam ; tiu libro estas la provaĵo de nekonata verkisto.
2.
TIP=presprovaĵo
beloruse:
1. проба, спроба 2. карэктура, гранка
bulgare:
проба, опит
france:
1. essai (échantillon), échantillon (de ce qu'on peut faire) , spécimen (de ce qu'on peut faire) 2. épreuve (typo.)
germane:
1. Probe, Versuch (Exempel)
hispane:
1. muestra, ejemplar 2. prueba
hungare:
1. próbadarab 2. kefelevonat, korrektúra
nederlande:
1. proefstuk 2. zetproef, drukproef
pole:
1. próbka 2. korekta, poprawa
ruse:
1. проба 2. корректура, гранки

provilo

Ilo, korpo aŭ rimedo, per kiu oni esplorcele provas, por ekscii, ĉu la aĵo aŭ afero estas tia, kia ĝi devas esti: hodiaŭ ekzistas proviloj, per kiu oni povas certiĝi pri [gravedeco] jam je la unua tago de la nevenanta monataĵo [49]; (figure) [la gruo] per siaj spitaj krioj devas esti preskaŭ tro peza, tro dura provilo eĉ por la ĉiela pacienco [50]; multaj serĉantoj faltrafas en la akvokirliĝon de spirituala materialismo kaj psiĥismo, precipe kiam la sola provilo estas ilia propra „sento” [51].
beloruse:
пробнік, тэстэр
bulgare:
тестер
france:
instrument de test, test (instrument de test), testeur (instrument)
germane:
Test(mittel), Prüfstein
hispane:
instrumento de experimentación, test, sonda
hungare:
vizsgálati eszköz, próbakő
nederlande:
toetssteen
ruse:
пробник, тестер
slovake:
skúmadlo, skúšobné zariadenie, skúšobný kameň

provinda VdE

Inda esti provata: kelkaj provindaj nepalaj manĝaĵoj [52]; lignokarbo estas por kemiisto la porecaĵo provinda en unua vico [53].
germane:
einen Versuch wert
hispane:
para hacer pruebas
hungare:
kipróbálandó

ekprovi

Komenci provi: Aleksandro gestis per la mano, kaj ekprovis pledi antaŭ la popolo [54]; [la frukto de mia meditado] igis min ekprovi, ĉu ne prosperis al mi sisteme venki ĉiujn barojn por la kreo kaj enkonduko en uzadon de racia lingvo internacia [55]; kiu mordi ne povas, kisi ekprovas PrV ; ĉu vi ne povus reekprovi, eĉ se nur kompate al mi [56]?
beloruse:
паспрабаваць
ĉeĥe:
zkusit
france:
se mettre à essayer
germane:
versuchen
hispane:
ponerse a probar
hungare:
elkezd próbálni
slovake:
skúsiť

elprovi

(tr)
Funde provi:
a)
(provi 1, 3) la tendeno [de la pafarko] estas tute en ordo, nun mi ĝin elprovos! [57]; ni elprovis [la rapidecon de la vaporforta veturado] aŭ sur fervojo, aŭ sur ŝipo sur la maro [58]; [mi decidis] zorgeme elprovi la lingvon kaj plene prilabori ĝin praktike [59]; li volis forvojaĝi kaj elprovi ĉion per sia gusto [60]; elprovu ĉion; tenu firme tion, kio estas bona [61].
b)
(provi 2.c, 2.b) [Dio kondukis vin tra la dezerto], por elprovi vin, por sciiĝi, kio estas en via koro, ĉu vi obeos Liajn ordonojn aŭ ne [62]; tiam ne aŭskultu la vortojn de tiu profeto aŭ de tiu sonĝisto, ĉar tiam elprovas vin la Eternulo, via Dio, por sciiĝi, ĉu vi amas la Eternulon [63]; elprovi [iun] per enigmoj [64]; se Li min elprovos, mi eliros kiel oro [65]; esploru min, ho Eternulo, kaj elprovu min, refandu mian internaĵon kaj mian koron [66]; Mi elprovos ilin, kiel oni elprovas oron [per refandado] [67].
beloruse:
выпрабоўваць
bulgare:
изпробвам, изпитвам
ĉeĥe:
vyzkoušet
france:
essayer, éprouver (mettre à l'épreuve), mettre à l'épreuve, tester, tenter (mettre à l'épreuve)
germane:
ausprobieren, erproben
hispane:
1.a probar 1.b poner a prueba
hungare:
(alaposan) kipróbál
nederlande:
toetsen
ruse:
испытать
slovake:
vyskúšať

elprovo

Funda, tuta, intensa provo: oni devas elteni diversajn elprovojn, tiam oni ion scias [68]; tio estis por nia patro la plej kruela elprovo [69]; Li ridas ĉe la elprovado de senkulpuloj [70]; malfacilaj tagoj, tagoj de elprovado staris antaŭ la pordo [71].
beloruse:
выпрабаваньне , праверка, тэст
bulgare:
изпробване, изпитание
france:
essai, épreuve (essai), épreuve (expérience éprouvante), expérience, test
germane:
Erprobung, Probe
hispane:
prueba, examen
hungare:
kipróbálás, próbatétel, megpróbáltatás
ruse:
испытание, проверка, тест

elproviĝi

Iĝi elprovata: aliaj elproviĝis per mokado kaj skurĝado kaj ankaŭ de katenoj kaj malliberiĝo [72].
72. La Nova Testamento, Al la Hebreoj 11:36
beloruse:
выпрабоўвацца
bulgare:
пробвам се, изпробвам се, опитвам се, изпитвам се
france:
être éprouvé (être mis à l'épreuve), faire l'épreuve (être éprouvé)
hispane:
ponerse a prueba, probarse
hungare:
megpróbáltatásnak van kitéve

elprovita

Bone elteninta la provadon; sperta, taŭga: jen Mi por fundamento kuŝigas ŝtonon en Cion, ŝtonon elprovitan, bazangulan, valoregan [73]; multaj estos purigitaj, blankigitaj, kaj elprovitaj [74]; [lingvo] elprovita en ĉiuj rilatoj EE , ĉiuflanke elprovita EE ; elprovita saltisto [75]; lia rigardo estis tiel penetranta, ke mirinda lumo heligis la plej internajn korfaldojn de la elprovitino [76].
beloruse:
выпрабаваны
bulgare:
изпробван, изпитан
france:
éprouvé (expérimenté), aguerri, chevronné, expérimenté
germane:
erprobt
hispane:
probado, experimentado
hungare:
kipróbált, bevált
ruse:
испытанный

reprovi

Provi denove, ekzemple post malsukceso: neniu respondo venis [al lia sonorado, do] li reprovis ĉe la domgardistino [77]; se vokata numero estas okupita, aŭ ne respondas, poste mi povas reprovi per unu klavopremo sen memori la numeron [78]; la plej multaj spamsendiloj estas simplaj programoj, kiuj sendas multajn mesaĝojn kaj ne zorgas reprovi [79].
beloruse:
спрабаваць (зноў, яшчэ раз)
bulgare:
пробвам отново, опитвам отново
france:
réessayer, retenter
hispane:
reintentar, probar de nuevo
hungare:
újrapórbál, újrapróbálkozik
ruse:
попробовать ещё раз

kontraŭprovo

PIV1
Nova alimetoda provo de io por ekskludi erarojn dum la unua provo.
bulgare:
контролна проба, контролен опит
france:
contre-épreuve
germane:
Gegenprobe
hispane:
prueba de control, contraprueba
hungare:
ellenpróba
ruse:
контрольное испытание

surprovi

TEKS (veston) Provcele meti ĝin sur sin: unu knabino devis rapidi hejmen, por surprovi sian belan veston [80].
beloruse:
прымяраць, прымерыць
bulgare:
премеря, премервам
ĉeĥe:
vyzkoušet na sobě
france:
essayer (un vêtement)
germane:
anprobieren
hispane:
probarse (una prenda)
hungare:
felpróbál
ruse:
примерять, примерить
slovake:
skúšať (šaty)

presprovaĵo

TIP Presita folio, sur kiu la verkistoj aŭ korektistoj indikas la ĝustigotaĵojn aŭ ŝanĝotaĵojn: dum du monatoj presprovaĵoj atendadis ĉe la cenzuristo VivZam ; presprovaĵon de la raporto ŝi ricevis post monato [81]; [ŝi] estis en la apartamento de la 90-jara profesoro, ĝis tagmeze priparolante la korektojn en la presprovaĵo de Dekamerono [82]. VD:kopio
beloruse:
карэктура, гранка
france:
épreuve (typo.)
germane:
Probedruck
hispane:
borrador, galerada, hoja de prueba
hungare:
kefelevonat, korrektúra
nederlande:
zetproef, drukproef
ruse:
корректура, гранки

provcele

Por fari provon: ni provcele portis [la ŝuojn] jam dum 15 km longa marŝado, sen ekhavi problemojn [83]; komence nur du aŭ tri scenoj estis prezentitaj provcele [84].
beloruse:
на спробу, для спробы
bulgare:
за проба
france:
à titre expérimental, pour essayer
germane:
zum Probieren, testweise
hispane:
a título experimental, para probar
hungare:
próbaképpen
ruse:
на пробу, для пробы
Rim.: La radiko „prov“ aperas en pluraj aliaj kunmetaĵoj, kiel ekzemple en: divenprove, provbalono, provedziĝo, provekzemplero, provjaro, provlegi, provludi, provnumero, provtempo, provtubo.

administraj notoj

pri ~i 2.c:
        Kontroli la tradukojn nl kaj ru, kiuj ekzistis antaŭ
        splitiĝo de la du sencoj (iun/ion).
        [MB]
      
pri ~ilo:
    Mankas fidindaj ekzemploj. La cititaj malbone kongruas kun la
    difino. Mi ne vidas, kun kiu senco de "provi" povus akordiĝi
    la ekzemplo pri "gravedec-provilo". La dua bone akordiĝas kun
    la senco "(el)provi iun". La tradukoj francaj estas portempaj.
    [MB]
  
pri ~inda :
    Tiu ĉi termino malaperis de pli postaj vortaroj. Povas esti,
    ke per ĝi Kabe celis pli "spertinda" ol "provinda".
    [MB]
  
el~iĝi: Mankas dua fontindiko.
kontraŭ~o: Mankas dua fontindiko.
kontraŭ~o: Mankas fonto, kiu estas nek vortaro nek terminaro.
sur~i: Mankas dua fontindiko.