tradukoj: bg de en es fr hu nl pl pt ru sv tr

^*glaci/o

^*glacio

Akvo malfluidiĝinta, solidiĝinta pro malvarmo: en la printempo la glacio kaj la neĝo fluidiĝas [1]; la rivero forrulas glacion; artefarita glacio; konstrui kastelon sur glacio (aero)[2]; (figure) ŝia alveno disrompis la glacion (ĉesigis la interĝenatecon) de la ĝisnuna rigida konversacio^Z; (figure) mielo sur lango kaj glacio (indiferenteco) en koro[3]. frosto

glacia

1.

Karakterizata per glacio: glacia praepoko; glaciaj maroj.

2.

Malvarmega: glacia vento; (figure) glacia (malardega, malpasiega) vizaĝo; (figure) glacia (malfavorega, malafablega) akcepto; (figure) la glacia tavolo da antaŭjuĝoj de la mondo estas rompita [4].

glaciaro

(malofte) Glaciejo¹

glaciejo

1.

Surtera, precipe surmonta, amasego da glaciio el neĝo dum jarcentoj transformiĝinta en glacion: la korpo de prahistoria homo, trovita antaŭ dek jaroj en glaciejo en la Alpoj, estos malfrostigita [5]; la natura pejzaĝo ... estas varia rezulte de erozio de la antikvaj glaciejoj, hodiaŭ ne plu ekzistantaj [6]; vi falis en grandan fendegon, kiu trairas la tutan glaciejon tra ĝia tuta dikeco [7]

2.

(arkaismo) glaciujo

glaciujo, glaciŝranko, glacitenejo

Kesto aŭ ejo destinita por konservi glacion.

^*glaciaĵo

Frandaĵo farita el sukero kaj glaciigita kremo kun bongustaj aldonaĵoj: glaciaĵo estas dolĉa glaciigita frandaĵo [8]; vanila, ĉokolada glaciaĵo.

^*glaciigi

1.

Malfluecigi, solidigi fluaĵon per malvarmo: la frosto glaciigis la lagon.

2.

Meti en malvarmegan staton: la ekstera frosto glaciigis min, miajn fingrojn; (figure) tute glaciigita de teruro.

glaciiĝi

1.

Malfluecigi pro malvarmo: la rivero glaciiĝas.

2.

Veni en malvarmegan staton: la soldatoj glaciiĝis dum la nokta gardostaro; (figure) la rideto glaciiĝis (haltis, malaperis) sur ŝiaj lipoj^B; (figure) glaciiĝi de timo.

glacipluvo

Pluvo, kiu glitige glaciiĝas tuŝante la teron. hajlo, neĝo, glitvetero.

glaciinsulo, glacimonto

Pecego da glacio libere flosanta en polusaj kaj apudpolusaj maroj. bankizo

glacirivero

Parto de glaciejo¹ forrampanta de supro de monto kaj pleniganta la fundon de ties valo: kaj ŝi ridis, tiel sonorante, kiel la glacio de la glacirivero krakante disiĝas je eroj, kiam la sunbrilo varmigas ĝin [9].

glaciumi

glaceigi

glacirompilo

1.

Ŝipo speciale ekipita por rompi la glacion.

2.

Ludo por interkonatigi homojn en nova grupo.

        La Portugala traduko versxajne estas erara. [LP]