¹ident/a

1.

Tiu unika kaj ne alia ol tiu, pri kiu temas, tiu sama¹: ĉio, kio estas super tiu interna ideo de Esperanto estas nur privataĵo, kiu povas eble esti bazita sur tiu ideo sed neniam devas esti rigardata kiel identa kun ĝi [1].

2.

(evitinde) Egala, tia sama²: la du kongresoj prenis identajn decidojn; la moralaj ecoj ne estas identaj ĉe ĉiuj homoj; liaj vortoj kaj agoj estis identaj [2].

kongrua

1.

Idento-bildigo: ilia geometria simetria grupo havas du erojn, la identon kaj reflekton je linio paralela al la lateroj de la kvadratoj [3].

2.

Egalaĵo vera: la eŭlera idento estas la idento `e^(i pi)+1=0` [4].

1.

Io identa.

2.

[5] Egalaĵo, vera sendepende de la valoro de la variabloj aperantaj en ĝi: `(a+b)^2=a^2+2ab+b^2`; la funkcio de Euler rilatas al la funkcio eta de Dedekind per identaĵo de Ramanujan [6].

1.

Plena simileco; sameco: la identeco de ambaŭ projektoj estas evidenta; identeco pri la ideoj; li kroĉis sin al la penso, ke tiu identeco kun lia propra historio eble tamen estas nur freneza hazardo [7].

2.

Memeco, personeco (eco de persono, kiu estas vere ne alia ol li asertas esti aŭ ol oni kredas, ke li estas): determini la identecon de akuzito; pruvi sian identecon. legitimado

Rim.: Tiu senco estas iom internacia, kvankam ĝi estas senrilata al la ĉefsenco de la radiko. [Sergio Pokrovskij]

3.

Identiĝo; sameco de kulturo, kredoj, ideologio kun grupo, al kiu iu apartenas: politikistoj pli klare montru sian vidpunkton kaj identecon rilate al sociaj problemoj [8]; ni ne komplete perdu nian kulturan identecon [9].

1.

Igi aŭ opinii ion identa kun alia: oni ne devas identigi registaron de iu ŝtato kun la popolo mem^B ; la aktoro devas identigi sin kun la persono, kiun li ludas; ne identigante [...] la liberkredon speciale kun ateismo [10]; multaj personoj eble identigos la homaranismon kun Esperanto aŭ kun la tiel nomata „interna ideo de esperantismo“ ‐ tio tamen estus eraro [11]; la identigadon de la interesoj de lando kun la interesoj de tiu aŭ alia gento aŭ religio kaj la pretekstadon de iaj historiaj rajtoj [...] mi rigardas kiel restaĵon el la tempoj barbaraj, kiam ekzistis nur rajto de pugno kaj glavo [12].

2.

Rekoni¹ iun aŭ ion: identigi krimulon, kadavron; identigi antikvan loknomon (trovi la respondan nomon nunan).

1.

Legitimilo kiu atestas la identecon de iu aŭ io: neniu povas aĉeti bileton por longdistancaj busoj ne montrinte antaŭe validan identigilon [13].

2.

Nombro aŭ alia arbitra sinsekvo de signoj, nekonfuzeble distinganta eron en aro da samspecaj objektoj: variablo estas fragmento de komputila memoro kun difinita grandeco, kiu havas propran identigilon [14].

Iĝi identa kun iu aŭ io: identiĝi kun sia modelo, rolo; lia vivo preskaŭ identiĝis kun tiu granda entrepreno; ĉar la manĉuroj vivis kune kun la ĉefgento Han de Ĉinio tiom longe, iom post iom ili preskaŭ identiĝis al la hanoj en vivstilo, moroj kaj precipe en parollingvo [15]; la termo „taja lingvo“ povas identiĝi kun taja lingvaro enhavanta isanan lingvon [...], la laŭan [...], la ĝŭangan [...] ktp. [16].