tradukoj: be bg ca cs de el en es fr hu nl pt ru tp tr

^*vest/i [1]

^*vesti

1.

Kovri per ŝtofoj aŭ peltoj pli malpli alĝustigitaj al la korpo por ŝirmi kontraŭ malvarmo, suno aŭ kaŝi nudecon: simple, sed pure vestita; belaj sklavinoj vestitaj en silko kaj oro [2]; mi estis ... nuda, kaj vi vestis min [3].

2.

(figure) Kovri: la printempo verde vestis la teron^B; arbaro vestas la monton; la kampoj vestiĝas per greno [4]; sennombraj insuletoj vestitaj de bela verdaĵo; ladoj el bronzo vestas la murojn; (figure) vestiĝu per honto kaj malhonoro tiuj, kiuj fanfaronas kontraŭ mi [5]; (figure) plej pura stilo vestanta viglan kaj profundan penson. maski, ŝirmi, tegi

vesto

Ĉio, per kio oni kovras la korpon: surmeti, demeti veston; valoras ne la vesto (ekstera ŝajno) valoras la enesto [6]; vesto homon prezentas (monaĥo) [7]; (figure) la arbaro montris sian multkoloran veston^Z; (figure) Zamenhof rigardis la diversajn religiojn kvazaŭ malsamajn vestojn de unu sama vero. kostumo

vestaĵo

Ĉiu el la pecoj de plurpeca vesto: ŝi metis siajn vestaĵojn tiel orde, dum la aliaj ĵetis la siajn pelmele [8].

vestejo

Loko, kie oni konservas aŭ lasas la vestojn: vestejo de teatro; li diris al la estro de la vestejo: Elportu vestojn por ĉiuj servantoj de Baal [9].

alivesti

Vesti iun per vesto diferenca je tiu de ties sekso aŭ pozicio: la reĝino alivestis sin kiel kamparanino [10].

malvesti

senvestigi ni ne havis ion, per kio sin vesti aŭ malvesti [11].

kapvesto

Vesto per kiu oni kovras la kapon, precipe kiam ne temas pri la kutimaj ĉapelo aŭ ĉapo: la basketoj de lia blanka kapvesto ankoraŭ kaŝis la supran parton de lia vizaĝo [12].

laborvesto

Vesto surportata dum laboro kiel ŝirmilo aŭ kiel signo de funkcio...: ŝi klake trotas en la kuirejon por lavi lian laborveston [13].

piedvesto

Vesto per kiu oni kovras la piedojn: lia piedvesto ne estis pli bona – unu fliko sur alia [14].

senvestigi

Demeti ies vestojn: kaj ili senvestigis lin, kaj surmetis al li skarlatan mantelon [15]. malvesti

subvesto

Nemontrata vesto, kiun oni portas sub la videblaj: delikataj subvestoj de virino; Elsa eliris el la lito kaj komencis surmeti la subvestojn [16].

survesto

supervesto aperis nealta homo en ruĝa survesto, brodita per bizare sinuantaj oraj serpentoj [17].

^*supervesto

Vesto kiun oni surmetas sur aliajn vestojn, precipe tiaj kiujn oni portas eksterdome por sin protekti kontraŭ malvarmo aŭ pluvo: li portas rozokoloran superveston kaj teleroforman ĉapelon [18]; li detiris siajn ŝamajn gantojn kaj disbutonumas la superveston [19]; li prenis sian superveston kaj forlasis la balon antaŭ kelkaj minutoj, diris Olsen [20]; ni enrigardu iom en la antaŭĉambron, kie trovis rifuĝon la supervestoj, bastonoj, pluvombreloj kaj galoŝoj [21]; oni povus diri, ke ŝin kaptis forta malvarmo, ĉar ŝi iom tremis sub la pelta supervesto, kaj ke ŝi ion profunde hontis, ĉar ŝi ne povis forlevi la okulojn de la ŝtonoj de la trotuaro [22]; du sinjorinoj en veluraj supervestoj, apogante sin reciproke unu al la alia, iris rapide kaj interparolis gaje [23].