tradukoj: be bg br cs da de en es fi fr hu it nl pl pt ru sk sv tp

^*lud/i [1]

^*ludi

1.

(x)
Sin amuzi, sin distri, agante, ne por ia utilo, sed por nura plezuro de agado: la infanoj ludas sur la herbejo; ludi per pupo, pilko, kartoj; ludi pilkon^B; ludi kartojn^B; ludi keglojn per kranioj^Z; ludi kun iu ludon de pugnoj [2]; ludi militon^Z (imitante militon); la ĵonglisto ludis per ponardoj; fari sian taskon kvazaŭ ludante (tute facile kaj senpene); ludi per vortoj, fari vortludojn (kombini similsonajn sed malsamsignifajn vortojn por ŝerco kaj amuzo); ludi per okuloj (= okulumi); (figure) la suno ludis (treme brilis) tra la branĉaro; (figure) la vento ludis (agrable blovetis) tra la foliaro; (figure) la vento ludis kun ŝiaj haroj (agrable flirtigis ŝiajn harojn).

2.

(tr)
Vetludi, riski la ŝancojn pri gajno aŭ perdo: ludi monon; monludi; ludi en la borso, en vetkuroj.

3.

Prezenti spektaĵon, vivan artaĵon.

a)

(x)
Muziki per instrumento por sin distri aŭ distri aliajn: Petro ... penis ludi sur la gitaro ... valson [3]; ludi violonon^Z; gloru la Eternulon ..., per dekkorda psaltero ludu al Li [4].

b)

(tr)
Distri la aliajn, prezentante teatraĵon, aktori, roli: ludi komedion, rolon; „vi do ludu ion novan,“ ŝi diris al siaj aktorinoj [5].

4.

(tr)
Ŝajnigi, hipokriti: ludi funebron, virton; ludi piulon.

ludo

1.

Ago ludi; aparta speco de tiu ago: danĝera ludo; laŭ filozofia vidpunkto la belartoj estas speco de ludo; sportaj ludoj; meti (riski) en la ludon^Z; floraj ludoj (literaturaj konkursoj); ludo aparte kaj aferoj aparte^Z; (figure) la ludo (ŝanĝaspektoj) de la lumo tra la foliaro; (figure) serĉi belecon en la ludado de linioj; (figure) la ludo de la imago.

2.

Maniero laŭ kiu oni ludas: bela ludo de la orgeno, de la orkestro; malbona ludo de aktoro. rolo

3.

Tuto da ŝancoj aŭ atutoj, pri kiuj oni disponas: fari mienon fieran al ludo mizera^Z.

ludilo

Objekto, per kiu infanoj ludas: la ĉambro de la infanoj estis plena de ludiloj (t.e. pupo, infana kaleŝeto, balancĉevalo, rajdvipo k.a.)^Z; (figure) al la virino ili diras: estu ludilo, servu kiel amuzilo al la viroj!^Z
Rim.: La vorto aplikiĝas metafore ankaŭ al objektoj destinitaj por distri plenkreskulojn.

antaŭludi

Ludi antaŭ publiko: la tridek-kvaran fojon estis antaŭludita al ili la sama peco, sed ili ĉiam ankoraŭ ne konis ĝin perfekte [6].

antaŭludo

Io, kio antaŭas ludon: (figure) la voĉoj de dioj, nevideblaj manoj, homo martirata per bolanta peĉo, tio estis nur antaŭludoj! [7]. preludo

baskulludo

1.

Infana ludo per baskulo.

2.

Politika manovro, kiu konsistas en la alterna favorado de jen unu, jen alia el la du inter si malamikaj partioj, landoj ktp.

flugludilo

kajto

hazardludo, hazarda ludo

Ludo, en kiu gajno aŭ malgajno dependas de neantaŭvideblaj, hazardaj okazaĵoj: enspezo el hazardludo konsistigas 30-50% de la financa enspezo de Makao [8]. vetludo

kartludi

Ludi per ludkartoj: Anna Sergeevna majstre kartludis [9].

paciencludo, paciencoludo

Kartludo por unu ludanto, kies celo estas aranĝi kartojn laŭ difinitaj reguloj: paciencludo bonsolviĝis, bone rezultis [10]; paciencludo fiaskis [11]. ermitludo

provludi

Ludi teatraĵon aŭ muzikpecon sen publiko, por spertiĝi kaj plibonigi la ludadon: [ni] estis vokitaj hieraŭ posttagmeze, post la provludo, en la oficejon de la direktoro, sinjoro Hadda [12]; li ... kune kun mi iris al la pupteatra trupo por rigardi ilian lernadon kaj provludon [13].

rolludo

Ludo en kiu ludantoj kunkreas rakonton, surprenante respektivajn rolojn en ĝi: Cantr II estas interreta rolludo, kiu havas celon simuli socion [14].

strategiludo, strategia ludo

Ludo kiu postulas de ĉiu ludanto planadon kaj enkalkulon de la decidoj de aliaj ludantoj: en la strategiludo „Command and Conquer Generals“ (Electronic Arts, 2003), Usono kaj Ĉinio, fariĝinte amikaj nacioj, batalas kune [15].

tabulludo, surtabla ludo

Ludo en kiu oni uzas ordinare pecojn (ŝtonetojn, diskojn, figuretojn, bastonetojn...), kiujn oni movas sur tabulo aŭ desegnita spaco: se vin interesas la klasika azia strategia tabulludo goo, mi rekomendas ludi interrete ĉe KGS [16]; la nunaj surtablaj ludoj proponas multajn temojn por la tuta familio: regi la fervojan entreprenon, estri piratan boaton, intrigi en la XVIa Hispanio [17].

vetludo, monludo

Ludo pri kies rezulto oni vetas, precipe vetas monon: estas notitaj la rezultoj de preskaŭ ĉiuj piedpilkaj vetludoj [18]. hazardludo

videludo, videoludo

Interaga ludo, en kiu la okazaĵojn prezentas surekranaj videaj bildoj: la videludindustrio ne kuraĝis defii la malpermeson de videludoj, kiuj enhavas seksumaĵojn [19].

vortludo

1.

Ludo en kiu ludantoj devas diveni, kombini, elfari vortojn el literoj aŭ responde al demandoj, ekzemple skrablo, krucvortenigmo...: Vorto-Mozaiko ... kiu estis kreita de Nisikawa Sirosi kaj Serizawa Kiyosi de la Tokio Esperanto-Kooperativo ... estas vortludo kiu ekzistas nur en Esperanto [20]. ŝarado

2.

Ŝerco kiu amuzas per eluzo de similsoneco, dusenceco aŭ aliaj vort-apartaĵoj: LA-STRANGA-BUTIKO ― LAST-RANGA-BUTIKO; [21] plej ofte oni ne povas perfekte traduki vortludojn de unu lingvo al alia [22].