tradukoj: be bg cs de el en es fr he hu it ku la nl os pl pt ru sk tr vo zh

^*ĉeval/o

^*ĉevalo

1.

Specio (Equus caballus) de grandaj neparhufulaj mamuloj uzataj ekde la antikva epoko kiel rajd- kaj tir-bestoj: azenoj, zebroj, kaj ĉevaloj estas en la sama genro; ĉiuj ĉevaloj kaj ĉaroj de Faraono kaj liaj rajdantoj kaj lia militistaro atingis ilin [1].

2.

Ŝakpeco, kutime figurata per ĉevala kapo. kavaliro

ĉevaleto

1.

Malgranda ĉevalo.

2.

(figure) Temo, pri kiu koncernulo ĉiam volonte parolas, kiu ĉiam lin interesas: tio estas lia amata ĉevaleto[2]; li tuj ekrajdis sian amatan ĉevaleton pri la supersigna reformo; la facileco de Volapük estas la plej amata ĉevaleto, sur kiu ili elveturas al ĉiu okazo [3] amataĵoŝatokupo.

ĉevalaĵo

Viando de ĉevalo.

ĉevalejo

Konstruaĵo en kiu oni tenas ĉevalojn: en la ĉevalejo blekis la nigraj ĉevaloj, kiuj meritis admiradon, kaj oni ilin admiris [4].

^*ĉevalido

Ido de ĉevalo: ĉevalido estas nematura ĉevalo [5].

ĉevalino

Inseksa ĉevalo: Al la ĉevalino en la ĉaroj de Faraono Mi komparas vin, ho mia amatino [6].

ĉevalpovo

Malnova komunuza mezurunuo de meĥanika povo, egala en Eŭropo al 75 kilogrammetroj en sekundo, t.e. 735,75W, kaj, en Usono, al 550 futfuntoj en sekundo, t.e. 745,7W; simb. ĈP.

deĉevaliĝi

Lasi la rajdadon de ĉevalo: deĉevaliĝu, amiko, kaj senbridigu la bestojn [7].

surĉevaliĝi

Eksidi sur la dorso de ĉevalo, enseliĝi.

troja ĉevalo

1.

Insida enigo de malutilaj homoj aŭ rimedoj inter malamikojn (kiel faris antikvaj grekoj kontraŭ trojanoj per ĉevalstatuo laŭ Iliado): la popola fronto estis elpensita de la Tria Internacio kiel troja ĉevalo por akiri la kontrolon de la laboristaj organizoj [8].

2.

[9] Ŝajne utila, reale malutila programo, kiu kaŝe difektas, rompas sekurecon, malfermas konekton al eksterulo ktp: pkzip.300 ... estas Troja Ĉevalo, ne viruso, kaj tre danĝera [10].

virĉevalo

Virseksa ĉevalo: (juna zebrino) rifuĝas hazarde en stalon, kaj virĉevalo rigardas ŝin per mirigitaj okuloj [11].