2solid/a PV

solida

1.
FIZ Malfluida; kvalifikas substancon, kies molekuloj estas fikse kunigitaj unu kun la alia, tio estas ĉiun substancon, kiu estas nek flueca nek gasa: vi fariĝis bezonantoj de lakto kaj ne de solida nutraĵo [1]; neniu rubo solida estu enmaren ĵetita [2].
2.
Firma1, malfacile detruebla: solidaj botoj FK ; solida vinkto [3]; solida horloĝo, kiu iris bone laŭ la minuto BdV .
3.
(figure) Serioza, impona, neŝerca, malfrivola: solida argumento; li faris al li solidan moralinstruon, klarigis al li […] kiel forte li meritas punon [4]; mi faros al vi solidan batadon [5]; li volonte havigus al la bienmastro […] solidan vipadon Fab3 ; tio […] estas alporto de solida utilo [6]; la virino […] solide purigadis [la lanternon] [7]; mi havas solidajn sciojn kaj spiriton [8]; necesas solida laboro por survojigi urĝajn reformojn [9]. VD:efektiva, vera
4.
(figure) Fidinda: seriozaj kaj solidaj homoj BdV ; needzigita viro de solida (matura) aĝo [10].
1. La Nova Testamento, Hebreoj 5:12
2. Monato, Christian Bertin: Reĝino de la maroj, 2004
3. H. C. Andersen, trad. L. L. Zamenhof: Fabeloj, vol. 2, Paŝtistino kaj kamentubisto
4. H. C. Andersen, trad. L. L. Zamenhof: Fabeloj, vol. 1, Malgranda Niko kaj granda Niko
5. H. C. Andersen, trad. L. L. Zamenhof: Fabeloj, vol. 1, Malgranda Niko kaj granda Niko
6. H. C. Andersen, trad. L. L. Zamenhof: Fabeloj, vol. 3, Kvin en unu silikvo
7. H. C. Andersen, trad. L. L. Zamenhof: Fabeloj, vol. 2, Malnova strata lanterno
8. H. C. Andersen, trad. L. L. Zamenhof: Fabeloj, vol. 1, Galoŝoj de feliĉo
9. Monato, Stefan Maul: Germanio: Pekoj de patriarko
10. H. C. Andersen, trad. L. L. Zamenhof: Fabeloj, vol. 3, Nokta ĉapo de fraŭlo
beloruse:
1. цьвёрды 2. трывалы, моцны, дужы 3. салідны, сур'ёзны 4. салідны, надзейны, грунтоўны
ĉeĥe:
důvěryhodný, masivní, pevný, solidní, spolehlivý, tuhý, tělesový
france:
solide (adj.)
germane:
1. fest 2. fest 3. ernsthaft, seriös 4. vertrauenswürdig, seriös
hispane:
sólido
hungare:
1. szilárd 2. erős, tartós ~a argumento: komoly érv 3. komoly, józan 4. szolid, megbízható
nederlande:
vast, stevig
ruse:
1. твёрдый 2. крепкий, прочный 3. солидный, серьёзный 4. солидный, надёжный, основательный
slovake:
pevný, solídny, spoľahlivý, tuhý
tibete:
མཁྲེགས་པོ་
tokipone:
kiwen

solido

1.
FIZ Korpo en solida stato: hidrargo estas la nura metalo, kiu je ordinara temperaturo ne estas solido; benzoata acido […] estas senkolora kristala solido [11].
2.
MATFIZ(kinematiko) Tia objekto en la tridimensia spaco, ke la distanco inter du ajnaj ĝiaj punktoj ne ŝanĝiĝas dum movo.
3.
MATPIV1 Tridimensia geometria figuro: la solidoj de Johnson povas esti konstruita surbaze de kelkaj piramidoj, kupoloj, kaj rotondoj, platonaj solidoj, arĥimedaj solidoj, prismoj, kaj kontraŭprismoj [12]. SIN: Malnovaj ekvivalentoj: korpo, volumenaĵo; SUB: Specifaj solidoj: solida angulo, duedro, triedro, pluredro, sfero, cilindro, konuso, elipsoido, sektoro, segmento, toro; VD: Rimarkindaj ecoj de solido: barita, nebarita, konveksa, konkava, rivolua; atributoj de iuj solidoj : areo, rando, volumeno.
11. Benzoata acido - Vikipedio
12. Vikipedio, Solido de Johnson
angle:
2. rigid body 3. geometric body, solid
beloruse:
цьвёрдае цела 3. цела, геамэтрычнае цела
ĉeĥe:
těleso
france:
1. solide (corps solide) 2. solide indéformable (cinématique) 3. solide (figure géométrique), volume (figure géométrique), corps géométrique
germane:
1. Feststoff, Festkörper 2. Körper, Festkörper 3. Körper, geometrischer Körper
hispane:
sólido 2. sólido rígido
hungare:
1. szilárdtest 2. merev test 3. (mértani) test
pole:
2. ciało stałe 3. bryła
ruse:
твёрдое тело 3. тело, геометрическое тело
slovake:
teleso

solideco

Kvalito de io densa, eltenema, malfacile rompebla, fidinda: ĉio en li montris solidecon, laŭ sia eksteraĵo li ŝajnis konvena homo FK ; revenas la malnovaj, tradiciaj virtoj, kiaj la tute banalaj pacienco, respondeco, bona kvalito, solideco [13].
13. Monato, Maul Stefan: Defio aŭ devio de politiko
ĉeĥe:
solidnost, tuhost
france:
solidité
germane:
Solidität
slovake:
dôkladnosť, slušnosť, solídnosť, spoľahlivosť

solidigi

(tr)
Igi solida, kunteniĝa, ne facile diserigebla aŭ rompebla, firma, fidinda: guar-gumo […] estas uzata ankaŭ por iom solidigi manĝaĵojn [14]; li provis solidigi sian financan kaj profesian vivon [15]; dormo plej gravas por solidigi la memoron kaj la lernoprocesojn [16]; [tio] kontribuis al la solidigo […] de la kulturo de milito [17].
14. Monato, Werner Fuss: Novtipa gasminado: ĉu vere danĝera?, 2014
15. Monato, Franz-Georg Rössler: Homo universala, homo moderna: Johann Joachim Becher naskiĝis antaŭ 375 jaroj, 2010
16. Monato, Ivo Durwael: Dormu bone, vivu bone, 2012
17. Monato, Gilbert Ledon: Muroj dumiljara solidas
france:
consolider, solidifier
germane:
konsolidieren

solidiĝi

(ntr)
Iĝi solida, rezista, malmola, nerompiĝema, nefleksebla, serioza: liaj filoj […] estas iom malbonkondutaj [sed] kun la tempo ili jam solidiĝos [18]; la fakuloj atendas nun la duan fazon de banka solidiĝo [19].
18. H. C. Andersen, trad. L. L. Zamenhof: Fabeloj, vol. 2, Monteto de elfoj
19. Monato, Evgeni Georgiev: Internaciaj bankoj stabiligas siajn poziciojn, 2003
france:
se consolider, se solidifier
germane:
sich festigen, zur Vernunft kommen

platona solido

MAT[20]
Regula pluredro: platona solido komponita el 12 regulaj kvinlateraj edroj [21]. VD:Platono

la kvin Platonaj solidoj
20. Plena Ilustrita Vortaro, regula
21. Dekduedro - Vikipedio
angle:
Platonic body
beloruse:
Плятона цела
ĉeĥe:
platónské těleso
france:
solide platonicien
germane:
Platonischer Körper Platonischer Körper
hungare:
szabályos test, platoni test
pole:
bryły platońskie
ruse:
платоново тело
slovake:
platónske teleso

administraj notoj