tradukoj: be br cs de en es fr hu nl pl pt ru sv

^*met/i [1]

^*meti

1.

Transigi en difinitan lokon; fari ke iu, io estu ie.

a)

Transigi al fizika loko: meti manĝilaron sur la tablon, vinagron en salaton, paperon en sian poŝon; meti korpon en la teron^Z; meti ŝteliston en malliberejon^Z; meti gardiston ĉe la pordon; meti sian ĉapelon sur la kapon^Z; meti sian subskribon al kontrakto; sin meti sur la genuojn^Z.

b)

(figure) Transigi al funkcio, al abstrakta loko: meti varojn sur la merkaton, monon en entreprenon (lokumi); meti iun sur la tronon; meti (prezenti) demandon al iu, plendon ĉe la juĝisto; meti la tutan kulpon sur iun; meti sian atenton sur ion, sian konfidon, esperon sur, en iun, ion; meti ĝojon, timon en la koron de iu; meti sumon en la kalkulon; meti ordon en sian paroladon, limon al sia ambicio, finon al la diskuto.

2.

Transigi en difinitan staton, igi ...a: meti iun en embarason, danĝeron, mizeron; meti viandon en pecetojn; meti Esperanton je la servo, je la dispono de ĉiuj popoloj; meti ion en forgeson^Z.

almeti

Aldone meti: almeti plumojn al ĉapelo; al tiu antaŭtimo sin almetis alia pli grava.

antaŭmeti

prezenti ¹ la paĝioj antaŭmetis al li konfitaĵon kaj spiconuksojn [2]; (figure) prezentu vian juĝaferon, diras la Eternulo, antaŭmetu viajn argumentojn, diras la Reĝo de Jakob [3]; (figure) antaŭmeti la kondiĉon, ke... [4].

ĉirkaŭmeti

Meti al la ĉirkaŭo: vinberĝardenon plantis unu viro, kaj ĉirkaŭmetis plektobarilon [5]; Olga ĉirkaŭmetis (ĉirkaŭ sin) iun ensorĉitan cirklon kaj fariĝis tute nealirebla [6].

demeti

Forigi de sia loko: demeti la veston; demeti ringon de sia fingro; mi demetas mian vivon memvole^Z.

elmeti

1.

Prezenti al la vido: elmeti libron ĉe la montrofenestro.

2.

Prezenti, malŝirmi al ia efiko: elmeti al la sunaj radioj; la naturo elmetis nin nudaj kaj mizeraj sur la bordon de tiu ĉi granda mondo^Z; sin elmeti al mokado^Z.

3.

Prezenti al pripenso: elmeti demandon, problemon.

formeti

1.

Forigi, meti flanken: formetu tiun antaŭjuĝon^Z; formeti la aferon en la keston de forgeso [7], ĝis la grekaj kalendoj^Z.

2.

Rezigni: formeti de si ĉian oficialan rolon^Z; formeti oficon arkivo, forgesi

formetejo

Kamero, loko, en kiun oni formetas kaj konservas malofte uzatajn aĵojn: oni aliris de la koridoro al tiu loketo tra malalta kaj mallarĝa pordo, sur kiu oni ankoraŭ legis la grandliteran surskribon: „formetejo“ [8]

intermeti

1.

Meti inter aliajn aĵojn: akva vaporo povas transiri la murojn trairante iliajn porojn, escepte se oni intermetas en ili tavolon, kiu malebligos tian trairadon [9].

2.

Interdiri, enŝovi en interparolon kvazaŭ flankan rimarkon: veron diras via ekscelenco ― intermetis la granda skribisto [10]; „evidente la afero brulas, kolego,“ Halman intermetis [11].

kunmeti

1.

Kunigi: kunmeti la manojn; se oni volus kunmeti plenan registron de liaj bonaj ecoj^Z.

2.

Kunmeti vortojn kaj vorterojn por formi novajn vortojn: vortoj kunmetitaj estas kreitaj per simpla kunligado de vortoj^Z.

primeti

Pretigi (lokon) por iu celo, metante sur ĝin la bezonatajn objektojn kaj laŭcele aranĝante ilin: primeti la tablon [12] (kp manĝometo); primeti ŝaktabulon^PIV.

postmeti

Tiel meti, ke la koncerna objekto troviĝu malantaŭe: postmetitaj komencliteroj estas tipa kancelariaĵo [13].

submeti

Meti iun aŭ ion sub la povon, influon, priagadon de iu aŭ io, sub la efikon de io: sin submeti al la plimulto; submetiĝi al la komuna disciplino^Z; (figure) submeti proponon al atenta konsidero, al voĉdonado.

submetiĝi

Iĝi submetita; submeti sin.

surmeti

Sin vesti per: Surmetu mantelon! [14].

manĝometo

Ĉiu el la sinsekvaj partoj de ceremonia manĝo, la pladoj samtempe surtabligataj (aŭ forprenataj): koncerne la apartajn manĝmetojn, mi povas certigi vin, ke la aranĝo de la manĝaĵoj estis bonega [15]; la unua manĝometo.

    Mi aldonis "ke" en "antaŭ~i la kondiĉon, ke...". Reviziendas
    la hungara traduko.
    [MB]