tradukoj: cs de en es fr hu nl pt ru sk zh

1fraz/o

frazo

1.  
GRA Kunaĵo da vortoj prezentanta kompletan sencon: tial ofte [...] pli bona estas frazo ne tute logika kaj ne perfekte preciza, sed mallonga kaj viva, ol frazo perfekte preciza, sed enuige peza kaj tro kabineta[1]; simpla frazo (konsistanta el ununura propozicio); kompleksa frazo (plurpropozicia); la lasta frazo de alineo; tiu frazo estas tro longa kaj ne klara; tiu vorto estas subjekto de la frazo; indikativa, ordona, nega frazo.
2.  
(figure) Afektaj, belsonaj, senkernaj, malmultsignifaj paroloj: grandaj frazoj, malgrandaj agoj. VD:afekto, bombasto, emfazo, patoso
3.  
MUZ Nelonga kaj pli-malpli kompleta parto de muzika temo, melodio.
4.  
KOMP En programlingvo, meznivela unuo de programteksto, prezentanta relative aŭtonoman kaj kompletan informon: deklaron de programa objekto, ordonon aŭ komandon, esprimon: deklara, plenumebla, ordona, valorhava frazo.

frazaro  

1.
Kunaĵo da frazoj.
2.
Kolekto da modelaj antaŭpretaj frazoj.

frazi

(ntr)
Paroli per afektaj, malmultsignifaj frazoj.

frazisto

Tiu, kiu kutimas frazi: frazista sensencaĵoZ .

ĉirkaŭfrazo  

BELELIN Stilfiguro, tropo indikanta ideon, personon aŭ objekton ne rekte per la propra vorto, sed per priskribo aŭ karakteriza detalo, ekzemple „la reĝo de Olimpo“ anstataŭ „Zeŭso“; „la Eterna Urbo“ anstataŭ „Romo“, „la aŭtoro de ĉi tiuj linioj“ (anstataŭ „mi“ en aŭtora teksto): sufiĉe da ĉirkaŭfrazoj! [2]; la superstiĉa Anfisa sen ĉirkaŭfrazo deklaris al sia ĉagrenita mastrino, ke tio estas sorĉo [3].
SUB:eŭfemismo

frapfrazo  

Facile memorebla frazo reklamanta principon, politikan celon, institucion, vendaĵon: ni starigas konkurson por trovi trafan frapfrazon de TEJO [4]. VD:moto

frazparto PMEG  

GRA Vorto aŭ grupo da vortoj, rolantaj kiel unuo en frazo.

Rim.: PIV2 nomas tion „sintagmo“ ‐ ne tre oportune, ĉar tiu vorto estas tro ŝarĝita je sencoj lingvosciencaj (internacie ĝi havas almenaŭ 5 aliajn sencojn, iuj el kiuj estas pli oftaj). [Sergio Pokrovskij]

frazrolo PMEG  

GRA Funkcio de frazparto en la tuta frazo.
SUB:subjekto2, predikato1, objekto6, komplemento1
Rim.: PIV1 kaj PIV2 nomas tion „frazelemento“ ‐ tio ne harmonias kun la sencoj de la vorto „elemento“. [Sergio Pokrovskij]

tradukoj

anglaj

~o 3.: phrase; ~o 4.: statement, expression; ~o: sentence; ĉirkaŭ~o: periphrasis.

ĉeĥaj

~o 1.: věta; ~o: instrukce, povel, příkaz, výraz, výrok; ~aro: konverzační příručka; ~i: vyjadřovat se ve frázích; ~isto: frázista, frázovitý řečník, mluvka; frap~o: heslo, slogan.

ĉinaj

~o 4.: 语句 [yǔ jù], 表达式 [biǎo dá shì].

francaj

~o: phrase, discours; ~i: discourir, pontifier; ~isto: phraseur; ĉirkaŭ~o: périphrase; frap~o: devise, slogan.

germanaj

~o 1.: Satz; ~o 2.: Reden; ~o: Anweisung; ~isto: Schwätzer; ĉirkaŭ~o: Umschreibung.

hispanaj

~o 1.: oración.

hungaraj

~o 1.: mondat; ~o 2.: frázis; ~o 3.: (zenei) mondat, frázis; ~o 4.: mondat, utasítás; ~aro 2.: szólásgyűjtemény; ~i: szónokol (pej.); ~isto: frazőr; ĉirkaŭ~o: körülírás; ~parto : mondatrész; ~rolo : mondatfunkció.

nederlandaj

~o 1.: zin; ~o 2.: frase; ĉirkaŭ~o: omschrijving.

portugalaj

~o 1.: frase; ~o 2.: frase; ~o 3.: frase.

rusaj

~o 1.: предложение; ~o 3.: фраза (муз.); ~o: фраза, предложение; ~aro 1.: набор фраз; ~aro 2.: разговорник; ~i: разглагольствовать; ~isto: фразёр; ĉirkaŭ~o: иносказание, перифраза; ~parto : словосочетание, член предложения; ~rolo : член предложения.

slovakaj

~o 1.: veta; ~o: inštrukcia, povel, príkaz, vyraz; ~aro: konverzačná príručka; ~i: vyjadrovať sa vo frázach; ~isto: frázista; frap~o: heslo, slogan.

fontoj

1. L. L. Zamenhof: Lingvaj Respondoj, Respondo 25, La Revuo, 1907, Oktobro
2. E. Lanti: Vortoj de k-do Lanti, Vivu la neŭtralismo!
3. Mihail Bulgakov, trad. Sergio Pokrovskij: La majstro kaj Margarita, ĉapitro 7a
4. Tejo: Frapfrazoj, [vidita en 2008]

~o: Mankas dua fontindiko.
~aro: Mankas fontindiko.
~aro: Mankas fonto, kiu estas nek vortaro nek terminaro.
~i: Mankas fontindiko.
~i: Mankas fonto, kiu estas nek vortaro nek terminaro.
~isto: Mankas dua fontindiko.
~isto: Mankas verkindiko en fonto.
frap~o: Mankas dua fontindiko.
~parto : Mankas dua fontindiko.
~rolo : Mankas dua fontindiko.


ℛevo | datumprotekto | fraz.xml | redakti... | traduki... | artikolversio: 1.30 2018/11/26 14:10:13